shadow
Diocese de Dili > NOTÍCIAS > LETURA DIÁRIA > Quinta-Feira, IV Semana Iha Tempo Comum

Quinta-Feira, IV Semana Iha Tempo Comum

ANO B

 

Primeira Leitura                                                                                 1Rs. 2. 1-4, 10-12

Lia husi segundo livro Samuel nian

Wainhira David nia loron be mate mai dadaun, nia hato’o ba nia oan mane Salomão, lia hirak ne’e: “Ha’u ba tuir dalan mate-atan sira nian. Aten barani ba no hala’o ó moris nu’udar ema! Ó tenki moris tuir Na’i, ó Maromak Nia ukunfuan: Ó sei tuir Nia dalan, ó sei halo tuir Nia lei no ukufuan sira, lia menon sira no hanourin sira, tuir hakerek hela iha Lei Moisés nian. Nune’e, ó sei hetan di’ak iha ó moris no knaar tomak, atu Na’i bele halo tuir lia moruk nebé halo tiha ona mai ha’u: Ó oan sira la’o karik matan moris no neon na’in iha sira nia hahalok hodi tau iha Ha’u sira neon no laran tomak, ó sei la kuran oan ida iha fatin ulun Israel nian”.

David ba hamutuk ho nia aman sira iha dukur mate nian, no hakoi iha cidade David nian. Tempo nebé nia ukun Israel mak tinan hatnulu: Iha Hebron, nia ukun tinan hitu; iha Jerusalém, nia ukun tinan tolunulu resin tolu.

Salomão tur iha nia aman David nia trono, nia ukun metin tebes.

Maromak Futar Lia.

 

Salmo Responsorial                                                                                                                                         Sal. 1Cr. 29. 11ab, 11d-12ª, 12bcd (R. 12b)

Refrão : Ha’u nia Maromak, Ita mak mundo raiklaran tomak nia Na’in!!! Repete-se        

 

Rahun di’ak ba nafatin,

Israel nia Maromak, ita Aman.

Ba Ita, Na’i, kmanek wa’in no kbiit,

Naran di’ak, ukun na’in no glória. Refrao

 

Buat hotu nebé iha lalehan no rai Ita Nian,

Ita mak liurai boot criatura tomak nian.

Riku-soin no glória mai housi Ita,

Ita mak mundo rai klaran tomak nia Na’i. Refrao

 

Ukun no kbiit iha Ita liman,

Ita liman fó kbiit no tahan buat hotu.

Ami hahi Itaboot, ami Maromak,

Ami halo-hodi-hanoin Ita naran

Be nakonuk ho glória. Refrão

 

Aclamação                                                                                                                                                                                                                   Mc. 1. 15

Refrão : Aleluia, Aleluia!!! Repete-se

                  Maromak Nia reino besik ona;

                  Imi hakribi imi salan no fiar iha Evangelho. Refrão

 

Evangelho                                                                                                                                                                                                                Mc. 6. 7-13

Na’i Jesus Cristo nia Evangelho nudar são Marcos haktuir

Iha tempo neba, Jesus bolu Apóstolo sira na’in sanulu resin rua, hodi haruka sira na’in rua-rua ba hanourin ema. Nia haraik mós ba sira biit atu ukun espírito fóer sira; Nia haruka sira lori de’it aitonak ida, la bele lori tan buat seluk iha dalan; sira la bele lori bukae eh kohe, ka doit iha futu-kabun, maibe, hatais sandális iha sira ain; labele lori hatais tahan rua. Jesus lia tun teni ba sira, hodi dehan: “Tama tiha iha uma ida, imi sei hôrik iha neba to’o imi fila. Iha fatin ruma ema la rona eh la simu karik imi sai tiha housi neba, imi sei liki rai-rahun housi imi ainnu’udar lia sasin ida hasouru sira”. Apóstolo sira sai ba daudaun, hodi hanourin katak ida-idak sei laran moras nia salan. Sira duni sai diabo barak. Sira kose mina ba ema moras barak, hodi sira hetan isin di’ak.

Lia maksoyn.

Leave a Reply

Your email address will not be published. Required fields are marked *