shadow
Diocese de Dili > NOTÍCIAS > LETURA DIÁRIA > Quarta-Feira, XI Semana Tempo Comum

Quarta-Feira, XI Semana Tempo Comum

ANO B

 

Primeira Leitura                                                                                  2Rs. 2. 1, 6-14

Lia housi segundo livro Liurai sira nian.

Iha loron hirak neba, Na’i atu lori profeta Elias ba Lalehan housi anin boot ida. Elias no Eliseu sai housi Guilgal. Uainhira sira to’o iha Jericó, Elias dehan ba Eliseu: “Ha’u husu ba ó atu hela iha ne’e, basá, Na’i haruka ha’u ba Jordão”. Eliseu hatan ba nia: !Lós tebes duni, nu’udar Na’i moris hela, no mós ó, ha’u sei la husik ó. Sira rua ba hamutuk.

Ema lima nulu be profeta sira nia escolante ne’e, la dook housi sira, uainhira sira rua para hela iha Jordão nia ninin. Nune’e, Eliasn káer tiha nia kapa, bobar tiha, hodi baku ho nia iha ué, nebe fahe-an tiha ba sorin sorin, hodi sira rua liu ho ain maran. Uainhira sira liu tiha Elias dehan ba Eliseu: “ó bele husu buat ruma mai ha’u; ha’u halo sá ba ó molok ha’u sai ba dook housi ó?” Eliseu hatan ba nia: “atu ha’u bele hetan baluk ó nia espírito nian ba dala rua”. Elias simu hodi dehan ba nia: “ó husu buat todan ida! Ó haré karik ema lori ha’u ba dook housi ó, ó sei hetan duni nia. Maibe, ó la haré karik ha’u, ó sei la hetan nia”. Sira hahu lao daudaun hodi ko’alia ba malu, uainhira kareta ahi nian ida no kuda ahi nian, liu housi sira leet, no housi anin dadurus ida lori Elias sa’e ba Lalehan. Eliseu haré ida ne’e no hakilar dehan: “ Ha’u aman, ha’u aman! Kareta no condutor ema Israel nian! Nia la haré tan Elias. Hafoin, káer tiha nia hatais, les fahe tiha iha baluk rua. Eliseu hili tiha Elias nia kapa be monu hela, hodi fila ba Jordão nia ninin iha nebe nia para tiha.

Kaer tiha iha Elias nia kapa, baku tiha ho kapa ne’e iha ué, nebe ué la fahe-an. Hafoin dehan: “ Na’i, Elias nia Maromak iha nebe?” Nia baku tan dala ida iha ué nebe ué fahe-an tiha ba sorin sorin, no Eliseu bele liu.

Maromak Futar Lia.

 

Salmo Responsorial                                                                                                                                                            Sal. 30(31). 20, 21, 24 (R. 25)

Refrão : Hakbiit imi fuan ho barani, Imi hotu be hein iha Na’i!!! Repete-se

                  

Na’i, Ita laran di’ak boot tebes,

Nebe Ita rai hela ba sira be hamta’uk Ita!

Iha ema sira nia oin, Ita hatudu Ita laran di’ak

Ba sira nebe tau neon metin iha ita. Refrão

 

Ita haksumik sira iha mahan ita futar oin nian,

Housi ema laran áat,

Ita hatuba sira iha Ita batane laran,

Housi funu ibun áat nian. Refrão

 

Imi hadomi Na’i ba,

Nia belun sira.

Nia hatau Nia sarani sira,

Maibe castigo maka’as sira be loko-an. Refrão

 

Aclamação                                                                                                                                                                                                                   Jo. 14. 23

Refrão : Aleluia, Aleluia! Repete-se

                  Na’i dehan: Ema nebe hadomi Ha’u, sei halo tuir Ha’u nia liafuan;

                  Ha’u Aman sei hadomi nia, Ami sei mai hela ho nia.  Refrão

 

Evangelho                                                                                                                                                                                                       Mt. 6. 1-6, 16-18

Na’i Jesus Cristo nia Evangelho nu’udar São Mateus haktuir:

Iha tempo neba, Jesus lia tun ba nia escolante sira, “Hare katak imi la halo buat diak iha ema sira oin atu sira hare imi. Imi halo nune’e karik, imi sei la simu imi nia kolen housi mi nia Aman Lalehan. Ne’e duni, uainhira o fo esmola, keta huu karau dikur iha o nia oin, hanesan ema laran makerek sira halo iha sinagogaka iha dalan atu ema hahi sira. Tebes, Hau dehan ba imi, sira simu ona sira nia kolen. Maibe, uainhira o fo esmola, o nia liman karuk labele hatene o nia liman los halo sa, atu ema ida labele hatene o nia esmola, no o nia Aman nebe hare buat subar, sei fo o nia kolen.

“Uainhira imin reza, keta halo hanesan ema laran makerek sira nebe hakarak hakrak harohan hodi hamriik iha sinagoga sira no iha praca. Tebes, Hau dehan ba imi, sira ne’e simu ona sira nia kolen. Maibe, uainhira o harohan, tama iha o nia quarto laran, taka odamatan hodi harohan sub-subar ba o nia Aman, basa nia nebe hare buat nebe subar, sei fo o nia kolen.

“Uainhira imi hadera an, keta oin nakraik, hanesan ema laran makerek sira, nebe halo sira oin la di’ak atu ema hare katak sira hadera an. Tebes, Hau dehan ba imi katak ema sira ne’e simu ona sira nia kolen. Maibe uainhira o hadera an, tau mina morin ba o ulun, no fase o nia oin, atu ema labele hatene katak o hadera an; o nia Aman deit nebe subar hela mak hatene; nune’e o nia Aman, nebe hare buat nebe naksubar, sei fo o nia kolen.”

Lia Maksoyn.

Leave a Reply

Your email address will not be published. Required fields are marked *