shadow
Diocese de Dili > NOTÍCIAS > LETURA DIÁRIA > Quinta-Feira, VII Semana da Páscoa

Quinta-Feira, VII Semana da Páscoa

Ano B

 

Primeira Leitura                                                                                 Act. 22. 30, 23. 6-11 

Lia housi livro Apóstolo sira nia hahalok    

Iha loron hirak neba,  Tríbuno hakarak hatene lolós lia kesar be hasouru Paulo housi judeu sira; nia haruka hasai tiha Paulo housi kadeia, haruka amolulik boot ho assembleia sira atu halo reunião. Hafoin lori Paulo hodi hatudu ba sira. Paulo haré katak sira balu mesak ema saduceu no balu ema fariseu, ho lian maka’as nia hakilar dehan; “Maun-alin sira, ha’u ema fariseu, ema fariseu sira nia oan. Tan ami nia esperança no tan moris hi’as housi mate sira leet mak oras ne’e, ha’u atu ba simu julgamento”.

Wainhira nia hateten tiha lia hirak ne’e, ema fariseu no saduceu sira hahu haksesuk malu, no assembleia hafahe tiha ba grupo rua. Saduceu sura hateten katak la iha moris hi’as housi mate. La iha Anjo no espírito; maibé, sira housi grupo fariseu nian, sira fó sasin hateten katak, buat hirak ne’e, sei mosu iha loron ikus. Escriba sira housi grupo fariseu nian, ho hakilar dehan: “Ami la hetan sala ida iha ema ne’e! Espírito ruma ou Anjo ruma ko’alia ho nia karik”. Tan sira haksesuk malu liu tan, Tríbuno ta’uk katak sira sei halo buat áat ruma hasouru Paulo. Ne’e duni, nia haruka soldado sira lori tiha Paulo housi sira leet hodi ba tiha iha fortaleza. Iha kalan tuir mai, Na’i mosu ba Paulo hodi dehan: “Aten barani ba! Hanesan sasin nebé ó fó sai kona ba Ha’u iha Jerusalém, nune’e mós ó sei fó sai iha Roma”.

Maromak Futar Lia

 

Salmo Responsorial                                                                                                                                            Sal. 15(16). 1-2ª, 5, 7-8, 9-10, 11 (R. 1ª)

Refrão : Na’i, tahan ha’u tan Ita ha’u heli-an-fatin!!! Repete-se

Ou            Aleluia!     

 

Tahan ha’u, Na’i, tan Ita ha’u nia heli-an-fatin,

Ha’u dehan ba Na’i, “Ita ha’u nia Maromak”.

Na’i, Ita ha’u nia liman-rohan no cálice,

Ha’u nia moris iha Ita futar liman. Refrão

 

Ha’u sei hahi Na’i tan Nia mak ha’u Mahein;

Iha kalan Nia fó conselho mai ha’u neon.

Na’i iha nafatin ha’u matan nia oin,

Nia iha ha’u sorin kuana, ha’u sei la monu. Refrão

 

Tan ne’e, ha’u fuan haksolok,

Ha’u klamar hananu ho ksolok boot, no ha’u isin toba hakmatek.

Tan Ita sei la saran ha’u ba hôrik fatin mate nian,

Sei la husik atan nia isin dodok. Refrão

 

Na’i, hatudu dalan moris nian mai ha’u,

Haraik ksolok boot iha Ita futar oin;

Iha Ita sorin kuana, haksolok ba nafatin. Refrão

 

Aclamação                                                                                                                                                                                                                    Jo. 17. 21

Refrão : Aleluia, Aleluia! Repete-se

                  Aman, sira hotu sai ida de’it hanesan Ita iha Ha’u no

                  Ha’u iha sira, atu nune’e mundo sei hatene katak ita mak haruka Ha’u mai. Refrão

 

Evangelho                                                                                                                                                                                                             Jo. 17. 20-26

+Na’i Jesus Cristo nia Evangelho tuir São João :

Iha tempo neba, Jesus foti matan ba Lalehan, hodi harohan nune’e: “Aman Santo, Ha’u la harohan de’it ba escolante sira ne’e, maibé, Ha’u harohan mós ba sira nebé sei fiar Ha’u, tan sira ne’e nia liafuan, atu sira hot-hotu sai ida de’it. Ha’u Aman, nu’udar Ita hôrik iha Ha’u, Ha’u hôrik ho ita, nune’e mós, sira hôrik iha ita rua, atu mundo fiar iha ita Ita mak haruka Ha’u mai. Ha’u fó ona ba sira naran boot nebe ita fó mai Ha’u, atu sira sai ida de’it, nu’udar ita rua ida de’it atu Ha’u hôrik iha sira, ita hôrik iha Ha’u no sira sai laran ida de’it atu nune’e mundo sei hatene katak Ita mak haruka Ha’u mai no Ha’u hadomi sira nu’udar ita hadomi Ha’u rasik. Ha’u Aman, sira nebe ita fó mai Ha’u, Ha’u hakarak atu iha fatin nebe Ha’u hela ba, sira mós hela hamutuk ho Ha’u. Ha’u hakarak sira atu haré Ha’u nia naran boot, naran nebe ita fó ona mai Ha’u, tan ita hadomi Ha’u molok atu hakiak mundo. Ha’u Aman Santo, mundo la hatene ita, maibe Ha’u hatene ona Ita no sira ne’e hatene ona katak Ita mak haruka Ha’u mai. Ha’u halo sira hatene Ita Nia naran. Ha’u sei halo sira hatene liu tan ita naran atu sira bele hadomi Ita, nu’udar ita hadomi Ha’u, atu Ha’u hôrik iha sira”.

Lia maksoyn.

Leave a Reply

Your email address will not be published. Required fields are marked *