shadow
Diocese de Dili > NOTÍCIAS > LETURA DIÁRIA > Sábado, V Semana tempo Quaresma

Sábado, V Semana tempo Quaresma

ANO B

 

Primeira Leitura                                                                                      Ez. 37. 21-28

Lia  housi Profecia Ezequiel nian

Na’i Maromak lia tun nune’e: “Ha’u atu hasai Israel oan sira housi nação sira leet; housi fatin nebe sira ba. Ha’u sei halibur sira housi fatin tomak atu lori sira ba fali sira rain. Ha’u sei halo sira sai povo ida de’it, iha rai neba, iha foho sira Israel nian, ho liurai ida de’it nebesei ukun sira hotu. Sira sei la halo nação rua. Sei la fahe mós sira iha reino rua. Sira sei la hafo’er-an tan ho sira lulik, sira nia lala’ok áat no sira nia salan tomak. Ha’u sei hasai sira housi salan nebe sira halo, tan sira laran la metin; sei hamos sira atu sira sai Ha’u Nia povo, Ha’u sai sira nia Maromak. Ha’u atan David sei sai sira nia liurai; hafoin sei iha bibi-atan ida deit ba sira tomak. Sira sei rona Ha’u Nia ukunfuan, sei simu Ha’u Nia lei hodi moris tuir lolós. Sira sei hela iha rai nebe Ha’u fó ba Ha’u atan Jacob, rai nebe imi bei-ala sira uluk hela ba. Iha neba sira rasik sei hela ho sira oan ho mós sira oan sira nia oan, ba nafatin. Ha’u atan David sei sai nafatin sira nia liurai. Ha’u sei halo ho sira moruk dame nian, moruk ida rohan la’ek, Ha’u ho sira. Ha’u ho sira. Ha’u sei halo sira hela metin, sai wa’in liu tan hodi tau iha sira leet ba nafatin, Ha’u Nia fatin santo. Ha’u sei hela metin iha sira klaran; Ha’u, sira nia Maromak, sira Ha’u nia povo. Nação sira sei hatene katak Ha’u mak Na’i, nebe halo Israel sai santo, wainhira Ha’u nia fatin santo iha sira klaran nafatin”.

Maromak Futar Lia.

 

Salmo Responsorial                                                                                                                                                  Jer. 31. 10, 11-12ab, 13 (R. cf. 10d)

Refrão : Hanesan bibi-atan bali nia bibi sira, nune’e mós bali ita!!! Repete-se

 

Nação sira, ona Na’i futar lia,

Fó hetene lia ne’e iha rai kiik dook nian ba;

Ida be halo Israel namkari, halibur fali nia,

Sei bali nia, hanesan bibi-atan

Bali nia bibi sira. Refrão

 

Tan Na’i soi Jacob,

Hasai nia housi ida be maka’as liu nia liman.

Hodi haklalak ksolok nian

Sira sei to’o Sião nia tutun, mai buka Na’i nia bensa. Refrão

 

Iha ne’e, fetora sei dansa ho ksolok;

Hanesan ne’e mós klosan ho katuas sira.

Ha’u sei halo nia taka-metan nakfila ba ksolok;

Fó laran kmaan ho ksolok iha terus nia fatin. Refrão

 

Aclamação                                                                                                                                                                                                                   Ez. 18. 31

Refrão : Maksoin, glória no biit ba Jesus Cristo, ami Na’in!!! Repete-se

                   Hakribi imi salan hotu, Na’I lia tun,

                   hakiak fuan foun ida no espírito foun ida. Refrão

 

Evangelho                                                                                                                                                                                                             Jo. 11 . 45-56

+ Na’i Jesus Cristo nia Evangelho tuir São João

Iha tempo neba, haré tiha buat nebe Jesus halo, judeu barak nebe ba haré Maria, fiar Nia, maibe sira balun ba fó hatene ba fariseu sira buat nebe Jesus foin halo. Amlulik boot sira no fariseu sira halibur hamutuk hodi dehan: “Ita atu halo sá lós tan ema ne’e halo milagre barak? Ita husik nia nune’e karik, ema hotu sei fiar Nia, hafoin romano sira sei mai hasai housi ita, ita nia templo ho nação tomak”. Maibe sira ida naran Caifás, amlulik boot ba tinan neba, hateten ba sira: “Imi la dehan buat ida! Imi la hatene katak, di’ak liu ba imi, ema ida de’it mak mate ba povo, liu fali nação tomak lakon!” Nia la dehan ne’e tan Nia an rasik, maibe tanba nia mak amlulik biit iha tinan ne’e; nia si’ik katak Jesus sei mate tan nação no la’os ba nação deit, maibe atu halibur hamutuk ho neon ida deit Maromak nia oan sira namkari lemo rai. Hahu housi loron ne’e, sira futu lia atu oho Nia.

Lia maksoyn.

Leave a Reply

Your email address will not be published. Required fields are marked *