shadow
Diocese de Dili > NOTÍCIAS > REFLEXÃO > SAI MAROMAK NIA TEMPLO

SAI MAROMAK NIA TEMPLO

REFLEXÃO & LEITURA DOMINGO QUARESMA III/Ano B/2018

Gen 20,1-7;  1Cor 22-25; Jo 2,13-25

 

Primeira Leitura                                                                                                                                                                                                   Ex. 20, 1-17

Lia Husi Livro Êxodo

Iha loron hirak nebá, Maromak dehan lia-fuan hirak ne’e houtu:”Ha’u mak Na’i, ó nia Maromak; Ha’u mak hasai ó housi Egipto rain, husi uman atan fatin. Ó la iha tan Maromak seluk, mak Ha’u de’it. Ó la bele badaen naran íilas buat lalehan tutun nian ida, eh rai nian, eh wé rai-okos nian. Ó keta tuku-tur ba rai hana’i ba sira. Ha’u ó Na’i, ó Maromak, Maromak nebé hakarak hana’i de’it ba Nia. Ema sira be hewai Ha’u, Ha’u sei castigo sira oan no bei-oan ba bei-oan sira, tan aman-inan sira salan; maibé, sira be hadomi Ha’u, halo tuir Ha’u nia ukun-fuan, Ha’u sei hatudu laran luak ba sira nia bei-oan rihun ba rihun. Ó keta temi Na’i ó nia Maromak naran, atu tahan lia nebé, hun-abut la iha, basá, Na’i fo castigo ba ema nebé temi Nia naran hanesan ne’e. Ó sei hanoin nafatin loron sábado, atu ó bele halo nia sai santo. Iha loron neen nia laran, mak ó sei kaer ó knaar, hodi halo buat houtu nebé ó iha atu halo. Maibé, bain-hitu, loron hamaha-an nian, loron ó Na’i, ó Maromak nian. Ó, ó nia oan mane eh oan feto, ó atan mane eh atan feto, ó nia balada dian sira, eh ema rai seluk be hourik ho ó, labele halo naran serviço ida. Basá, Maromak halo lalehan, rai, tasi no buat houtu be sira iha, iha loron neen nia laran; maibé, to’o bain-hitu nia hamaha-An. Tan ne’e, mak Na’i haraik bensa, hodi halo santo loron sábado. Ó sei hamta’uk ó aman no inan; halo nune’e, ó nia moris sei naruk iha rai nebé ó Na’i, ó nia Maromak sei haraik ba ó. Keta óho, keta halo adultério. Keta na’ok, keta foti lia bosok hodi kesar ema. Keta ka’an ema nia uman, keta ka’an ema nia káben no ema nia atan mane eh atan feto, karau eh kuda, naran buat ida nebé ema nia soin”.

Maromak Futar Lia.

 

 

Salmo Responsorial                                                                                                                                                                 Sal.   18  (19), 8, 9, 10, 11

Refrão :     NA’I, ITA BOOT IHA LIA FUAN

                     MORIS ROHAN LAEK!!! Repete-se

  • Na’i nia ukun fuan lós liu,

          Nia halo di’ak ba klamar.

          Na’i fo sasin lós,

          Ba kiik sira nia fó matenek. Refrão

 

  • Na’i ukun sira lós tebes, mós duni.

          Sira haksolok fuan,

          Fó roman ba ita matan. Refrão

 

  • Na’i nia hakaran mós tebes,

          Hela ba nafatin,

          Na’i tesi lia lós tebes. Refrão

 

  • Sira furak liu osan mean,

          Sira midar liu wani wén. Refrão

 

Segunda Leitura                                                                                                                                                                                              1 Cor.  1, 22-25

Lia Husi São Paulo nia surat ba sarani sira iha Corinto

Maun-alin sira: Judeu sira husu milagre, grego sira buka matenek. Maibé, ami hanorin ba imi Cristo mate iha Cruz, nebé Judeu sira hanoin aat, Grego sira hanoin bulak; maibé ba sira be Maromak bolu, Judeu ka Grego, Cristo Maromak nia kbiit, Maromak nia matenek. Basá, ida nebé Maromak nia bulak, matenek liu ema sira; ida nebé Maromak nia kbiit laek, maka’as liu ema sira.

Maromak Futar Lia.  

 

Aclamação                                                                                                                                                                                                                Jo.   3,  16   

Refrão: Hahí ba Ita Boot Jesus Cristo,

                Glória rohan laek nia liurai!!! Repete-se

Maromak hadomi teb-tebes mundo,

To’o fó nia oan mane mesak ba nia.

