shadow
Diocese de Dili > NOTÍCIAS > LETURA DIÁRIA > Sexta-Feira, IV Semana da Páscoa

Sexta-Feira, IV Semana da Páscoa

ANO B

 

Primeira Leitura                                                                                  Act. 13. 26-33

Lia husi livro Apóstolo sira nia hahalok

Iha loron hirak neba, Paulo hateten iha sinagoga Antioquia nian iha pisídia: “Ha’u maun-alin sira, Abraão nia oan sira no imi hotu nebe hamta’uk Maromak, ba ita tomak mak Maromak haruka nia lia tatoli maksoin nian. Tebes duni, ema Jerusalém no ulun sira, maski la hatene Jesus no profeta sira nia liafuan, nebe lê dala wain iha sábado-sábado, hala’o tiha ona wainhira sira halo terus Na’i Jesus. Sira la hetan sala ida iha nia atu fó mate ba nia, tan ne’e, sira husu ba pilatos aru oho tiha Nia.

Waihira halo tuir tiha ona buat hotu nebe hakerek nanis kona ba nia, sira hatun nia husi ai-cruz hodi hakoi nia isin mate. Maibe Na’i Maromak halo nia moris hi’as fali Nia husi mate nia leet no Nia mosu dala barak ba isra nebe ho Nia sa’e husi Galileia ba Jerusalém. Sira ne’e, mak oras ne’e, sasin ba Jesus iha povo nia oin. Ami fó sai lia-foun maksoin nian nu’udar hakotu ona ba ita nia  aman sira, nebe Maromak halo tuir lolós ona ba ita, nebe sira oan, wainhira fó moris hi’as ba Jesus, nu’udar hakerek nanis ona iha Salmo ba dala rua: “Ó, Ha’u Nia Oan, ohin Ha’u hahoris Ó”.

Maromak Futar Lia.

 

Salmo responsorial                                                                                                                                                                     Sal. 2. 6-7, 8-9, 10-11 (R. 7)

Refrão : O, Ha’u nia Oan, Ha’u hahoris Ó!!! Repete-se     

Ou            Aleluia!

Ha’u mak foti ó ba Ha’u nia liurai,

Iha Sião, Ha’u foho santo.

Ha’u hakarak haklaken Na’i nia lei;

“Ó mak Ha’u oan, Ha’u hahoris ó!” Refrão

 

Ó husu mai Ha’u, Ha’u sei fó ba ó

Nação hot-hotu nu’udar liman-rohan;

Rai-ikun rai-ulun iha ó nia ukun.

Ó sei ukun sira ho we besi-asu;

Ó sei harahun sira hanesan sana rai nian. Refrão

 

Imi liurai sira, oras ne’e, rona mai!

Imi husik hanoin, imi hotu nebe tesi lia

Ba mundo rai-klaran!

Ho hamta’uk, imi hahi hana’i Maromak,

Ho haraik-an, imi adora Nia! Refrão

 

Aclamação                                                                                                                                                                                                                       Jo. 14. 6

Refrão : Aleluia, Aleluia!!! Repete-se

                  Na’i dehan: “Ha’u ne’e dalan, lialós no moris;

                  ema ida la liu karik husi Ha’u, Nia la bele ba Aman Maromak. Refrão

 

Evangelho                                                                                                                                                                                                                    Jo. 14. 1-6

+ Na’i Jesus Cristo nia Evangelho tuir são João :

Iha tempo neba, Jesus hateten ba escolante sira: “imi neon keta susar. Imi fiar Maromak, sei fiar mós Ha’u. Iha Ha’u  Aman nia uma fatin Wain. La hanesan ne’e karik, Ha’u sei la hateten ba imi katak Ha’u ba hadi’a fatin ba imi. Wainhira Ha’u ba hadi’a fatin ba imi, Ha’u sei fila hikas mai, lori imi ba hamutuk ho ha’u; nune’e, iha nebe ha’u hela ba, imi mós hela iha neba. Tomé dehan ba Jesus: “Na’i, ami la hatene ita ba nebe, oinsá ami bele hatene dalan? Jesus simu ba nia: “Ha’u mak dalan, lialós no moris hun. Ema ida la liu karik husi Ha’u, nia la bele ba Aman Maromak”.

Lia maksoyn.

Leave a Reply

Your email address will not be published. Required fields are marked *