shadow
Diocese de Dili > NOTÍCIAS > LETURA DIÁRIA > Quinta-Feira, V Semana da Páscoa

Quinta-Feira, V Semana da Páscoa

ANO B

 

Primeira Leitura                                                                                  Act. 15. 7-21

Lia housi livro Apóstolo sira nia hahalok

Iha loron hirak neba, iha rungu-ranga boot iha maun-alin sira Jerusalém nia leet, kona ba bele eh la’e fó circuncisão ba sarani foun sira, hodi haruka sira atu Moisés nia lei.

Nune’e, Pedro hamriik hodi dehan ba sira: “ Ha’u- Maun- alin sira, houri loron uluk liu kedas, Maromak fihir ha’u iha imi nia leet, atu gentio sira rona housi ha’u ibun Lia-Foun hodi simu fiar. Maromak nebe hatene ema nia laran, fó sasin kona ba sira. Uainhira harail Espírito Santo ba sira nu’udar ba ita. Ita ho sira, iha Maromak futar oin, hotu hanesan, basá Nia hamos ita tomak nia fuan housifiar ida de’it. Tan sá, oras ne’e, imi hakarak babeur Maromak hodi tau serbisu ida todan teb-tebes iha escolante sira nia kbás, nebe ami bei-ala sira no mós ami hirak ne’e daudaun la barani hasán. Oin seluk, hodi Na’i Jesus Cristo Nia tulun mak ita hetan fiar no maksoin hanesan mós sira be sarani foun”.

Ema tomak assembleia nian, hot-hotu nonok. Tuir mai, hahu rona Barnabé no Paulo nebe haktuir hahalok no milagre sira be Maromak hala’o iha gentio sira leet housi sira.

Hotu tiha, Tiago hasa’e lia dehan: “Maun-alin sira, imi rona mai! Simão haktuir, oinsa Maromak, houri uluk, haraik-An mai hodi hili gentio sira leet, povo ida ba Nia rasik. Hodi nune’e, tuir lolós ona profeta sira nia liafuan nebe hakerek nanis: ‘Liu tiha ne’e, Ha’u sei hari hikas fali nia, atu ema hotu nebe hela buka Na’i nia nação sira fó-an tomak ba Ha’u nia naran’. Nune’e mak Na’i lia tun houri uluk liu, hodi fó hatene buat oi-oin”.

Ne’e duni, ha’u mós halo tuir  hanoin nebe katak lalika fó circuncisão ba gentio sira nebe simu ona fiar housi Maromak. Hakerek ba sira atu sira keta han  aihan no naan mate no keta halo sala fó’er. Basá,housi kedas tempo uluk, Moisés tau nia haklaken-na’in sira iha cidade ida-idak atu lê buat hirak nebe nia hakerek iha sinagoga sira iha loron sábado-sábado”.

Maromak Futar Lia.

 

Salmo Responsarial                                                                                                                                                  Sal. 95(96). 1-2ª, 2b-3, 10 (R. cf. 3)

Refrão : Haklaken ba povo hotu Na’i Nia kmanek!!! Repete-se

Ou           Aleluia!

Hananu ba Na’i Knananuk foun ida,

Hananu ba Na’i, rai-klaran tomak.

Hananu ba Na’i, hauélok Nia naran. Refrão

 

Haklaken loron ba loron, Nia maksoin;

Haklaken Ni’a glória ba reino tomak,

No ba povo hot-hotu, Ninia kmanek. Refrão

 

Haklaken ba povo hot-hotu: ‘Na’i mak Liurai’;

Nia hari mundo metin, sei la nakdoko,

Na’i ukun povo hotu ho justiça. Refrão

 

Aclamação                                                                                                                                                                                                                   Jo. 10. 27

Refrão : Aleluia, Aleluia!!! Repete-se

                  Na’i lia tun: “Ha’u Nia bibi sira rona Ha’u lian,

                  Ha’u hatene sira, sira mai tuir Ha’u”. Refrão

 

Evangelho                                                                                                                                                                                                               Jo. 15. 9-11  

+ Na’i Jesus Cristo nia Evangelho tuir São João :

Iha tempo neba, Jesus lia tun ba escolante sira, dehan: “Nu’udar Ha’u Aman Maromak hadomi Ha’u, nune’e mós Ha’u hadomi imi. Imi hadomi nafatin Ha’u ba. Imi halo tuir Ha’u nia ukunfuan sira mak imi bele hadomi nafatin Ha’u; Ha’u mós halo tuir Aman Maromak Nia ukunfuan, Ha’u hadomi Nia nafatin. Ha’u dehan sai ba imi lia hirak ne’e, atu imi bele haksolok ho Ha’u atu imi nia ksolok sai boot to’o rohan”.

Lia maksoyn.

Leave a Reply

Your email address will not be published. Required fields are marked *