shadow
Diocese de Dili > NOTÍCIAS > Notícias > SAI SANTO HANESAN SANTO ANTÓNIO

SAI SANTO HANESAN SANTO ANTÓNIO

DCDD – Quarta-Feira(13/06/2018) Sarani Paróquia Motael hamutuk ho Instituição Polícia Nacional Timor-Leste haksolok tanba comemora Festa mahein Santo António nian. Bispo de Dili Dom Virgilio do Carmo da Silva be preside celebração nee iha nia homilia hateten, Loron Padroeira tem que sai duni loron ida nebe inportante iha Paróquia nune’e mos iha Instituição PNTL nia laran, tanba momento ida atu obedece ba Maromak liu husi interseção Padroeiro nian.

D. Virgilio haktuir mos katak Amu Papa Francisco convida ita ho liafuan ida deit Sai Santo hanesan Santo António. Amo Papa hakerek Carta Exortação ida bolu ema hotu atu sai Santo. Kona ba ida ne’e hau foti nia liafuan ruma nebe dehan; Hau hakarak insiste uluk nanain iha vocação santidade nebe Na’i hato’o ona ba ita ida-idak, nebe Nia mos hato’o na ó sai santo basá Ha’u Santo. Sai Santo basá Maromak Santo. Na’i bolu sarani hotu iha condição no estado nebe deit tuir ita ida-idak nia dalan ba santidade lolos hanesan Aman Maromak nian. Atu sai santo la precisa sai bispo, amululik, la precisa sai religioso e religiosa, nee Amo Papa nia hanoin. Ita balu dala barak hanoin atu sai santo nee ba deit ema nebe serviço hadookan husi serviço bai-bain sira, ida nebe dedica tenpo naruk lor-loron reza Amo Papa dehan ne’e lalos. Na’i bolu ita hotu atu sai santo hodi moris ho domin hodi fo sasin iha fatin nebe ita hela. Amo Papa dehan tan; se ó ema consagrado ka consagrada ida sai santo ba hodi fo an tomak ho ksolok, servi Maromak nudar ema consagrado no consagrada ida. Se ó ema kabenain sai santo ba! Hodi hadomi no quida ó nia laen e tau matan ba ó nia fen hanesan Cristo halo ba Creda. Se ó trabalhador ida sai santo ba! Hodi serviço didiak ho competência ba ó nia maluk sira nebe ó tem que haknar. Se ó aman ka inan sai santo ba hodi hanoin kikoan sira ho peciência. Ó hetan posição autoridade nian sai santo ba hodi luta ba ema hotu nia diak laos buka deit intersse pessoal.

Bispo hatutan tan katak Celebração ohin ninian liu-liu ba sarani paroquina sira husi Motael nune’e mos ba ita nia Instituição bot PNTL, gesto tolu ne’e ita nia Amo Papa simplifica deit ho liafuan ida; atu ita ida-idak iha celebração ida ne’e fila fali ba uma ita bele hare iha Santo António gesto ruma hodi bele encoraja ita atu hadomi liu tan ita nia vocação nudar oan, estudante, inan-aman, nudar político, nudar Polícia, amululik, madre ka bispo atu ita hotu iha ita nia celebração ida ohin santo António convida ita dala ida tan hare fila fali ba kotuk buat diak tomak nebe ita koko ona maibe Santo António dudu ita nafatin ba oin atu labele desanima. Dalan santidade ninian laos fácil hanesan ita hanoin maibe mos laos dificil ba ita hotu wainhira ita hakarak, wainhira ita husik Maromak atu sai mestre ba ita, Nia mak sai ita  nia inspurador atu guia ita atu lao iha dalan los, diak no dalan nebe mos. (Ngl)

Leave a Reply

Your email address will not be published. Required fields are marked *