shadow
Diocese de Dili > NOTÍCIAS > LETURA DIÁRIA > VI Domingo iha tempo Comum

VI Domingo iha tempo Comum

ANO B

 

Primeira Leitura                                                                     Lev. 13, 1-2. 44-46 (1-2. 45-46)

Lia husi primeiro livro Levítico

Maromak lia tun ba Moisés ho Abraão ho lia-fuan hirak ne’e: “Ema ruma nia isin kulit bubu karik hanesan kaskadu eh kulit kamutis ruma, ne’e bele hatudu moras lepra iha kulit. Sei lori kedas ba sacerdote Aarão, eh nia oan sacerdote sira ida. Ema moras hatene ona katak lepra, sei hatais hena aat, fuuk nakratak, taka isin to’o ibun, hodi hakilar: ‘Fo’er, fo’er!’ Wainhira nia sei moris mesak-mesak, do’ok housi maluk sira nia taka baluk.

Maromak futar lia.

 

Salmo Responsorial                                                                                                                                                                               Sal. 31(32), 1-2. 5. 11

Refrão : Ita ha’u fatuk inan mahelik,

                 haksolok ha’u ho ita Maksoyn!!! Repete-se

Rahun di’ak ba ema sira be kasu ona salan

Rauhn di’ak ba ema nebé

Na’i la hetan sala,

La hetan bosok iha klamar. Refrão

 

Na’i, ha’u sala,

Maibé ha’u hakribit ha’u salan;

Ha’u la subar ha’u salan.

Ha’u dehan mai ha’u an:

“ha’u sei dehan sai ha’u salan ba Maromak”. Refrão

 

Imi sira be lós,

Haksolok iha Na’i ba;

Imi be laran mós,

Hahí Nia ba! Refrão

 

Segunda Leitura                                                                                                                                                                                         1Cor. 10, 31-11, 1

Lia husi São Paulo nia surat ba sarani sira iha corinto:

Maun alin sira: Han ka hemu, eh halo naran buat ida, imi sei buka halo ba Maromak nia glória. Imi keta dada ba sala ema Judeu ka Grego eh Maromak nia Kreda. Ha’u mos buka halo buat tomak atu haksolok ema hotu; laós hanoin de’it ha’u an rasik, maibé, buka liu-liu ema barak nia di’ak, atu sira hetan Maksoyn. Imi buka halo tuir ha’u nia hahalok, hanesan ha’u halo tuir Cristo.

Maromak futar lia.

 

Aclamação                                                                                                                                                                                                                      Lc. 7. 16

Refrão : Aleluia, Aleluia!!! Repete-se

                  Profeta boot ida mosu iha ita leet;

                  Maromak mai haré nia Povo. Refrão

 

Evangelho                                                                                                                                                                                                               Mc. 1. 40-45

Na’i Jesus Cristo nia Evangelho nu’udar São Marcos haktuir

Iha tempo nebá, ema mane ida moras lepra, mai buka Jesus, hakneak ba rai, hodi husu ba Nia: “Ita hakarak karik, Ita bele fó isin di’ak mai ha’u”. Jesus hanoin nia, lolon liman ba nia hodi kaer nia, hafoin dehan: “Ha’u hakarak: ó sei hetan isin di’ak”. Iha oras ne’e kedas lepra lakon, nia hetan isin di’ak. Jesus haruka nia ba, hodi dehan ho oin maka’as: “Keta dehan ba ida; maibé, hatudu ó nia an ba sacerdote, hodi hasa’e buat nebé Moisés haruka hasa’e, atu fo hatene katak, ó hetan isin di’ak”. Maibé, nia sai, ba fo hatene kedas buat ne’e iha fatin hotu. Nune’e, Jesus la bele ona tama hatudu-An iha naran cidade ida. Nia la’o de’it iha liur, iha rai fuik; housi fatin hotu, ema mai buka Nia

Lia maksoyn

Leave a Reply

Your email address will not be published. Required fields are marked *