shadow
Diocese de Dili > NOTÍCIAS > LETURA DIÁRIA > Terça-Feira, XI Semana Tempo Comum

Terça-Feira, XI Semana Tempo Comum

ANO B

 

Primeira Leitura                                                                                   1Rs. 21. 1, 7-21

Lia housi primeiro livro Liurai sira nian

Iha loron hirak neba, wainhira ema oho tiha Nabot housi Jezrael, tan lakohi fa’an nia to’os uvas ba liurai Acab, Na’i lia tun ba profeta Elias housi Tisbe, nune’e: “Ó hamriik, ba hasouru liurai Acab, Israel nia liurai iha Samaria. Nia iha hela Nabot nia to’os uvas, iha nebé nia atu simu to’os ne’e. Ó sei ko’alia ba nia nune’e. ‘Na’i dehan nune’e: nusá ó oho tiha Nabot, oras ne’e ó hela ho buat nebé ema nian! Tan ne’e duni – Na’i dehan nune’e – Iha lós fatin nebé asu sira lambe Nabot nia ran ne’e, sira sei lambe mós ó nia ran!” Acab hatan ba Elias: Ha’u funu baluk, ó buka hetan tiha duni ha’u!” Elias dehan hikas ba nia: “Tebes duni, ha’u buka hetan tiha duni ó, tanba ó halo buat nebé áat iha Na’i Nia matan. Tan ne’e, ha’u sei halo ba ó – Na’i dehan – atu hamonu rahun áat ba ó leten; ha’u sei halakon ó nia derasaan sira ikus nian. Ha’u sei hamohu ema hotu housi uma-kain Acab nian, biar sira atan eh lae iha Israel. Ha’u sei halo ó uman hanesan Jeroboão, Nebat nia oan, nia uma; no hanesan Baasa, Aías nia oan, nia uma, basá ó halo ha’u hirus no halo Israel monu ba sala’. Na’i ko’alia mós kona ba Jezabel nune’e: “Asu sira sei han Jezabel iha Jezrael nia kota hun. Ema nebé housi uma-kain Acab nian be mate iha cidade, asu sei han nia, no ida nebé mate iha rai tetuk manu sira lalehan nian sei han nia”.

Tebes duni, la iha ema ida hanesan Acab nebé fa’an tiha nia-an rasik hodi halo buat nebé la fó ksolok iha Na’i nia matan, tan nia feen Jezabel tau lia bosok ba nia. Halo tiha buat áat sira hodi adora maromak falso sira, hanesan ema Amorreu sira halo, nebé Na’i duni sira sai housi Israel nia oan sira oin.

Wainhira Acab rona tiha liafuan hirak ne’e, nia les tiha nia hatais, hodi hatais fali mahar nian ida hodi hadera-an. Toba ho hatais ne’e no la’o muron hela. Nune’e, Na’i lia tun ba Elias Tisbe nian: “Ó haré, oinsá Acab haraik-an iha Ha’u oin? Wainhra nia haraik-an ona iha Ha’u oin, Ha’u sei la haruka buat todan iha nia tempo. Iha tempo nia oan mane nian mak ha’u sei haruka todan ba nia uma laran”.

Maromak Futar Lia.  

      

Salmo Responsorial                                                                                                                                                           Sal. 50(51). 3-6ª, 11, 16 (R. 3ª)

Refrão : Na’i, ami sala, sadi’a ami!!! Repete-se

 

Na’i, sadi’a ami, tan Ita laran di’ak,

Tan Ita laran-luak, kasu ami salan.

Hamos ha’u nia hahalok áat,

Kasu ha’u nia salan hotu. Refrão

 

Ha’u hatene tuir ha’u salan,

Ha’u salan iha nafatin ha’u oin.

Na’i, ha’u sala hasouru Itaboot,

Ha’u halo sala iha Ita futar oin. Refrão

 

Hado’ok housi Ita matan, ha’u salan,

Hamos ha’u salan hotu.

Maromak, ha’u maksoyn, soi ha’u housi mate áat,

Ha’u ibun sei hahi Ita laran-luak. Refrão 

 

Aclamação                                                                                                                                                                                                                   Jo. 13. 34

Refrão : Aleluia, Aleluia! Repete-se

                  Na’i dehan: Ha’u fó ba imi mandamento foun:

                  Imi sei hadomi malu nu’udar Ha’u hadomi imi. Refrão

 

Evangelho                                                                                                                                                                                                              Mt. 5. 43-48

Na’i Jesus Cristo nia Evangelho nu’udar São Mateus haktuir:

Iha tempo neba, Jesus lia tun ba escolante sira: “Imi rona sáida mak ema dehan ba bei-ala sira: “ Ó hadomi ó nia maluk, rai kuna hasouru ó nia funu baluk’. Maibe, Ha’u dehan ba imi: “ Hadomi imi nia funu baluk sira; harohan ba ema sira nebe duni imi bele sai oan ba Aman nebe iha lalehan. Nia halo Loro mosu ba ema di’ak no ba ema áat; Nia haruka udan ba ema laran mós no ba ema sala-na’in. Imi hadomi karik ema nebe hadomi imi, sá prémio imi bele simu? Ema publicano sira mós la halo hanesan ne’e? Imi cumprimenta de’it karik imi nia maun-alin sira, imi halo buat fou sáida? Ema gentio sira mós la halo hanesan ne’e? Ne’e duni, imi buka sai ema di’ak, hanesan imi nia Aman Lalehan di’ak”.

Lia maksoyn          

Leave a Reply

Your email address will not be published. Required fields are marked *