shadow
Diocese de Dili > NOTÍCIAS > LETURA DIÁRIA > Sábado, IV Semana da Páscoa

Sábado, IV Semana da Páscoa

                                                                                                                   ANO B

 

Primeira Leitura                                                                            Act. 13. 44-52

Lia husi livro Apóstolo sira nia hahalok

Iha sábado be tuir mai, Paulo ho Barnabé hela iha Antioquia pisídia nian. Ema cidade laran tomak mai halibur hamutuk atu roma Maromak nia liafuan. Haré ba lubun boot ne’e, Judeu sira laran moras teb-tebes, hodi hasara Paulo ho lia tolok no lia áat. Ho aten boot, Paulo ho Bernabé hateten: “Uluk knana’in, ami haklaken Maromak nia liafuan ba imi. Maibé, tan imi la simu liafuan ne’e, tan imi rasik hanoin katak imi la so’I atu simu moris rohan laek, ami fila oin ba ema gentio sira. Basá, Na’i haruka ami halo nune’e: ‘Ha’u foti ó nu’udar roman ba nação hotu, atu ó bele lori maksoin la’o lemo rai’.

Rona tiha lia hirak ne’e, ema gentio sira laran ksolok teb-tebes, hodi hahi Na’i nia liafuan. Ema hot-hotu nebe Maromak fihir ona atu simu moris rohan laek, ema sira ne’e fó duni laran hodi fiar. Nune’e, Na’i nia liafuan namkari iha fatin tomak neba. Maibé, Judeu sira hasa’e lia ba na’in ulun feto sira be hamta’uk, Maromak no na’in ulun mane sira cidade nian, atu sira funu hasoru Paulo ho Bernabé, to’o duni sai sira na’in rua husi sira rain. Paulo ho Bernabé, to’o duni sai sira na’in rua husi sira rain. Paulo ho Bernabé liki tiha rai-rahun husi sira ain, hafoin sira na’in rua liu ba rai Icónio. Escolante sira fali haksolok teb-tebes, tan Espírito Santo hela ho sira.

Maromak Futar Lia.

 

Salmo Responsorial                                                                                                                                                   Sal. 97(98). 1, 2-3ab, 3cd-4 (R. 3cd)

Refrão : Rai-ikun rai-ulun haré Maromak nia maksoin!!! Repete-se

Ou           Aleluia!

Hananu ba Na’i knananuk foun ida,

Basá nia halo buat mesak kmanek.

Nia futar liman lós manan funu;

Manan ho nia fuatr liman santo. Refrão

 

Na’i fó hatene nia maksoin;

Nia hatudu justiça ba nação sira hotu.

Nia hanoin nia domin no laran lós,

Ba Israel uman. Refrão

 

Rai-ikun rai-ulun fó sasin,

Maksoin ita Maromak nian.

Rai tomak haklaken Na’i,

Haklalak ho ksolok no hananu. Refrão

 

Aclamação                                                                                                                                                                                                             Jo. 8. 31b-32

Refrão : Aleluia, Aleluia!!! Repete-se

                  Na’i lia tun: “imi halo tuir karik nafatin Ha’u nia liafuan,

                  imi Ha’u nia escolante tebes; imi sei hatene lialós”. Refrão

 

Evangelho                                                                                                                                                                                                                  Jo. 14. 7-14

+ Na’i Jesus Cristo nia Evangelho tuir São João :

Iha tempo neba, Jesus hateten ba escolante sira: “Imi hatene Ha’u karik, imi sei hatene mós Ha’u Aman. Oras ne’e, imi hatene ona, imi haré ona Nia”. Filipe dehan ba Jesus: “Na’i, hatudo Aman Maromak mai ami, ne’e de’it to’o ona”. Jesus simu ba nia: “Ha’u hela kleur ona ho imi, imi seidauk hatene ha’u, Filipe?

Ema nebe haré ha’u, haré Ha’u Aman. Tansá ó dehan: ‘Hatudo Aman Maromak mai ami?’ Ó la fiar katak hela ho Aman Maromak, Aman Maromak hela ho Ha’u? lia hirak nebe ha’u hela ho imi, ha’u la dehan hodi ha’u-an rasik; Ha’u Aman nebe hela ho ha’u, nia mak halo hahalok hirak ne’e. fiar iha ha’u, ha’u hela ho Aman Maromak, Aman Maromak hela ho ha’u, buka fiar netik tan hahalok hirak ne’e.

Tebes, Ha’u dehan lialós ba imi: Ema nebe fiar Ha’u, sei halo mós buat hirak nebe Ha’u halo; nia sei halo boot liu tan hirak ne’e tamba Ha’u atu la’o ba Aman. Buat naran de’it nebe imi husu hodi ha’u nia naran, ha’u sei halo, atu Aman hetan glória iha oan mane; imi husu karik buat ida hodi ha’u nia naran, ha’u sei halo”.

Lia Maksoyn.

Leave a Reply

Your email address will not be published. Required fields are marked *