shadow
Diocese de Dili > NOTÍCIAS > Notícias > ATU DEFENDE PAZ PRECISA FORÇA ARMADA

ATU DEFENDE PAZ PRECISA FORÇA ARMADA

DCDD (2/2.2018) Presidente da República Democrática de Timor-Leste Dr. Francisco Guterres Lú-Olo dehan lia hirak nee iha nia discurço ba Comemoração Aniversário das F-FDTL nian ba dala-17 iha Quartel General das F-FDTL Fatuhada Dili Sexta feira semana nee.

PR hateten FALINTIL-Forças Defeza Timor-Leste harí nudar Instituição tinan 17 liu ba no ohin ita hanoin hikas momento histórico ida nebé acontece iha Aileu, iha tinan 2001. Liu hosi cerimónia ida ne’e, ita fó hanoin fila fali ita nia domin ba ita nia rai doben no ita nia Espírito unidade nacional. Ita hotu haksolok ita nia passado ho orgullu. Passado ida nebé kesi ita hamutuk nudar povo no fó hanoin beibeik valor sira nebé lori ita harí Timor-Leste nudar Nação livre, soberano no independente.

PR alerta katak; Forças Armadas, nu’udar riin principal Nasaun ida ne’e nian, nudar escola ba virtudes no ba sidadania, nu’udar instituição nebé garante soberania no defeza ba ita nia rai doben, hala’o funsão social importante ba vigiláncia, atu hase’es no corrise fator sira nebé hamenus ita nia dignidade no bolu beibeik atenção atu tane aas valores sira nebé identifica ita nudar timoroan. Maibe, ita hare katak susar ba  beibeik atu fó tutan valores ne’ebé ita tanen ohin loron ba geração foun no ba aban bairua. Família ida-idak, escola ida-idak no F-FDTL rasik hanorin ita oinsá sai sidadão diak maibe esforço sira ne’e hotu seidauk natón. Ita presiza hare no saida tan mak ita presiza halo. Ha’u hanoin katak ita precisa duni debate político no social ida atu hamosu Servisu cívico Nacional iha Timor-Leste.

PR hateten; Atu iha paz ba beibeik, ita precisa hatene oinsá defende páz, atu defende paz, ita presiza Forças Armadas. País ida nebe ita mehi no hakarak tem que iha forças Armadas ida nebe hetan fiar husi ema hotu ho equipamento no qualificação atu cumpre ho diak ninia missão atu tau matan ba território nacional ida nebe composto ho rai keta-ketak. Tuir lei no hare ba conseito estratégico ba Defeza no Segurança nebé aprova ona, hau hanoin katak importante tebes continua hakerek documentos estratégico atu hasa’e capacidade operacional F-FTDL nian. Iha ita nia esforço atu organiza-an fali no hamosu força moderno ida, ita precisa haré mos ba problema recurço humano hanesan: oinsá hadia ba beibeik força sira nia qualificação técnico professional oinsá iha acesso ba servisu saúde, apoio social complementar escala salarial justa no condição militar, oinsá bele sa’e ba beibeik iha carreira professional no oinsá F-FDTL bele compete ho setor sociedade sira seluk.

PR declara mos katak; Nudar comandante supremo, hau sei hare hamutuk nafatin ho órgão soberania sira seluk, oinsá hadia no moderniza F-FDTL atu ita bele hetan ita nia objetivo atu dignifica, haforça no hasae capacidade F-FDTL atu afirma an liu tan, nudar ita nia forças defeza nebe bele atua ho sucesso iha momento nebe deit. Situação nebe ita moris ohin loron ho dificuldades iha recurço umanus, financeiros no materiais, labele halo ita laran taridu. Ita sei buka hamanas no habit ita nia an nafatin atu hakat liu desafio sira nebe hotu ho sucesso.

PR mos apela ba F-FDTL sira tomak atu servisu liu tan no reforça ba beibeik princípio cultura militar nian nudar riin sira nebe tane Instituição militar ida nebe forte no importante ba ita nia identidade no unidade nacional. (Alin)

Leave a Reply

Your email address will not be published. Required fields are marked *