shadow
Diocese de Dili > NOTÍCIAS > Notícias > CNE DECLARA EMA BALUN DRAMATIZA SITUAÇÃO

CNE DECLARA EMA BALUN DRAMATIZA SITUAÇÃO

DCDD (07/05/2018) Declaração hirak nee hatoo husi Presidente Comissão Nacional de Elições (CNE) Alcino de Araujo Baris hafoin remata Comferência iha Edifício CNE Caicoli Dili Segunda Feira Semana nee. Presidente CNE hatoo lia hirak nee relaciona ho reclamações nebe CNE hetan iha Covalima liu husi midia Social liu-liu husi Facebook ema balun continua dramatiza situação katak iha Covalima detecta iha buletin de Votos balun tu’u tiha kedas ona. Presidente CNE comfirma ba situação nee lalos, bosok no continua bosok atu desacredita processo eleição ida nee rasik.

Presidente nee haktuir katak buletin de votos ou material sensitivo nebe hetan transportação hosi dia 4 ba iha cada Município no transporta mos ba iha estrageiro (Englatera, Portugal no Irlandia do Norte, Australia no Corea do Sul), hotu-hotu to’o no halo confirmado katak buat hotu di’ak hotu. Apenas iha Município Covalima mak iha caderno ou livro 2 ne’ebe iha ninia laran nee hamutuk tahan 9 mak tinta fakar iha buletim de voto balun. E tinta fakar nee laos ba deit buletin de voto Fretilin nian maibe, fakar mos ba AMP no mos ba partido sira seluk, nia afirma.

Nia hateten tan, Situação ne’e verifica kedas husi STAE, subsupervisão CNE, Fiskais Partido Político ne’ebe marca presença iha ne’eba, hanesan Partido FRETILIN, AMP, Partido sira sel-seluk, observadores Nacionais no Internacionais. E sira hare katak buletin de voto ne’ebe tinta fakar ba, sira tau kedas cancelado, significa la uza. Maibe husi buletin cancelado sira tau acta ida ne’ebe assina husi fiskais partido ne’ebe marca presença katak buletin ho número hirak nee la uza tanba iha rasguras.

Presidente CNE dehan, relaciona ho ida nee, balun posting fali iha facebook dehan ao contrário. E maluk sira ne’ebe posting ne’e laiha oin ka la tau foto maibe, soe notícia falso ba público halo ema público pánico, halo ema público desacredita orgão Eleitoral tanto STAE e CNE katak procedimento ou atendimento ne’ebe sira halo laloos. Tuir Presidente CNE katak maluk sira ne’e laiha responsabilidade, sira ne’e la contribui ba oinsa mak atu garante eleição ida ho rezultado ne’ebe mak di’ak, tanba atuação ne’ebe mak halo ho maneira transparânsia, veracidade, qualificado no credível tanba ne’e ema hot-hotu hola parte halo acta.

Presidente CNE lamenta katak, tuir loos ida ne’ebe foti problema mak ida ne’ebe marca presença iha ne’eba, laos ida ne’ebe halo hanesan especulação husi fali kotuk mak consenge divulga ba iha liur e todas vezes nia halo informação ida ba liur halo ema público pánico teb-tebes. Tanba nee parte CNE sei continua halo participação ba iha Polícia masque eleição hotu continua verifica se mak halo buat ida ne’e? (LEO)

Leave a Reply

Your email address will not be published. Required fields are marked *