shadow
Diocese de Dili > NOTÍCIAS > LETURA DIÁRIA > Quinta-Feira, XI Semana Tempo Comum

Quinta-Feira, XI Semana Tempo Comum

ANO B

 

Primeira Leitura                                                                                     Sir. 48. 1-15

Lia housi primeiro Livro Ben sira

Profeta Elias mosu hanesan ahi ida. Nia liafuan sunu hanesan ahi knulu lakan. Nia halo hamlaha tun ba Israel oan sira leten, ho nia laran manas hamenos ema Israel sira. Ho Na’i nia liafuan, nia taka tiha lalehan no halo ahi tun dala tolu. Oinsá ó malalek Elias housi ó hahalok kmanek ua’in sira; sé mak sei simu naran boot hanesan ó? Ó halo mate isin moris hi’as housi mate hela fatin ho Maromak be Leten áas ba Nia liafuan; ó hamohu tiha liurai sira no embo’ot sira housi sira toba fatin;. Iha foho Sinai ó rona lia malisan ida; iha Horeb lei castigo nian.Ó foti liurai sira atu halakon ema áat no profeta sira atu hela iha ó fatin. Anin dadurus be lakan no kareta kuda ahi nian mak lori ó ba leten. Hili ó atu halo’o buat aban-bain-rua nian, atu hatun Na’I nia hirus uainhira atu sai todan, atu fila aman nia fuan ba oan hodi hametin fali suku sira Jacob nian. Ksolok ba sira hotu nebe haré ó no sira hotu nebe mate iha domin Maromak Nian, basá, lós duni, ami mós sei moris.

Ikus mai anin dadurus lori daudaun Elias, maibe, nia espírito hela tiha iha Eliseu. Iha nia moris tomak Eliseu lanakdedar iha liurai ida nia oin, ema ida nia biit seidauk liu nia. Buat ida la susar ba nia; to’o nia mate, nia isin ko’alia buat aban-bainrua nian; iha nia moris, nia halo kmanek oi-oin, iha nia mate, nia hahalok sira sai ksolok ua’in.  

Maromak Futar Lia.

 

Salmo Responsorial                                                                                                                                                   Sal. 96(97). 1-2, 3-4, 5-6, 7(R. 12ª)

Refrão : Imi ba laran mós, haksolok iha Na’i ba!!! Repete-se     

 

Na’i, mak liurai, rai haksolok ba;

Nusa lub-lubun haksolok ba.

Nia hatais kalohan no nakukun,

Justiça no direito mak Nia trono nia hun. Refrão

 

Ahi ba uluk housi Nia oin,

Hodi simu sunu Nia funu baluk sira.

Ninia rai lakan haroma mundo,

Rai tomak haré no nakdedar. Refrão

 

Foho sira naben hanesan lilin,

Iha rai tomak nia Na’i nia oin;

lalehan haklaken Nia Justiça,

Povo tomak hanoin Nia glória. Refrão

 

Sira be hana’i ilas sira sei haksolar;

Sira be fó laran ba maromak falso;

Maromak hotu takrabat ba rai

Iha Na’i Nia futar oin. Refrão

 

Aclamação                                                                                                                                                                                                             Rom. 8. 15bc

Refrão : Aleluia, Aleluia! Repete-se

                  Imi simu Espírito ida nebe halo imi sai oan fudin,

                  nebé lori ita bolu: “Abba! Aman”. Refrão

 

Evangelho                                                                                                                                                                                                                  Mt. 6. 7-15

Na’i Jesus Cristo nia Evangelho tuir São Mateus:

Iha tempo neba, Jesus hatete ba escolante sira: “Uainhira imi reza, keta ko’alia barak hanesan gentio sira; sira hanoin katak ho sira nia liafuan bar-barak, Na’i sei rona sira. Keta halo hanesan sira basá imi nia Aman hatete buat nebe im kuran molok im husu ba Nia. Ne’e duni, harohan nune’e na: ‘Ami Aman iha lalehan, halo ita naran sai santo. Halo ita nia reinom to’o mai ami; halo tuir ita nia hakarak ba iha rai nu’udar iha lalehan. Haraik aihan loron-loron nian mai ami. Haraik perdua mai ami nia tusan, nu’udar ami perdua sira nebe iha tusan ho ami. Keta husik ami monu ba tentação, maibe hasai ami housi buat áat.

Basá imi perdua karik ema sira nia sala, imi Aman iha lalehan mós sei perdua imi nia sala sira. Maibe imi laperdua karik ema seluk, imi nia Aman mós sei la perdua imi nia sala sira.”

Lia maksoyn.

Leave a Reply

Your email address will not be published. Required fields are marked *