shadow
Diocese de Dili > NOTÍCIAS > Notícias > Madre Canossiana iha TL Comemora Festa Santa Josefina Bakitha

Madre Canossiana iha TL Comemora Festa Santa Josefina Bakitha

DCDD (08/02/2018) Festa Santa Josefina Bakhita nian nee comemora iha Congregação Canossiana Becora, Dili nebe inicia ho missa Ação de Graça nebe preside husi Vigário Episcopal Assunto Pastoral nian Pe. Jovito do Rêgo. Tanba nee iha missa Pe. Jovito do Rêgo iha nia reflexão hateten; Conversão mensagem importante ida nebe Santa Josefina Bakhita transmite. Josefina celebra nia história imortal no irevelsível, história ida nebe ita bele dehan ahi ida nebe lakan nafatin iha Uma Creda laran atu leno no sunu motuk ita nia fuan sira nebe nakukun ho mundo ida ohin loron nakonu ho nakratak. Ita precisa configuraan lubuk, precisa mate dala barak. Josefina aprende saran an ba Maromak husi ninia experiéncia ida nebe boot teb-tebes, ida nebe ita bele dehan Maromak fukit nia sai husi atan ninian too nia hasoru Jesus Cristo.

Biban hanesan Me. Guilhermina iha nia discurço esplica mos katak Na’i Maromak haraik ba Creda Santa Josefina Bakhita, nebe iha mundo tomak conhece, laos ema sarani de’it mak conhece, maibe ema religião hotu-hotu conhece se mak Santa Josefina Bakhita, ao-mesmo tempo Santa Bakhita iha 2014 mundo Internaçional foti nia hanesan Protetora/Patrona ba vítima sira liu-liu ba tráfico humano, nebe laos ema Católico mak apresenta ba Vaticano ba Santo Padre, maibe ema husi religião oin-oin, husi ema sira lafiar mos apresenta Madre Bakhita hodi Santo Padre foti nia hanesan Patrona /Protetor vitimas no tráfico humano iha mundo.

Iha ocasião nee mos Me. Guilhermina apresenta Conselheira Superiora foun ba ema hotu relaciona ho festa Santa Bakhita nian iha Salão Canossiana Becora Dili. Madre Estelia assume knar nudar Superiora Provinçial, Me. Herminia nudar Vigária Provinçial, Me. Natalina dos Santos nudar Assistente/Consileira Provinçial no Me. Dulce Magno nudar Consileira Provinçial. Tanba nee, Me. Guilerminha husu atu ema hotu reza ba sira nain (4), atu sira hala’o sira nia knar didiak tuir exigência/Urgências rai laran nian. (Jaja)

Leave a Reply

Your email address will not be published. Required fields are marked *