shadow
Diocese de Dili > NOTÍCIAS > LETURA DIÁRIA > Sábado-Feira, X Semana Tempo Comum

Sábado-Feira, X Semana Tempo Comum

ANO B

Primeira Leitura                                                                                    1Rs. 19. 19-21

Lia housi primeiro livro Liurai sira nian

Iha loron hirak neba, Profeta Elias sai housi foho Horeb, ba hodi hetan Eliseu, Chafat nia oan. Eliseu fila hela rai ho karau par sanulu resin rua. Eliseu mak káer par ida ikus. Elias liu housi Eliseu nia oin hodi sóe nia tais ba Eliseu nia kbás. Iha oras neba kedas, Eliseu husik karau sira, hodi halai tuir Elias, dehan: “Husik ha’u ba lai, dehan liafuan ruma ba ha’u nia aman no ha’u nian inan, hafoin, ha’u sei ba ho ó”. Elias hatan ba nia: “Bele ba, tan ha’u halo tiha ona buat nebé atu halo ba ó”. Eliseu husik tiha Elias, hafoin, nia kaér karau rua, oho hodi duni ai fila rai nian. Eliseu tunu na’an ne’e, fó han nia emar sira. Hotu tiha, nia hamriik la’o tuir Elias, hodi serbí nia.

Maromak Futar Lia.

 

Salmo Responsorial                                                                                                                                              Sal. 15(16). 1-2ª, 5, 7-8, 9-10 (R. 5ª)   

Refrão : Na’i, Ita mak ha’u nia liman-rohan!!! Repete-se

 

Tahan ha’u, Na’i, tan Ita ha’u nia heli-an-fatin,

Ha’u dehan ba Na’i, “Ita, ha’u nia Maromak”.

Na’i, Ita mak ha’u nia liman-rohan no cálice,

Ha’u nia moris iha Ita futar liman. Refrão

 

Ha’u sei hahi Na’i tan Nia mak ha’u mahein;

Iha kalan, Nia fó conselho mai ha’u neon.

Na’i iha nafatin ha’u matan nia oin,

Nia iha ha’u sorin kuana, ha’u sei la monu. Refrão

 

Tan ne’e, ha’u fuan haksolok,

Ha’u klamar hananu ho ksolok boot,

No ha’u isin toba hakmatek.

Tan Ita sei la saran ha’u ba hôrik fatin mate nian,

Sei la husik Nia atan isin dodok. Refrão

 

Aclamação                                                                                                                                                                                          Sal. 118(119). 36ª, 29b

Refrão : Aleluia, Aleluia! Repete-se

                  Halo ha’u fuan moris tuir Ita ukunfuan no haraik mai

                  Ha’u graça atu halo tuir Ita Lei. Refrão

 

Evangelho                                                                                                                                                                                                               Mt. 5. 33-37

Na’i Jesus Cristo nia Evangelho nu’udar São Mateus haktuir:

Iha tempo neba, Jesus lia tun ba escolante sira, dehan: “Imi mós rona uluk ema dehan ba bei ala sira: ‘Keta jura falso, maibé halo tuir juramento nebé ó jura iha Na’i.’ Maibé Ha’u dehan ba imi: ‘Imi la bele jura kona ba buat naran ida. Keta jura hodi lalehan basá ne’e Maromak nia kadunan; keta jura hodi rai, basá ne’e Na’i nia sama fatin; keta jura mós hodi Jerusalém, basá nia Liurai boot nia cidade. Keta jura hodi ó nia ulun, basá ó la bele halo ó nia fuuk lahan ida sai mutin ka metan. Maibé imi sei ko’alia hanesan ne’e: Nune’e, nune’e; la nune’e, la nune’e. Liu fali ne’e, mai housi ida nebé áat.”

Lia Maksoyn.

Leave a Reply

Your email address will not be published. Required fields are marked *