shadow
Diocese de Dili > NOTÍCIAS > LETURA DIÁRIA > Quarta-Feira da Oitava da Páscoa

Quarta-Feira da Oitava da Páscoa

ANO B

 

Primeira Leitura                                                                                     Act. 3. 1-10

Lia  housi livro Apóstolo sira nia hahalok

Iha loron hirak nebá, Pedro ho João sa’e ba templo atu halo oração tuku tolu loraik nian. Iha oras ne’e, ema sira lori ema ida mai, moras housi kiik mai, nebé lor-loron sira tau hela iha odamatan templo nian be hanaran Formosa ne’e nia oin atu husu esmola ba sira nebé tama iha nebá. Ema moras ne’e , wainhira haré tiha Pedro ho João atu tama ba templo, nia husu esmola ba sira. Pedro, hamutuk ho João fihir tiha ema moras ne’e hodi dehan; “Ó haré mai ami!” Nia hateke ba sira rua, hodi hein atu simu buat ruma housi sira. Pedro dehan teni: “Ha’u la iha osan mutin no osan mean, maibé buat nebé ha’u iha, ha’u fó ba ó: hodi Jesus Cristo Nazaré nia naran, ó hamriik hodi la’o ba!” Kaer iha nia liman lós hodi halo nia hamriik. Lalais kedas, ema ne’e senti força iha ain, ho haksoit ida, hamriik tiha, hodi hahu la’o, tama iha templo ho sira. La’o dadaun, haksoit no hahi ba Maromak. Ema hotu haré tiha nia be la’o no hahi ba Maromak. Sira hotu hatene nia; mak ida be tur hela iha odamatan templo Formosa nian hodi husu esmola. Ema hot-hotu hakfodak hodi haré buat nebé mosu ba ema moras ne’e.

Maromak Futar Lia.

 

Salmo Responsorial                                                                                                                                                Sal. 32(33). 4-5, 18-19, 20, 22 (R. 5b)

Refrão : Na’i Nia laran-luak nakonu iha rai!!! Repete-se

Ou           Aleluia!

 

Hahi ba Na’i, harohan nia naran;

Haklaken Na’i nia glória iha povo hotu nia lle.

Hananu ba Na’i, ita Maromak,

Hodi halekar nia kmanek wa’in. Refrão

 

Haksolok imi-an ihania naran santo,

Sira nebe buka Na’I haksolok ba.

Buka Maromak no nia biit,

Buka nafatin nia futar oin. Refrão

 

Imi be Abrão, Na’i nia atan , nia bei-oan sira,

Imi be Jacob, be Na’i hili, nia oan sira,

Na’I mak ita nia Maromak;

Nia ukun iha rai tomak. Refrão

 

Nia hanoin nafatin nia moruk,

Liafuan hakotu ba derasaan rihun ba rihun;

Moruk be nia halo ona ba Abrão,

No juramento be nia halo ona ho isaac. Refão

 

Aclamação                                                                                                                                                                                                                Sal. 117. 24

Refrão : Aleluia, Aleluia!!! Repete-se

                  Ida ne’e mak loron be Na’i halo;

                  Ita haksolok hananu iha loron ne’e. Refrão

 

Evangelho                                                                                                                                                                                                               Jo. 20. 11-18

+ Na’i Jesus Cristo nia Evangelho nu’udar São João haktuir

Iha tempo nebá, Jesus nia escolante rua la’o ba knua ida naran Emaús besik kilómetro sanulu  resin rua husi Jerusalém. Sira ko’alia hela konaba buat hirak nebe mosu ona. Sei ko’alia hodi haksesuk hela, Jesus rasik besik ba hodi la’o ho sira. Maibe, sira matan lada’uk mós atu hatene Jesus. Nia husu ba sira: “ imi ko’alia lós sáida ba malu, wainhira imi la’o?” sira hamriik hodi hakfodak tiha.

Sira ida naran Cléofas simu dehan: “Ó, Jerusalém nia emar sira de’it mak la hatene buat hirak nebe mosu iha loron hirak ne’e! Jesus simu ba sira: “ sá mak mosu? Sira simu teni: “ Buat sira nebe kona ba Jesus Nazaré; nia profeta ida beran boot iha lian no hahalok, iha Maromak no povo sira oin; sacerdote bno na’ilulik sira saran nia atu oho hodi hedi nia ba cruz. Ami hein katak Nia atru mai soi Israel; maibe, liu ona looron tolu mak buat hirak ne;;e mosu. Feto balu, housi ami, mai hakfodak ami: dadersa ndeit sira ba rate, sira la hetan Jesus nia isin; sira mai dehan katak Jesus moris hela. Ami nia maluk balu mós ba to’o rate hodi dehan buat hotu hanesan feto sira haktuir. Maibe, ami la haré Nia”.

Jesus dehan ba sira: “ imi ne’e, ema beik no neon badak atu fiar lia nebe profeta sira hanourin. Messias sei la terus buat hirak ne’e hotu atu tama iha nia glória?” Hafoin, hahu ko’alia kona ba Moisés no ba profeta sira seluk hodi hanourin lia nebe Escritura haktuir kona ba Nia.

Besik knua nebe sira ba, Jesus halo fudik la’o liu de’it. Maibe, sira husu hodi dehan ba nia: “ Hela ona ho ami basá loron monu ona, rai mós nakaras daudaun”. Jesus tama atu hela ho sira. Hola tiha fatin iha mesa ho sira, Jesus káer pão, fó tiha bensa, hafoin silu, fahe ba sira. Iha oras ne’e, sira matan nakloken hodi hatene Jesus. Maibe, Jesus lakon tiha iha sira oin. Sira deahan ba malu: “ ita laran la manas wainhira nia ko’alia tuir dalan hodi hanourin Escritura?”

Sira hamriik kedas atu fila ba Jerusalém. Sira hetan sira na’in sannulu resin ida hamutuk hela ho maluk seluk, hodi dehan ba sira: “Tebes duni, Na’i moris hi’as” . sira hahu haktuir buat hirak nebe mosu iha dalan hodi dehan mós oinsá Jesus loke sira matan wainhira fahe pão.

Lia Maksoyn.

Leave a Reply

Your email address will not be published. Required fields are marked *