shadow
Diocese de Dili > NOTÍCIAS > Notícias > Sarani Ornai Comemora Festa Padroeira Santa Catarina de Sena

Sarani Ornai Comemora Festa Padroeira Santa Catarina de Sena

DCDD (29/04/2018) Dom Virgilio do Carmo da Silva halo nia visita Pastoral ba sarani comunidade Paróquia Dare Estação Balibar Capelinha Ornai hamutuk ho Bispo de Brazil Dom Esmeraldo Farias hodi reza missa hamutuk ho sarani comunidade Ornai ho evento celebração Padroeira Santa Catarina de Sena nudar mahein Capelinha Comunidade sarani Ornai no mos presença Ilas Cruz santa iha Ornai.

Iha biban Eucaristia nian Dom Virgilio nia nia homilia hateten;Ohin sarani sira iha nee ita celebra Padroeira Santa Catarina de Sena ninian mahein Capela no sarani Hornai ninian. Buat nebe ohin Santa Catarina hakarak husik hela mai sarani sira katak wainhira ita obedece, rona no halo tuir nee vertude ida nebe boot liu. ida nee mak dehan chave, ida nee mak dalan sucesso ba ita nia vida wainhira ita hatene halo tuir, rona no obedece.

Bispo hateten, Catarina ikus mai sai Irmã no Santa ohin loron nia naran boot tanba nia hatene contempla Cristo iha Cruz nebe durante tinan tomak lao hamutuk ho ita boot sira iha Paróquia ida nee nia laran. Cruz hanorin ita atu hatene haraikan ba malu, hanorin ita atu hatene hakru’uk ba malu, hanorin ita atu hatene mate ba malu mak ita bele hari sinal de unidade, domin, paz. Ida nee mak ita hotu precisa iha momento ida nee.

Bispo haforsa tan katak; Ohin dala ida tan sarani sira durante tinan ida lori cruz Ilas lao haleu Paróquia tomak hodi tun foho sae foho, tama iha bairo, aldeias nia mensagem ida deit “convida ita atu lao tuir exemplo Cristo ninian, haraikan ba malu mak ita bele hetan unidade, haraikan mak ita bele kaer liman hamutuk hari ita nia família, ita nia comunidade no ita nia rain. Tanba nee liu husi ita nia celebração ohin atu liu husi interseção mahein Santa Catarina ninian tulun ita hotu atu hatene rona, hatene haraikan no halo tuir. Wainhira ita rona, haraikan no halo tuir mak hau hanoin ita bele sai instrumento dame ninian, instrumento Cristo ninian iha ita nia rai doben Timor-Leste.

Além nee Padre Pároco Paróquia são Francisco Xavier Dare iha ocasião nee hateten katak, Evento ida ohin celebração Padroeira Capelinha Santa Catarina de Sena Ornai nebe pertence ba Paróquia Dare, laos rohan to ba nee, maibe Paróquia sei iha evento boot liu ida nee nebe sei hahu iha dia 11 de Agosto ba too dia 18 de Agosto wainhira ita entrega Cruz Jovem ba iha Paróquia Iliomar Diocese Baucau.

Leave a Reply

Your email address will not be published. Required fields are marked *