Ema houtu nebé fiar Nia, hetan moris rohan laek. Refrão

 

Evangelho                                                                                                                                                                                                             Jo.  2,  13-25 

†     Na’i Jesus Cristo nia Evangelho nu’udar São João Haktuir: 

Iha tempo nebá, besik daudaun ona Judeu sira nia Páscoa; Jesus sa’e ba Jerusalém. Nia hetan uma oração ema fa’an karau, bibi ho manu falur sira, ho ema sira nebé troka osan tur hela iha banku. Nia bobar tali hamutuk, hodi duni sai sira houtu housi uma oração, hamutuk ho bibi no karau sira. Nia halo namtate  ba rai, bankeiro sira nia osan troka, no taka fila mesa sira; Nia lia tun ba sira be fa’na falur:“Hasai buat ne’e housi ne’e, imi keta halo Ha’u Aman nia uman, uma kontrato nian”. Eskolante sira hanoin kedan liafuan be hakerek:”Tan badinas tau matan ba ó uman, Ha’u lakon Ha’u-an”. Judeu sira hahú ko’alia, hodi husu ba Nia:“Sinal nebé mak ó hatudu mai ami, katak Ó bele halo hanesan ne’e?” Jesus hatán ba sira:“ Imi sobu tia uman oração ida ne’e, Ha’u harí fali nia iha loron tolu laran”. Judeu sira dehan:“Uma-Oração ne’e, ema halo iha tinan hatnulu resin neen nia laran, Ó, iha loron tolu nia laran bele harí?” Maibé Jesus dehan tia kona ba Uma-Oração nebé nia isin rasik. Tan ne’e, wainhira Jesus moris hi’as housi mate, Eskolante sira hanoin kedas katak, uluk Nia dehan nanis; nune’e sira fiar Escritura no lia hirak nebé uluk nia dehan. Wainhira Jesus sei hela iha Jerusalém, iha festa Páscoa, ema barak fiar iha Nia naran, tan haré buat foun hirak nebé Nia halo. Maibé, Nia la fiar sira, basá, Nia hatene Máten sira. Nia la kuran atu ema fó hatene ba Nia, kona ba naran ema ida nia hahalok: Nia hatene didi’ak buat Sá mak iha ema laran.

Lia Maksoyn.

 

REFLEXÃO

SAI MAROMAK NIA TEMPLO

            Iha loron neen nia laran, mak ó sei kaer ó knaar, hodi halo buat houtu nebé ó iha atu halo. Maibé, bain-hitu (Domingo), loron hamaha-an nian, loron ó Na’i, ó Maromak nian. …halo nune’e, ó nia moris sei naruk iha rai nebé ó Na’i, ó nia Maromak sei haraik ba ó. Maromak dehan lia-fuan hirak ne’e houtu:”Ha’u mak Na’i, ó nia Maromak; Ha’u mak hasai ó housi Egipto rain, husi uman atan fatin (…) maibé, sira be hadomi Ha’u, halo tuir Ha’u nia ukun-fuan, Ha’u sei hatudu laran luak ba sira nia bei-oan rihun ba rihun. Ó la iha tan Maromak seluk, mak Ha’u de’it.

             Ita halao ona tempo Quaresma quase iha dalan klaran ona. Leitura Bíblica sira durante tempo Quaresma nian, convida ita atu haklean moris espiritual nudar ema Cristão Católico. Mensagem fiar no murak nebe Domingo semana nee ita lé no rona mak; oinsa Jesus hamos Maromak nia kreda hodi duni sai ema hirak nebe fila liman besik templo oin. Eangelista nain 4 (Mateus, Marcos, Lucas João), sira hotu haktuir acontecimento nee iha sira ida-idak nia relato Evangelho. João Evangelista por exemplo haktuir kedas iha início ao passo que evangelista sira seluk hanesan Mateus, Marcos ho Lucas quase que haktuir iha Evangelho nia rohan. Maske nunee, Evangelista sira hotu hakarak convida ita nobun hodi hamos-an didiak ita nia moris espiritual hanesan Jesus hamos tempo Jerusalém husi fila liman mundo nian.

              Ita la precisa buka tuir Jesus nia hirus nee oinsa. Ita mos bele husu; tan sá, Jesus ida baibain hanorin ho lalaok suave maibé, iha relato Evangelho nee, Jesus sai violento fali? Buat nebe ita precisa tau iha atenção mak Jesus nia atitude hirus ba ema hirak nee tan deit sira kahur valor principal kona ba relação entre ema ho Maromak. Jesus hirus tan sira lakon consideração ba assunto klamar nian hodi fo prioridade liu ba assunto mundo nian. Jesus haré katak; templo iha momento nebá, ema utiliza hodi halo culto ba Maromak físicamente, tan sira preocupa liu ho sasan mundo (osan no animal ofertório sira). Jesus hetok liu tan Ninia hirus hodi duni sai no sobu ema sira iha halo bazar iha templo oin tan; tuir los templo nee  nudar único meio hodi liga ema ho Maromak maibé, ema judeu rasik mak nakfilak tiha fatin nee sai tiha fatin comércio ho motivo religioso.

