shadow
Diocese de Dili > NOTÍCIAS > Notícias > Diácono Bernardo Simu Sacramento Ordem

Diácono Bernardo Simu Sacramento Ordem

DCDD – Quarta-Feira (13/06/2018) Diácono Bernardo Manuel Luis da Silva, moris iha Cribas, iha loron 20 fulan Setembro 1986, oan hosi Sr. Hermenegildo Maliban da Silva (matebian) no Dona Natália Luisa da Silva, diacon bernado oan ba dala uluk, husi maun alin nain  8. Quarta foin lalais ne’e simu Sacramento Ordem ba Nailulik ninian husi Bispo Baucau Dom Basilio do Nasimento. Diácono Bernardo Manuel Luis da Silva simu Sacramento iha los Festa Padroeiro Santo antónio mahein Paróquia Manatuto. Iha ocasião nee Dom Basilio hateten, Bernardo sai Nailulik iha buat tolu nebe nia halo katak; Hanorin, Halo ema sai Santo no Ukun. Hanorin hanesan amululik atu oinsa mak habot fiar iha Jesus Cristo ba nia maun-alin sira oinsa mak liu husi nia vida, liu husi nia oração iha missa lor-loron ne’e oinsa para halo nia povo sai santo. Ukun laos tur iha cadeira ida, maibe iha fatin nebe nia ba agora ou aban bainrua iha nia serviço hanesan amululik nia tem que buka oinsa ho nia hanoin, hanorin, hahalok atu bele halo Cristo nia Evangelho ne’e bele to’o fatin hotu-hotu liu husi matenek, liu husi moris santo, liu husi caridade nebe nailulik Bernardo sei habot no halao.

Dom Basilio hatutan tan katak, Lor-loron amululik ida iha obrigação molok atu oferece sacrifício ba Aman Maromak, amululik ida iha obrigação atu hamos nia an, atu sai hanesan bibi nebe diak liu iha nia bibi luhan. E bainhira reza ka hasae sacrifício nee katak nia oferece nia an ba Maromak iha Na’i Jesus Cristo nia fatin atu nune’e Maromak haraik graça liu husi nia oração, liu husi nia missa lor-loron nian hodi Maromak haraik graça no tulun ba nia povo.

Dom Basilio reforsa tan katak, Buat ida sai amululik hanesan funcionário ou ministro. Ministro iha Uma Creda nee katak ema nebe halo ligação ho Maromak, hirak nebe halo ligação entre mundo ho Maromak, criatura ho criador. Ami sira be simu sacramento Ordem nee atu loro-loron hasae sacrifício ida nee, maibe sacrifício ida nee hanoin Jesus Cristo liu husi ami nia vida. E tanba nee lor-loron amululik ida iha obrigação atu oferece nia-an molok atu obedece nia na ba Maromak. Laos deit ba amululik sira maibe ba kabenain sira, solteiro, ferik katuas ita boot sira mos lor-loron oferece an ba Maromak la liu husi sacramento Ordem, maibe liu husi Sacramento Batismo. Ita boot sira hanesan sarani nebe lori cruz iha rentos nee ita iha obrigação atu sai santo hanesan Santo António atu oferece lor-loron buat nebe diak liu ba Maromak. Ita nia responsabilidade iha família laran hanesan fen ho laen, hanesan aman-inan, hanesan Funcionário, hanesan responsável, hanesan bibi atan ida-idak iha nia serviço lor-loron husu ba nia-an se hakbesik an ba Maromak nia oin nee ita soi ka la soi. Nee duni Santo António nia vida hanorin ba ita buat ida santidade nee ita ida-idak moris tuir nia dalan. Ita boot sira nudar sarani, ami hirak be simu Sacramento Ordem nee nudar sarani e nudar nailulik tanba nee mak ema nebe moris tuir didiak ukunfuan nebe laos deit amululik maibe ema nebe moris tuir nia ukunfuan hodi hanorin mos ema seluk. (Alin)

Leave a Reply

Your email address will not be published. Required fields are marked *