shadow
Diocese de Dili > NOTÍCIAS > LETURA DIÁRIA > Sábado, V Semana da Páscoa

Sábado, V Semana da Páscoa

ANO B

 

Primeira Leitura                                                                                    Act. 16. 1-10

Lia housi livro Apóstolo sira nia hahalok

Iha loron hirak neba, Paulo to’o iha rai Derbe, hafon liu ba rai Listra. Iha rai neba, iha escolante ida naran Timóteo, feto judia, sarani di’ak ida nia oan nia aman ema grego. Maun-alin sira housi Listra ho Icónio hamta’uk no hadomi tebes nia. Paulo hakarak atu Tímoteo hamutuk ho nia. Paulo simu Timóteo hodi haruka nia atu simu circunsição basá iha fatin neba, ema judeu sira hotu hatene katak nia aman, ema grego.

Iha sidade sira nebe sira liu ba, sira hanourin ba sarani sira atu halo tuir didiak lia hirak nebe Apóstolo sira hamutuk ho katuas sira hakotu ona iha Jerusalém. Nune’e, kreda sira nebe hametin ona ho fiar, loron ba loron sai ua’in ba beibeik. La’o liu tiha rai Frígia no Galácia, maibé sira simu Espírito Santo nia naroman atu ba haklaken Na’i nia liafuan iha Ásia. Uainhira sira to’o iha rai ketan Mísia hodi tun ba Tróade.

Iha ne’e, kalan, iha mehi Paulo haré: Ema Macedónia ida hamriik hela iha nia oin hodi husu nune’e ba nia: “Mai to’o iha Mécedonia hodi tulun lai ami”. Tuir mehi, ami ba lós Mécedonia, ami hatene katak Maromak bolu ami atu ba haklaken Nia futar liafuan ba ema siraiha rai neba.

Maromak Futar Lia.

 

Salmo Responsorial                                                                                                                                                                 Sal. 99(100). 2, 3, 5 (R. 2ª)

Refrão : Rai-klaran tomak hananu ba Na’i!!! Repete-se

Ou           Aleluia!

Rai-klaran tomak haklaken hahi Na’i;

Hana’i Na’i ho ksolok;

La’o to’o ba Nia ho knananuk ksolok. Refrão

 

Na’i mak Maromak!

Nia mak halo ita, ita Ninian;

Ita hotu Nia povo,

Bibi sira housi Nia bibi-luhan. Refrão

 

Na’i di’ak tebes!

Nia laran-luak rohan laek;

Nia laran metin halekar otas ba otas. Refrão

 

Aclamação                                                                                                                                                                                                                      Col. 3. 1

Refrão : Aleluia, Aleluia!!! Repete-se

                  Imi moris hi’as ona ho Cristo, imi sei tau matan de’it ba sasan iha lalehan iha nebe

                  Cristo tur iha Aman Maromak Nia sorin kuana. Refrão.

 

Evangelho                                                                                                                                                                                                               Jo. 15. 18-21

+ Na’i Jesus Kristo nia evangelho tuir São João :

Iha tempo neba, Jesus lia tun ba eskolante sira, dehan: “ Mundo rai karik kunan hasouru imi, imi hatene katak, uluk knana’in, nia sei rai kunan hasouru Ha’u; hafoin, ikus mai, nia halo hasouru imi. Imi mundo ne’e nian karik mundo sei hadomi buat nebe mundo nian. Maibe, tan imi la’os mundo ne’e nian no tanba Ha’u hili ona imi, hasai ona imi housi mundo, tan ne’e, mak nia rai kunan hasouro imi. Imi sei hanoin kona ba lia hirak nebe Ha’u hateten ba imi: ‘ Atan la boot liu nia na’in’. Mundo buka karik halo áat mai Ha’u hateten ba imi: ‘Atan la boot liu nia na’in’. Mondo buka karik halo áat mai Ha’u, sei buka mós halo áat ba imi.  Nia rona karik hodi halo tuir  Ha’u nia liafuan, nia sei rona mós imi nian. Maibe nia sei halo buat áat ne’e hotu hasouro imi, tanba Ha’u nia naran, basá nia la hatene ida nebe haruka Ha’u mai”.

Lia Maksoyn.

Leave a Reply

Your email address will not be published. Required fields are marked *