shadow
Diocese de Dili > NOTÍCIAS > Notícias > NUDAR SIDADAUN IDA LAOS EXIGE DEIT, MAIBE CONTRIBUI LIU HUSI ITA NIA VOTO

NUDAR SIDADAUN IDA LAOS EXIGE DEIT, MAIBE CONTRIBUI LIU HUSI ITA NIA VOTO

DCDD Quinta-feira(26/04/2018) Daudaun nee partido político sira halo hela campanha eleitoral iha teritório timor laran tomak tun foho sae foho hodi apresenta ba povo kona ba sira nia vizão ho missão atu nune’e wainhira povo fo voto de confiança ba sira iha eleição antecipada nee, sira bele implementa saida mak sira promete ona iha tempo campanha.

Fr. Mariano Maia hato’o nia observação pessoal katak em geral tuir ha’u nia haree no ita hot-hotu nia haree ba Eleição antecipada ne’ebe sei realiza iha loron 12 fulan Maio tinan nee, ha’u observa ba campanha eleitoral ne’e lao di’ak la hanesan ho campanha sira nebe liu tiha ona, tanba desde primeiro to’o ohin loron, ita haree laiha problema, bele iha problema ki’ik oan, maibe polícia no seguransa sira hakalma kedan. Tanba nee atu dehan deit katak geralmente campanha iha eleição antecipada 2018 ne’e lao ho hakmatek.

Nia haktuir tan katak, Buat ne’ebe ha’u hare iha campanha eleitoral ne’e maka cada partido hato’o sira programa, masque iha partido balun ne’ebe uja argumento hodi ataque malu, maibe tuir ha’u nia parte, ha’u haree katak husi buat sira ne’e mos di’ak ida atu povo Timor hatene kona ba história lolos nebe ita nia lider histórico sira haktuir. ne’ebe argumentação hirak nebe ita nia lider sira hatoo laos hodi ba negativo hodi cria instabilidade, maibe agumentação sira ne’e atu lori povo sira ba hatene lolos saida mak história lolos Timor nian, hahu luta no termina ne’e halo nusa.

Nudar sidadaun ida Fr. Mariano mos hateten katak, buat ne’ebe ha’u hanoin no hakarak eleição ne’e hanesan Festa Democracia ida hodi hatudu ida-idak nia direito, então obrigação husi sidadão ida atu ba vota hodi termina ita nia futuro. Nudar sidadaun ida laos exige deit, maibe nia mos iha obrigação oinsa atu bele realiza, contribui ba naçao liu hosi nia voto, tanba voto ida determina nia futuro.

Fr. Mariano mos deseja katak partido nebe mak manan iha eleição atu kaer ukun iha tinan 5 nia laran nee, povo nia hakarak ne’e promove diak liu tan paz no estabilidade iha rai ida nee, e partido hotu-hotu masque liu barreira ou lae hakasan contrbui hamutuk hodi desemvolve nação ida ne’e basá nação ida ne’e laos ema ida nian no partido ida nian de’it maibe nação ne’e partido hot-hotu no mos povo hot-hotu nian. (Alin/Marta)

Leave a Reply

Your email address will not be published. Required fields are marked *