shadow
Diocese de Dili > NOTÍCIAS > LETURA DIÁRIA > Sexta-Feira, VI Semana da Páscoa

Sexta-Feira, VI Semana da Páscoa

ANO B

 

Primeira Leitura                                                                                     Act. 18. 9-18

Lia housi livro Apóstolo sira nia hahalok

Wainhira Paulo sei iha Corinto, iha kalan ida, Na’i fó mehi ba nia hodi dehan: “Ó keta ta’uk, ko’alia nafatin, keta taka ó ibun basá Ha’u hôrik ho ó no la iha ema ida atu tau liman iha ó, hodi halo áat hasouru ó, tan Ha’u iha povo biit wa’in ida iha cidade ne’e”. Nune’e, Paulo hôrik tinan ida ho fulan neen hodi hanourin Maromak futar-lia ba ema Corinto sira.

Wainhira Galião ukun iha Acaia nu’udar procónsul, judeu sira futu lia hasouru Paulo atu lori nia ba tribunal hodi hateten: “Ema ne’e lori povo barak ba hahi Maromak hodi hasouru lei”. Wainhira Paulo atu hahu ko’alia Galião hateten ba judeu sira: “Nia halo karik buat nebé hasouru justiça eh halo sala boot hasouru imi judeu sira, ha’u iha buat ida atu rona imi hodi tesi lia maibé, tan liafuan hasouru liafuan, tan naran sira no tan lei kona ba imi, ha’u la iha buat ida ho imi! Ha’u la kohi sai juíz ba buat hirak ne’e”. Hafoin, haruka sira sai housi tribunal. Sira káer Sóstenes, ulun sinagoga nian, hodi baku nia iha kedas tribuna nia oin. Maibé Galião lakohi hatene buat ne’e.

Paulo hela kle’ur iha neba. Hafoin, nia husik hela maun-alin sira, ho ró liu ba Síria, hamutuk ho Príscila no Áquila, no iha Cêncreas, koi mós tiha nia fúuk, tan nia halo promesa ida.

Maromak Futar Lia.

 

Salmo Responsorial                                                                                                                                                   Sal. 46(47). 2-3, 4-5, 6-7 (R. cf. 8ª)

Refrão : Maromak mak rai tomak nia Na’i!!! Repete-se

Ou            Aleluia!

 

Povo hotu, basá liman ba,

Hawélok Maromak ho haklalak ksolok nian;

Basá Na’i, Aás liu tebes, ita hamta’uk Nia,

Liurai boot be ukun rai tomak. Refrão

 

Nia halo povo sira hakruuk ba ita biit;

Nia halibur nação sira iha ita ain okos,

Nia mak hili ita nu’udar Nia liman-rohan,

Glória Jacob nian, ema be Nia hadomi tebes. Refrão

 

Maromak sa’e ba iha hananu ksolok nia klaran,

Na’i sa’e ba ho lian trombeta nian.

Hananu knananuk ba Maromak, hananu ba!

Hananu knananuk ba ita Liurai! Hananu ba. Refrão

 

Aclamação                                                                                                                                                                                                           Lc. 24. 46, 26

Refrão : Aleluia, Aleluia!!! Repete-se

                  Cristo hetan terus to’o mate no moris hi’as housi mate

                  Sira leet atu bele tama iha Nia glória. Refrão   

 

Evangelho                                                                                                                                                                                                           Jo. 16. 20-23ª

+ Na’i Jesus Cristo nia Evangelho tuir São João :

Iha tempo neba, Jesus hateten ba escolante sira: “Tebes, tebes duni, Ha’u dehan ba imi: Imi sei tanis ho neon sala teb-tebes, maibé mundo sei haksolok. Imi sei terus ho neon sala, maibé mundo sei haksolok. Imi sei terus ho neon sala. Maibé, imi nia terus, sei nakfila ba ksolok. Wainhira, feto sai nu’udar inan, nia senti neon sala teb-tebes, basá nia oras to’o daudaun ona. Maibé, wainhira labarik moris tiha, nia la hanoin ona nia terus, haksolok haré ema ida moris ba mundo. Imi mós oras ne’e neon sala. Maibé Ha’u sei haré fali imi; imi nia laran sei haksolok no ema ida sei la hasai imi nia ksolok. Iha loron ne’e, imi sei la husu tan buat ida mai Ha’u”.

Lia Maksoyn.

Leave a Reply

Your email address will not be published. Required fields are marked *