shadow
Diocese de Dili > NOTÍCIAS > LETURA DIÁRIA > Sexta, IV Semana tempo Quaresma

Sexta, IV Semana tempo Quaresma

ANO B

 

Primeira Leitura                                                                                 Sab. 2. 1a, 12-22

Lia  housi Livro Sabedoria

Ema áat sira, hodi hanoin sala, dehan ba malu: “Ita tau to’ok hani ba ema di’ak, basa nia halo susar ita; nia lakohi tuir ita nia hahalok; nia haksi’ak ita tan ita la halo tuir ukufuan.; nia du’un sala mai ita, tan ita la halo tuir ita nia lisan. Nia hateten lolós katak nia hatene Maromak; nia hanaran nia-an rasik Na’i nia oan: Iha ita oin, nia kesar ita kona ba ita nia hanoin; haré deit nia mós ita laran terus. Tan nia moris la’os hanesan ema sira seluk nia moris; dalan sira be nia tuir oin seluk liu. Nia hanoin ita hanesan ema moris áat, tan nia buka atu se’es housi ita hanesan buat fo’er. Tuir nia hanoin, ema di’ak sira ikus mai hetan di’ak, laran metin lós katak Maromak mak nia Aman. Ita haré tok liafuan lós eh la lós; ita haré tok bu’at sá nia sei hetan iha oras atu mate. Basá ema di’ak ne’e, Maromak nia oan karik, Maromak sei haré nia hodi hasai nia housi nia funu baluk sira liman. Ita sei koko to’ok nia; tolok nia, fó terus nia, atu hatene nia laran maus; atu sukat nia paciência. Ita sei lori nia ba mate áat ida, basá nia hateten katak Maromak sei tulun nia”. Ema áat sira hanoin nune’e, maibe sala, tan sira nia laran áat halo sira matan delek. Sira la hatene Maromak nia hanoin, sira la hanoin katak moris santo iha prémio. Sira mós la hanoin katak klamar mós sira simu kolen.

Maromak Futar Lia.

 

Salmo Responsorial                                                                                                                                                      Sal. 33(34). 17-18, 21 e 23 (R. 19a)

Refrão :  Na’i, besik ba sira be laran terus!!! Repete-se

 

Na’i futar oin fila housi sira be halo áat,

Atu halakon sira naran housi Rai-klaran.

Ema laran di’ak sira harohan, Na’i rona sira,

Hasai sira husi susar laran tomak. Refrão

 

Na’i besik ba sira be laran terus

Hodi soi sira be neon nakraik.

Ema di’ak iha susar barak liu,

Maibe Na’i hasai nia housi susar laran tomak. Refrão

 

Tau matan ba ninia ruin tomak,

Ida mós sei la tohar.

Na’i tulun Nia atan sira nia moris;

La hetan castigo sira be hôrik iha Nia. Refrão

 

Aclamação                                                                                                                                                                                                                    Mt. 4. 4b

Refrão : Na’i hahalok Ita futar liman, boot no kmanek tebes!!! Repete-se

                  Ema la moris de’it ho aihan,

                  maibe ho liafuan sira nebe sai housi Maromak futar ibun. Refrão

 

Evangelho                                                                                                                                                                                                  Jo. 7. 1-2, 10, 25-30

 Na’i Jesus Cristo nia Evangelho tuir São João Haktuir

Iha tempo neba, Jesus la’o iha Galileia. Nia lakohi la’o iha Judeia, tan judeu sira buka Nia atu oho. Festa tabernáculos, judeu sira nian besik daudaun. Wainhira Jesus Nia maun-alin sira sa’e ba Jeruslém nia ema balun hateten: “La’os ema ne’e mak sira buka oho? Nia ko’alia lolós de’it, sira la dehan buat ida ba Nia. Ulun sira hatene didiak ona katak Nia Messias? Maibe ita hatene ema ne’e housi nebe”. Jesus wainhira hanourin iha uma-Kreda boot, hateten ho lia maka’as: “Imi la’os de’it hate Ha’u, maibe imi hatene mos Ha’u housi nebe, maski Ha’u la mai housi Ha’u-An rasik, maibe Ida be haruka Ha’u mai, Nia lós, Nia nebe imi la hatene; Ha’u mak hatene Nia; Nia mak haruka Ha’u mai”. Tan ne’e, sira buka káer Jesus, maibe laiha ema ida tau liman ba Nia, tan Nia oras seida’uk to’o.

Lia maksoyn.

Leave a Reply

Your email address will not be published. Required fields are marked *