shadow
Diocese de Dili > NOTÍCIAS > LETURA DIÁRIA > Sabado, IV Semana iha tempo comum

Sabado, IV Semana iha tempo comum

ANO B

 

Primeira Leitura                                                                                     1Rs. 3. 4-13

Lia housi primeiro livro Liurai sira nian

Iha loron hirak neba, liurai Salamão ba hasa’e sacrifício iha Gabaon, fatin nebe áas no naran boot liu fatin santo sira seluk; nia hasa’e sacrifício rihun ida ida iha altar Gabaon nian. Iha neba, Na’i mosu ba Salamão hatan;”Ita hatudu Ita laran-luak ba ha’u aman, Ita atan David, basá, nia la’o iha Ita futar oin ho neon no laran tuir Ita nia hakarak, ho Justiça no fuan mós no lós. Ita hametin ho nia Ita nia laran-luak ua’in hodi haraik ba nia oan mane ida, atu tur iha nia trono, hanesan mosu daudaun ohin loron. Na’i, ha’u nia Maromak, Ita halo atan ha’u ukun povo ne’e, hodi ha’u aman David nia fatin; maibe, ha’u foin sa’e, ha’u la hatene ukun lós Oinsá. Atan ha’u iha ona, iha Ita nia povo nebe Ita hili nanis nia leet, povo ida be ua’in tebes, sura mós la bele, hanoin de’it mós la hetan. Haraik mai atan ha’u fuan matenek ida atu bele ukun Ita nia povo no hatene fihir di’ak no áat. Basá, la iha buat ne’e, sé lós mak bele ukun Ita nia povo, povo nebe ua’in tebes hanesan ne’e?”

Lia nebe Salamão husu monu lós ba Maromak nia laran. Maromak dehan ba nia: “ Tan ó husu buat ida ne’e mai ha’u, hodi lahusu atu fó moris naruk, la husu riku-soi, la husu funu baluk sira nia mate, maibe, husu de’it matenek atu bele hala’o lolós Justiça na’in ida no matenek,fuan ida be la iha ema seluk atu hanesan hôrik uluk liu, ohin loron no ikus mai mós sei la iha ema ida hanesan ó”. Ha’u sei fó tan ba ó buat nebe ó la husu: riku-soi no glória, atu iha ó nia moris tomak la iha liurai ida hanesan ó”.

Maromak futar lia.

 

Salmo Responsorial                                                                                                                                      Sal. 118(119). 9, 10, 11, 12, 13, 14 (R. 12b)

Refrão : Na’i, hanourin ita ukunfuan sira mai ha’u!!! Repete-se

 

Oinsá foin sa’e ida rai didiak nia moris?

Moris tuir Ita liafuan, Na’i,

Ho laran tomak ha’u buka Itaboot, Na’i,

keta husik ha’u hadook-an housi Ita lei. Refrão

 

Ha’u rai ita ukunfuan iha ha’u fuan,

atu labele halo sla hasoru Ita.

Rahun di’ak ba Ita Na’i!

Hanourin ha’u tuir Ita lei nia dalan.   Refrão

 

Ha’u haklaken nafatin

Ita nia hakaran hotu.

Ha’u iha ksolok boot hodi tuir Ita ukun fuan,

liu fali riku soi mundo nian

be rai iha ha’u liman. Refrão

 

Aclamação                                                                                                                                                                                                                 Jo. 10. 27

Refrão : Aleluia, Aleluia!!! Repete-se

                  Ha’u Nia bibi sira rona Ha’u lian, Nai lia tun:

                  Ha’u hatene sira, mai tuir ha’u. Refrão

 

Evangelho                                                                                                                                                                                                             Mc. 6. 30-34

Na’i Jesus Cristo nia Evangelho tuir São Marcos

Iha neba, Apóstolo sira mai tur hale’u tiha Jesus hodi hatuir sai ba Nia buat hotu sira halo no hanourin.Jesus lia tun ba sira, dehan:” Imi mai, Ita la’o mesak ba fatin ida atu tur halimar uitoan:. Tan ema sira be ba-mai ua’in tebes, sira la biban atu han. Tan ne’e, sira sa’e ró hodi hadook-an tiha ba fatin mesak ida. Haré sira dada-an, ema barak hatene ona. Nune’e, housi cidade hot-hotu ema barak halai housi rai to’o uluk tiha iha fatin neba. Tun housi ró, Jesus haré kedas ema lubun boot. Nia hanoin tebes ema sira ne’e, basá, sira hanesan bibi sira nebe bibi-atan laek. Nia hahu hanourin sira kleur.

Lia maksoyn.

Leave a Reply

Your email address will not be published. Required fields are marked *