shadow
Diocese de Dili > NOTÍCIAS > LETURA DIÁRIA > Sábado, III Semana tempo Quaresma

Sábado, III Semana tempo Quaresma

ANO B

 

Primeira Leitura                                                                                      Os. 6. 1-6

Lia  housi Profeita Oseias nian

“Imi mai, ita fila ba Na’i, , Nia hakanek karik ita, Nia sei halo ita hetan fali isin di’ak. Nia baku ita karik, Nia sei tau matan ba ita nia kanek sira. Liu tiha loron ida ka rua, Nia sei halo ita moris fali; iha loron tolu, Nia sei foti ita atu ita moris iha Nia futar oin. Ita sei buka hatene Na’i. Nia sei hi’it-An mai duni hanesan rai-hun mutin. Nia sei mai to’o ita hanesan we udan nian, hanesan udan to’o mai kle’eur atu habokon rai. Ha’u sei halo sá lós ba ó Efraim? Hau sei halo sá lós ba ó, Judá? Imi nia domin hanesan kalohan dader, hanesan maho-wen nebe lakon lalais. Ne’e duni, Ha’u de’ut sira hodi profeta sira, Ha’u halakon sira ho liafuan sai husi Ha’u ibun. Iha loron ne’e Hau Nia justiça mosu mai hanesan kroman. Tamba Ha’u hakarak domin, lakohi sacrifício, hakarak ema hatene Maromak liu fali buat-karan nian.

Maromak Futar Lia.

 

Salmo Responsorial                                                                                                                                Sal. 50(51). 3-4, 18-19, 20-21 (R. cf. Os. 6. 6)

Refrão :    Ha’u hakarak laran-luak, lakohi sacrifício. Repete-se

Maromak hanoin ha’u, tan Ita laran luak;

Tan Ita laran luak boot tebes kasu hau salan.

Fase ha’u nia hahalok áat sira tomak,

Hamos ha’u nia sala sira hotu. Refrão

 

La’os sacrifício mak haksolok Itaboot;

Ha’u hasa’e karik buat karan ba Ita, Ita sei la simu.

Sacrifício nebe haksolok Maromak

Mak espírito hakribi salan.

Maromak, Ita sei la hewai

Fuan ida haraik-an hakribi sala. Refrão

 

Tan Ita laran di’ak,

Tau matan ba Sião ho laran maus;

Hadi’a fali baki sira Jerusalém nian.

Iha loron ne’e Ita sei haksolok

Ho sacrifício diak,

Ho buat-karan no buat sira be oho atu hasa’e. Refrão

 

Aclamação                                                                                                                                                                                                        Sal. 94(95). 8ab

Refrão : Maksoin, glória no biit ba Jesus Cristo, ami Na’in. Repete-se

                  Ohin imi rona karik Na’i nia lian,

                  keta taka imi fuan. Refrão

 

Evangelho                                                                                                                                                                                                                Lc. 18. 9-14

Na’i Jesus Cristo nia Evangelho tuir São Lucas Haktuir

Iha tempo neba, Jesus lia tun hodi dehan aiknanoik ida ne’e ba ema sira nebe hanoin katak sira ema santo, hodi hakribi maluk sira: “Mane nain rua sa’e ba templo atu harohan; ida ema fariseu, ida seluk ema publicano. Fariseu ne’e hamriik tiha harohan nune’e: “Ha’u nia Maromak, ha’u fo agradece ba Ita, basá, ha’u la’os hanesan ema sira seluk; sira mesak ema na’okten, ema laran fo’er, ema so’e féen káben-na’in; ha’u fo agradece mos tamba ha’u la hanesan ema publicano ida ne’e! Ha’u hadera-an semana ida dala rua; Ha’u selu osan funan sira hotu!” Publicano fali hamriik dook, la hanoin liu foti matan ba Lalehan; nia baku de’it hirus matan hodi dehan: “Ha’u nia Maromak, sadi’a atan ha’u! Basá, ha’u ema maksalak ida!” Tebes, Ha’u dehan ba imi: publicano ida ne’e fila ba uma, santo; maibe, fariseu ne’e la’e liu; basá ema hotu nebe foti-an, Na’i Maromak sei hatun nia! Ema hotu nebe haraik-an, Na’i maromak sei foti nia!”

Lia Maksoyn.

Leave a Reply

Your email address will not be published. Required fields are marked *