shadow
Diocese de Dili > NOTÍCIAS > Notícias > Paróquia Motael Simu Pároco Foun

Paróquia Motael Simu Pároco Foun

DCDD – Quarta – Feira (13/06/2018), Bispo de Dili Dom Virgilio do Carmo da Silva SDB, quarta semana kotuk fo posse ba Pe. Gulhermino da Silva nudar Pároco foun iha Paróquia Santo António Motael Dili. posse refere acontece iha loron Padroeira Paróquia Matael nian nebe monu iha loron 13 fulan Junho tinan nee. Iha ocasião nee Bispo hatete, Amo Guilhermino da Silva masque hela kleur iha Paróquia Becora, maibe ohin ho ninia disponibilidade pronto mos atu simu knar ida nee atu halao serviço nudar pároco foun iha Paróquia Motael. nee duni amu disponível ona e hau husu ba sarani sira atu continua colabora ánimo nebe ita boot sira iha, domin nebe ita boot sira iha uluk ba amo David, tuir mai ba Amo Evaristo, agora hau hein katak domin nee mos sei haboot liu tan ba Amo Guilhermino.

Dom Virgilio reforsa tan katak; amo mai nudar aman ida, nudar maun ida, nudar alin ida nomos oan ida iha imi hotu nia le’et, ita boot sira mos buka atu hamutuk ho nia, rona nia, karik buat ruma prercisa atu koalia ba malu karik koalia direita ba malu laos liu fali husi média. Nee moras ida nebe ita dala barak nee gosta habelar, maibe nudar sarani ita hakasan atu evita hahalok sira, atitude sira se buat ruma nebe ita la contente hodi halo sente la dun diak no la fo ksolok ba ita, iha dalan atu ita liu husi dalan nee ita fo tulun ba malu too finalidade ida deit, ho buat hirak nee hotu atu construi ita nia comunidade, construi ita nia Uma Creda nee sai diak liu tan, forte liu tan no santo liu tan

Sorin seluk Pároco Foun Paróquia foun Pe. Guilhermino da Silva iha nia discurso hateten, hau hakarak agradece ba Aman Maromak tanba bele halibur ita hamutuk iha fatin ida nee hodi halo festa banquete Lalehan nian nebe ohin ita hakat liu ona, hau la haluha agradece ba Dom Virgilio do Carmo da Silva nebe bele ona fo bibiatan foun ba Paróquia Motael liu husi atan ha’u nia an. Hau parte ida husi Creda, hau laos mesak. Ita hotu hamutuk halo Creda Paróquia Motael. Hau mai nudar colaborador ida no hau husu atu ita hotu colabora hamutuk orienta malu ba reino Lalehan nian nudar ita hotu nia objetivo, nudar buat nebe ita buka iha ita nia moris fiar nian nudar ema sarani. Ita hotu luta atu hasoru inimigo boot nebe iha ita ida-idak nia an. Inimigo nee forte duni inimigo nee mak pecado. Ita hotu luta hasoru pecado atu bele hetan salvação nebe Maromak hakarak fo ba ita. Iha momento ida nee hau hakarak husu buat rua; 1) fo tenpo ba hau atu hau adapta hau nia an ho situação no condição Paróquia Motael nian; 2) husu atu imi hotu fo biban ba hau atu bele lao iha imi nia sorin hamutuk ho imi ita buak Maromak nia hakarak iha ita nia moris.ita keta haluha katuas sira nia liafuan; ‘Tula dikur ba malu ita ida deit, lolo liman ba malu ita tane ita nia Creda liu husi Creda ita bele to’o Maromak. (Ngl)

Leave a Reply

Your email address will not be published. Required fields are marked *