shadow
Diocese de Dili > NOTÍCIAS > LETURA DIÁRIA > Sexta-Feira depois das Cinzas

Sexta-Feira depois das Cinzas

ANO B

 

Prmeira Leitura                                                                                       Is. 58. 1-9ª

Lia husi livro Isaías nian

Maromak dehan nune’e: “Hakilar maka’as ba, keta tahan netik, foti ó lian hanesan trombeta. Hatudu ba ha’u povo sira salan no ba uma-kain jacob nian, sira nia hahalok áat sira. Lor-loron sira buka ha’u, sira hakarak hatene ha’u dala, hanesan povo ida be moris tuir justiça, nebe lahalihan nia Maromak Nia lei. Sira husu ha’u atu fó justiçalolós ba sira no hakarak atu Maromak hakbesik-An ba. ‘Na’I atu fó sá di’ak mai ami be halo jejum, ita boot la haré karik; no tansá ami halo penitência, ita lakohi hatene karik?’ Tan ita loron jejum nian imi halo contrato, imi haruka imi aat sira hotu halo servisu. Imi halo duni jejum, maibe, iha funu no rungu-ranga nia leet. Imi oho malu maka’as, la’os jejum nebe oras ne’e imi hala’o mak halo imi lian sei rona iha leten áas ba. Jejum ida be ema sira halo haterus-an iha loron ida nia laran, sei fó ksolok mai ha’u? Hakru’uk uluk hanesan ai kleuk ida; hatoba-an tiha hanesan kaut ida iha ahi-kdesan leten? Ba ida ne’e mak ó bolu jejum, loron ksolok ida ba Na’i?

Jejum nebe ha’u hakarak uluk knana’in mak ida ne’e; harahun kadeia sira be la tuir lialós nian; hakore tiha ema serbisu na’in sira nia talin; fó liberdade ba ema sira be ema hanehan, hasobu tiha hotu ukun sira be oi-oin; fahe ó nia aihan ho ema nebe hamlaha; fó uma ba ema kiak sira nebe hôrik fatin la iha; fó hena ba ema nebe ó haré la’o luan; keta fila kotuk ba ó nia maluk. Ó halo hanesan ne’e, ó nia naroman sei mosu hanesan rai hun mutin; ó nia kanek la kleur de’it sei sai di’ak. Ó nia justiça sei la’o uluk iha ó nia oin, iha ó nia kotuk. Maromak sei hatan: ‘ha’u mak ne’e.’’

Maromak futar lia.

 

Salmo Responsorial                                                                                                                                                 Sal. 50(51). 3-4, 5-6ª, 18-19, (R. 19b)

Refrão : Maromak, keta fila kotuk ba ami,

                 Be haraik-an no neon susar!!! Repete-se

 

Na’i, sadi’a ami, tan Ita laran di’ak,

Tan Ita laran-luak, kasu ami salan;

Hamos ha’u nia hahalok aat,

Kasu ha’u nia salan hotu. Refrão

 

Ha’u fihir ba ha’u salan,

Ha’u salan hetan nafatin iha ha’u oin.

Na’i, ha’u salan hasouru Ita,

Ha’u halo salan iha Ita futar oin. Refrão

 

La’os housi sacrifício mak Ita haksolok;

Ha’u hasa’e karik sacrifício ida ba Ita,

Ita sei la simu nia.

Sacrifício be fó ksolok ba Maromak mak

Espírito be hakribi salan.

Maromak, Ita la heuwai

Espírito ida be haraik-an no neon nakraik. Refrão

 

Aclamaçào                                                                                                                                                                                                                Am. 5. 14

Refrão : Glória ba Ita, Na’i Jesus Cristo, Liafuan Aman Nian!!! Repete-se

                  Imi buka buat nebé di’ak, keta buak buat nebé aat atu imi

                  Bele moris no Na’i Maromak sei hela ho imi. Refrão

 

Evangelho                                                                                                                                                                                                            Mt. 9. 14-15

Na’i Jesus Cristo nia Evangelho nudar São Mateus haktuir

 Iha tempo nebá, João Baptista nia escolante sira ba hasouru Jesus hodi husu ba Nia: “Tansá ami ho Fariseu sira halo jejum no ó nia escolante sira la halo jejum?” Jesus hatan ba sira: “Bele Noivo nia belun sira kesi hena metan, wainhira Noivo sei iha hela ho sira? Sei mai loron hirak nebé Noivo sei hasai housi sira; iha oras nebá mak sira sei halo jejum”.

Lia maksoyn.

Leave a Reply

Your email address will not be published. Required fields are marked *