 

              Ba ema hirak nebe fiar nain duni (ema religioso duni), laos templo eh uma kreda nee rasik mak determina ita nia moris religioso (espiritual) maibé, ita nia fuan nebe mos, klamar nebe saudável espiritualmente, hahalok nebe tuir Jesus mak determina ita nia identidade nudar sarani Católico. Ema sosa no faan sasan iha templo, ema troca osan iha templo laos ba interece religioso maibé, Jesus haré ida nee hanesan fali bazar ida hodi halaokaon imagem templo nudar fatin sorumutuk ba Maromak. Jesus mos haré ida nee hanesan transformação religiosa ida nebe laos halo ema besik ba Maromak maibé, halo ema besik liu ba necessidade mundo nian. Iha Timor Leste, horas nee, ema sarani lobuk ida mos aproveita loron Domingo hodi ba passa tempo iha tasi ou iha fatin seluk do que fo netik minuto 30 ka minuto 60 ba Maromak iha Uma Kreda.

              Enfrenta situação concreta ida nee, Jesus foti ação sério hodi koalia sai katak: “Imi sobu tiha uma oração ida ne’e, Ha’u harí fali nia iha   loron tolu nia laran”. Jesus hasai lian kroat ho intenção atu povo judeu sira hatene katak; templo lolos nee mak Jesus Cristo rasik. Nee significa katak templo eh edifício Igreja sira nudar meio material ida nebe sei naksobu iha loron ida. Edifício Igreja nebe sei dura husi tempo ba tempo nee mak Jesus Cristo rasik. De facto, históricamente templo Jerusalém nebe Herodes harí iha tinan 70 tempo Jesus nian nudar haktuir iha Evangelho, rahun ou naksobu (destruido) duni husi ema Romano rasik. Jesus Cristo rasik nudar templo lolos nebe sei harí fali wainhira Nia hetan nia glória moris hias (Ressurreição).

             Mensagem murak saida mak ita bele hetan husi Evangelho Domingo semana nee? Jesus rasik considera no respita templo, hanesan mos comunidade judaica sira seluk nebe halao culto iha fatin refere. Maibé, templo lolos tuir sasukat fiar Cristão Católico mak Jesus Cristo nian-An tomak. Iha Jesus Cristo duni mak ita bele halao culto hodi hahhi adora Maromak, respeita no cria relação diak ho Maromak. Fatin oioin nebe ema husi religião diferente utiliza nudar meio hodi hahi adora Maromak. Maibé, ida nebe importante liu mak oinsa ema fiar nain ida cria rasik condição hodi bele hametin ninia fiar ba Maromak. Ba ita Cristão Católico, atu ita nia fiar metin ba Maromak, meio único liu mak Jesus Cristo. Basá, Jesus rasik dehan:”Hau mak Dalan, Lia los no Moris”. Nunee, Jesus mak templo lolos nebe ita precisa tau neon ba tan, husi Jesus makita bele descobre Maromak nebe ita fiar iha ita nia moris sarani nian.

             Ita nia relação ho Jesus precisa no obrigatóriamente puro (murni) sem reserva. Hodi hakbesik-an ba Jesus mak bele conprova ita nia fiar ba Maromak autênticamente. Precisa ita haré Jesus nudar templo foun nebe hametin ita nia relação eh comunicação ho Maromak. Hodi fiar iha Jesus, ita mos precisa halo ita nia-an sai templo Maromak nian ba ema seluk. São Paulo iha ninia carta ba sarani sira iha Corinto hameno katak:”imi la hatene katak, imi mak templo Maromak nian no Espírito Maromak nian horik iha imi (1Cor 3,16)”. Nunee, hanesan Cristo nudar Maromak nia templo, ita hirak nebe simu ona we baptismo iha mahan Igreja Católica nian precisa sai mos Maromak nia templo sira.

              Moris hias tiha husi mate, Jesus sai templo Maromak nian. Sai templo Maromak nian ba ema seluk nudar sentido moris husi Ema Cristão Católico lolos. Atu sai ema católico lolos, ita precisa moris eh banati tuir Jesus nia moris ho Ninia doutrina sira (Imitatio Christi). Halo tuir Jesus nia doutrina significa ita cumpri ona Maromak nia Mandamento/Ukun Fuan. Nee mak relaç`ap concreta entre ema ho Maromak liu husi Jesus Cristo nudar templo Maromak nian.

             Ita hakat ona iha dalan klaran tempo Quaresma (Quarenta Dias) nian. Maromak nia Futar Lia Fuan Domingo semana nee, bolu nafatin ita nia atenção atu hadia-an didiak, Jejum no abstinência didiak, prática ação Caritativa sira, confessa pecado sira hodi transforma ita nia moris sai hanesan templo ba Maromak. Oração deit hodi hahi adora Maromak seidauk too wainhira oração nee la lao hamutuk ho hahalok diak nudar sarani (Ora et Labora).

             Eucaristia (Missa) mak dalan sacramental nebe halo ema hafoun bebeik sarani nia klamar. Ita la participa missa hanesan mos ema horak nebe sai sarani iha tempo balun deit hanesan: NAPAS alias Natal-Páscoa, sarani KTP, kulit sarani-isin Gentio….nst. Contempla ba Jesus nia ação hodi hamos templo husi interece mundo nian, ita mos precisa iha tempo Quaresma nee hamos didiak ita ia klamar hodi sai templo kmook Maromak nian. Assim Seja e Bem Haja (ignaslopes)

Leave a Reply

Your email address will not be published. Required fields are marked *