shadow
Diocese de Dili > NOTÍCIAS > LETURA DIÁRIA > I Domingo iha tempo Quaresma

I Domingo iha tempo Quaresma

ANO B

 

Primeira Leitura                                                                                     Gen. 9, 8-15

Lia husi primeiro livro Génesis

Maromak lia tun ba Noé ho nia oan sira, ho lia-fuan hirak ne’e: “Ha’u atu halo Ha’u nia moruk ho imi, ho imi nia bei-oan sira nebé tuir imi, ho buat moris sira houtu, nebé moris ho imi, katak, sira houtu nebésai housi roo, hodi moris iha rai. Ha’u sei halo Ha’u nia moruk ho imi: Houri ohin ba oin, wé dilúvio nian, sei la halo mate tan, kriatura ida; dilúvio ida, sei la halo aat tan rai”. Maromak dehan tan: “Moruk nebé Ha’u atu halo ho imi, ho balada houtu nebé moris ho imi, to’o bei-oan sira houtu, nebé sei tuir mai, nia sinal mak ne’e: Ha’u sei halo mosu Ha’i nia baur iha kalohan sira leten, hodi hatudu moruk nebé Ha’u halo ho rai. Wainhira Ha’u halo kalohan taka rai, hafoin mosu baur iha kalohan hirak ne’e, Ha’u sei hanoin Ha’u nia moruk nebé Ha’u halo ho imi, ho balada moris sira houtu. Wé sira la sai tan dilúvio, nebé bele halakon kriatura houtu”.

Maromak futar lia.

 

Salmo Responsorial                                                                                                                                                         Sal. 24(25), 4bc-5ab, 6-7bc, 8-9

Refrão : Na’i, Ita dalan sira mak domin no lialós!!! Repete-se

 

Na’i, halo ha’u hatene Ita dalan,

Hatudu Ita dalan mai ha’u.

Halo ha’u tuir Ita lialós,

Ita, ha’u Maromak no Maksoyn. Refrão

 

Na’i, hanoin Ita laran luak,

No Ita laran di’ak nebé rohan laek.

Ho laran luak, Ita hanoin ha’u,

Basá, Ita Boot di’ak tebes. Refrão

 

Na’i, di’ak, halo justiça lós,

Lori fali maksalak sira ba dalan.

Dada dalan ba kiik sira iha justiça laran,

Hatudu dalan ba ki’ak sira. Refrão

 

Segunda Leitura                                                                                                                                                                                                  1Pe. 3, 18-22

Lia husi São Pedro nia surat

Maun alin sira: Cristo mate dala ida de’it ba maksalak sira – ema di’ak ida mate, tan ema aat sira – atu lori imi ba Maromak. Ema óho Nia nu’udar ema; maibé, Nia moris hias, nu’udar Espírito. Nune’e mak Nia ba hanourin klamar sira iha mate laran, sira nebé uluk laran makerek, wainhira iha Noé nia loron, Maromak ho laran malirin, kleur tebes hein sira. Ne’e mak sira foin halo roo prontu, sira witoan mak tama, katak, ema na’in walu – hodi la mout iha wé. Wé ida nebé ohin loron soy imi, hatudu baptismo. Simu baptismo, laós katak hasai fo’er isin lolon nian, maibé katak hetan klamar mós housi Maromak, hodi Jesus Cristo nia moris hias, Cristo nebé sa’e ba lalehan, hatodan-An iha Maromak nia sourin kuanan, wainhira Nia ukun tiha Anjo sira kbiit, no ukun-na’in sira tomak.

Maromak futar lia.

 

Aclamação                                                                                                                                                                                                                    Mt. 4. 4b

Refrão : Glória ba Ita, Jesus Cristo, Na’i!!! Repete-se

                  Ema la moris de’it ho ai-han,

                  Maibé moris ho lia-fuan houtu nebé

                  Mai housi Maromak futar ibun. Refrão

 

Evangelho                                                                                                                                                                                                                Mc. 1. 12-15

Na’i Jesus Cristo nia Evangelho nu’udar São Marcos haktuir

Iha tempo nebá, Espírito Santo lori Jesus ba rai-fuik maran. Nia hela iha rai-fuik maran, loron hatnulu, Satanas babeur Nia. Nia hamutuk ho hamutuk balada fuik sira, Anjo sira serbí ba Nia. João ema dadur tiha, Jesus ba Galileia hodi hanourin Maromak nia lia-foun di’ak: “Tempo to’o ona rohan; Maromak nia reino besik ona. Imi hakribit imi salan ba, hodi fiar Lia-Foun Dia’k.

Lia Maksoyn.

Leave a Reply

Your email address will not be published. Required fields are marked *