shadow
Diocese de Dili > NOTÍCIAS > Notícias > PNTL Alerta Assegura Segurança ba EA

PNTL Alerta Assegura Segurança ba EA

DCDD (9/02/2018) Lia hirak nee imforma husi Comandante Geral Polícia Nacional Timor-Leste (PNTL) Comissário Júlio da Costa Hornai sexta feira semana nee (9/02/2018) hafoin participa Workshop Nacional kona Sistema Segurança no Defeza ba Acesso Eleição Antecipada Parlamentar 2018 nian iha Salão CNE Kaikoli, Dili.

Tuir Comandante Geral Polícia Nacional Timor-Leste (PNTL) Comissário Júlio da Costa Hornai haktuir katak PNTL iha equipamentos nebe mak suficiente hodi bele halao servisu operação atu assegura segurança ba eleisaun Antecipada.

Comissário Júlio da Costa Hornai hateten; Equipamentos suficiente para ami atu halao servisu inclui mos transporte nian, maibe kona ba Membro segurança sira nebe mak atu coloca hodi assegura segurança ba eleição antecipada nee segredo comando nian no kona plano operação coloka material, labele publica sai ba público.

Nia dehan tan katak comunidade sira iha tempo campanha nian labele lalin malu hodi gasta osan no energia atu ba tuir campanha iha município sira nee tanba dala ruma acontece ema balu bainhira ba tuir campanha iha fatin ida depois monu mate liu. Dala barak ona sidadão ruma hetan dezastre iha tempo campanha nian partido política sira sei la preucupa, tanba nee diak liu tur hakmatek iha ida-idak nia fatin hodi hein deit quando partido ba hato’o nia programa tem que rona depois mak to’o iha loron eleição foin ita termina iha neba.

Nunee parte PNTL husu mos ba Comissão Nacional das Eleição (CNE) atu nafatin eduka partido política sira bainhira iha tempo campanha nian labele lalin militante sira no simpatisantes sira hosi município ida ba fali iha município seluk atu nunee labele mosu tan desartre hirak nebe ita labele espera. (Alin)

Leave a Reply

Your email address will not be published. Required fields are marked *