shadow
Diocese de Dili > NOTÍCIAS > Notícias > Ita Precisa Lider Ida Nebe Iha Centimento ba Nação

Ita Precisa Lider Ida Nebe Iha Centimento ba Nação

DCDD (24/04/2018) Relaciona ho actividade campanha nebe oras nee daudaun partido político sira hatudu, dala barak mosu agrumentação contra ataque entre argumentação ho razão baseia ba factos ou história nebe lalos. Nunee Pe. Herminio nudar Presidente Comissão Justiça e Paz iha nia knar fatin hateten; Ida ne’e mak hanaran Política. Política tem que iha nia adversário‘lawan’. Iha adversário nee sempre buka nia adversário seluk ninia fraquezas atu bele sai nu’udar nia método, ninia matéria campanha nian. Ida nee normal iha política ASIA nian, dehan Pe. Herminio.

Tuir Padre Herminio katak política agora daudaun ne’e, partido zigante mak AMP ho FRETILIN. Tanba durante ne’e, parte rua nee mak dala barak uja linguagem nebe ita bele dehan fora da ética de campanha ninian, maibe ida ne’e ba ha’u laos sai causa, tanba partido sira hakarak manan ou atrai apoiantes ba sira nia partido.

Pe. Herminio haktuir tan katak tuir matenek nain sira hanesan Plato, Aristóteles hakerek kona ba política, sira dehan nunee ‘Democracia ne’e laos governação ida nebe ideal, tanba democracia ne’e liu husi eleição ida. Eleição nee mos laos hili governo nebe diak liu, maibé atu minimiza governo nebe aat liu’. Nebe povo haree no fihir didiak ba, hili ho consiênsia, ho vontade tanba laiha pressão política ou pressão físico ba ema ida. tanba nee, fo ita nia votos hodi hakotu crise impasse política.

Dehan Pe. Herminio katak, Agora daudaun nee ita nia hakarak mak ne’e, ita precisa lider ida nebe iha sentimento de Timor, precisa lider ida nebe iha centimento ba nação. laos lider ida nebe ukun atu apoio deit grupo ida, grupo ida nee hau nian, ida neba o nian, grupo ida ne’e partido ida nee nian, ras ou cor, tanba Constituição dehan katak labele iha discriminação ba povo, maibe hare ou hakuak ema hotu-hotu iha Timor hanesan Timor oan.

Ha’u fiar katak sei sucesso mas que mosu agrumentação contra ataque entre argumentação, maibe ba ha’u eleição antecipada sei sucesso. Tanba ne’e, povo hot-hotu tem que participa hanesan sidadaun Timor tanba responsabilidade hanesan sidadaun Timor tem que ba fo nia votos iha estasaun ne’ebe besik nia fatin. Maibe ema ne’ebe la fo nia votos, ema ne’ebe la ba, nia laiha direito exige buat ruma ba governo ida nebe forma tuir mai. Pe. Herminio mos husu atu ema nebe servisu iha parte eleição nian nee tem que neutral, independente hodi hatudu rezultado nebe diak. (Alin)

Leave a Reply

Your email address will not be published. Required fields are marked *