shadow
Diocese de Dili > NOTÍCIAS > LETURA DIÁRIA > IV Domingo tempo Quaresma

IV Domingo tempo Quaresma

ANO B

 

Primeira Leitura                                                                           2 Crn. 36, 14-16. 19-23

 Lia housi Livro Crónica

 Iha loron hirak nebá, Judá nia na’i-ulun sira hotu, Sacerdote sira no povo, halo sala barak liu tan: sira halo tuir hahalok aat nação gentiu sira nian, sira sala hasouro Uma-Oração, nebé, Na’I halo santo iha Jerusalém. Na’i, sira bei-ala sira nia Maromak, haruka lalais, haruka bei-beik nia manu ain sira ba hasouro sira, basá, Na’i hakarak atu soy nia povo, soy nia horik fatin. Maibé sira hateten aat Maromak nia manu-ain sira, hewai nia Lia fuan, mangasáan ninia Profeta sira, halo nia hirus liu tan hasouro nia povo. Ema Caldeu sira, sunu tiha Maromak nia Uma-Oração, sobu Jerusalém nia baki, tau ahi ba nia kadunan sira hotu, halo nabéen nia murak sira. Caldeu sira nia liurai, lori Babilónia sira hotu nebé nia la óho, hodi halo sira sai atan ba nia, ho nia oan sira, to’o loron harí reino Persa. Nune’e, halo tuir duni lia nebé, Na’i dehan sai housi Jeremias nia ibun: “Rai sei sai aat, sei la kuda fini iha tinan hitu-nulu nia laran, to’o hamahan-an ne’e, selu sábado-sábado nebé la halo tuir”. Iha tinan uluk, Ciro, liurai Pérsia nian, atu sai tuir duni Na’i nia liafuan mai housi Jeremias Na’i fó hanoin Ciro, liurai Pérsia nebé haruka fó sai iha nia reino tomak, ho lian maka’as, no mos hakerek, liafuan hirak ne’e: “Ciro, liurai Pérsia nian, hateten nune’e: Na’i, lalehan nia Maromak, tau iha ha’u liman, reino sira hotu rai ninian. Nia rasik haruka ha’u harí Uma-Oração ida iha Jerusálem, Judá nian. Imi sira hotu nebé pertence ba nia povo, la’o ba! Maromak hamutuk ho imi”.

Maromak Futar Lia.

 

Salmo Responsorial                                                                                                                                                                     Sal. 136(137), 1-2, 34-5, 6

Refrão :      Jerusalém, ha’u haluha tiha karik ó,

                        ha’u nanal sei to’os tiha!!! Repete-se

 

  • Iha mota sira Babilónia sira ninin

           Ami tur tanis hodi hanoin Sião.

           Iha ai salgueiro be moris mota ninin,

           Ami tara ami cítara. Refrão

 

  • Sira be dadur ami, husu ami hananu,

          Sira be haterus ami, husu ami ksolok.

          “Imi hananu ba sira dehan imi hananu ba

          Sião nian knananuk!”. Refrão

 

  • Oin Sá ami hananu iha ema seluk rain?

          Ha’u liman matek tiha ba,

          Ha’u haluha tiha karik ó, Jerusalém! Refrão    

 

  • Ha’u nanal belit tiha iha ibun laran ba,

          Ha’u haluha karik ó, ha’u la tau karik ó

          Iha ksolok houtu nia leten, Jerusalém! Refrão

 

Segunda Leitura                                                                                                                                                                                                         Ef. 2, 4-10

Lia housi são Paulo nia surat ba sarani sira iha Êfeso:

Maun-alin sira: Maromak larn luak teb-tebes: tan hadomi ita teb-tebes duni, ita sira be mate tan ita salan, Nia fó hikas moris mai ita hamutuk ho Cristo; imi simu leet maksoyn! Nia halo ita moris hi’as ho Cristo; ho Cristo, Nia halo ita tur iha lalehan. Nune’e, Nia hakarak hatudu iha tempo ikus nebé sei mai, Ninia graça wa’in no boot tebes, tan laran luak nebé Nia hatudu mai ita, iha Cristo Jesus. Ne’e duni, hodi graça mak imi hetan Maksoyn housi fiar. Ne’e la mai housi imi; ne’e Maromak nia tulun; ne’e laós tamba hahalok; tan ne’e ema ida labele foti-an. Maromak haki’ak ita iha Cristo Jesus, atu ita halo buat di’ak nebé Maromak hadi’a hela mai ita, nu’udar dalan, ita atu tuir.

Maromak Futar lia.

 

Aclamação                                                                                                                                                                                                                      Jo. 3, 16

Refrão : Glória ba Cristo, Maromak lian!!! Repete-se

                  Maromak hadomi tebes mundo Nia fó nia Oan Mane mesak ba nia.

                  Ema houto nebé fiar Nia, hetan moris rohan laek. Refrão

 

 Evangelho                                                                                                                                                                                                                Jo. 3, 14-21

Na’i Jesus Cristo Nia Evangelho nu’udar São João haktuir

Iha tempo nebá, Jesus lia tun ba Nidecodemus: “Hanesan uluk, Moises foti samean iha rai-fuik maran, nune’e mos Mane Maksoyn ema sei foti, atu ema houto nebé fiar, bele hetan moris rohan laek iha Nia. Maromak hadomi teb-tebes mundo, to’o fó Nia Oan Manemesak, atu ema houto nebé fiar iha Nia labele lakon, maibé hetan moris rohan laek. Basá, Maromak la haruka Oan mai iha mundo atu fó terus mundo, maibé, atu hodi Nia tulun, mundo hetan Maksoyn. Ema nebé fiar iha Nia labele lakon, maibé hetan moris rohan laek. Basá, Maromak la haruka Oan mai iha mundo atu fó terus mundo, maibé, atu atu hodi Nia tulun, mundo hetan Maksoyn. Ema nebé fiar iha Nia, la hetan todan, maibé ema nebé la fiar, hetan ona kastigo, basá la fiar Maromak Oan mane mesak nia naran. Hetan todan tamba ne’e: Roman mai iha mundo, ema sira hadomi nakukun liu fali roman, tamba sira nia hahalok aat. Ema hotu nebe hahalok aat, hewai roman, la besik ba roman, atu ema keta hare nia hahalok. Maibé, ema nebé moris tuir lialós, hakbesik-an ba roman, atu mosu momós katak buat hotu nebé nia halo, halo iha Maromak.

Lia Maksoyn

Leave a Reply

Your email address will not be published. Required fields are marked *