shadow
Diocese de Dili > NOTÍCIAS > LETURA DIÁRIA > Terça-Feira, VI Semana da Páscoa

Terça-Feira, VI Semana da Páscoa

ANO B

 

Primeira Leitura                                                                                  Act. 16. 22-34

Lia housi livro Apóstolo sira nia hahalok

Iha loron hirak neba, ema lubun boot iha Filipos futu lia hasouro Paulo ho Silas. Embo’ot  haruka hasai tiha sira nia hatais, hafoin haruka baku sira. Baku tiha sira, hatama tiha sira iha kadeia hodi fó hatene ba guarda sira atu hein didiak. Simu tiha ordem, guarda  tau sira iha klaran liu hodi kesi metin sira nia ain iha cepo.

Iha kalan boot, Paulo ho Silas halo oração hodi hananu ba Nai no ema hotu iha kadeia rona sira hananu. Teki-tekir, mosu rai nakdoko boot tebes ida nebe halo kadeia nia didin hun sira sai naksobu; odamatan sira sai nakloke tiha kedas, korenti sira iha dadur sira ain sai namkore tiha hotu. Ulun kadeia nian hader mai haré odamatan sira nakloke, hakfodak, neon sal, buka katana atu oho-an, hodi hanoin katak dadur sira halai sai lakon hotu ona. Nune’e, Paulo hakilar ho lian maka’as; “Keta halo áat hasouru ó-an basá ami mak ne’e hotu”. Sunu tiha ahi oan, guarda ne’e haksoit ba laran, ho nakdedar, monu iha Paulo ho Silas nia ain. Hafoin, lori sira mai iha liur hodi husu ba sira: “Na’i sira, ha’u sei halo sá lós atu soi ha’u-an?” sira hatan ba nia: “Fiar iha Nai Jesus, ó sei hetan maksoin, hamutuk ho ó nia família tomak”.

Tuir mai, sira haklaken Na’i nia futar lia ba nia no mós ba nia emar sira hotu be iha nia uma laran. Ema guarda ne’e, iha kalan ne’e kedas, fasi Apóstolo sira nia kanek hodi taka ai-moruk ba; hafoin, nia ho nia emar sira hotu simu kedas baptismo. Tuir mai, nia haruka sira sa’e ba nia uma hodi ba hamutuk iha mesa. Nia ho nia família tomak haksolok tan simu fiar iha Na’i Maromak. Maromak Futar Lia.

 

Salmo Responsorial                                                                                                                                             Sal. 137(138). 1-2a, 2bc-3, 7c-8 (R.7c)

Refrão : Na’i, ho ita liman lós, soi ha’u!!! Repete-se

Ou           Aleluia!

 

Na’i, ha’u hahi ita ho laran tomak,

tan ita rona lia fuan sira housi ha’u ibun.

 Iha anjo sira oin, ha’u hauélok ita,

adora ita ho ha’u oin fila ba ita templo santo. Refrão

 

Ha’u hahi ita naran Santo,

tan ita laran luak no laran lós.

Uianhira ha’u harohan, Ita rona ha’u,

no haboot ha’u klamar nia Kbiit. Refrão

 

Ita liman lós soi ha’u,

Na’i halo buat hotu mai ha’u.

Na’i, ita domin rohan laek,

la hakribi buat hotu nebe ita futar liman  halo. Refrão

 

Aclamação                                                                                                                                                                                                               Jo. 16. 7, 13

Refrão : Aleluia, Aleluia!!! Repete-se

                   Na’i lia tun:”Ha’u sei haruka Espírito lialós nian mai;

                   Nia sei hanourin lialós hotu ba imi”. Refrão

 

Evangelho                                                                                                                                                                                                                 Jo. 16. 5-11

Na’i Jesus Cristo nia evangelho tuir São João

Iha tempo neba, Jesus lia tun ba escolante sira, dehan: “Oras ne’e, Ha’u ba iha ida nebe haruka Ha’u mai; imi ida sei la husu mai Ha’u: ‘Ita ba nebe?’ Maibe, tan Ha’u dehan liafuan ne’e ba imi, imi laran susar tiha. Maibe, Ha’u ba karik, Tulun-Na’in, sei la tun mai iha imi. Maibe, ha’u ba karik, Ha’u sei haruka Nia mai. Uainhira Nia mai, sei hatudu katak, mundo ne’e maksalak no tan sala, sei halo justiça, sei tesi lia kona ba sala, tanba sira la fiar iha Ha’u; kona ba tesi lia, tanba liurai-oan mundo ne’e nian hetan ona castigo”.

Lia Maksoyn.

Leave a Reply

Your email address will not be published. Required fields are marked *