shadow
Diocese de Dili > NOTÍCIAS > LETURA DIÁRIA > XII Domingo Tempo Comum

XII Domingo Tempo Comum

NATIVIDADE DE SÃO JOÃO BAPTISTA

 

Primeira Leitura                                                                                                                                                                                                      Is. 49. 1-6

Lia Husi Livro Isaías nian:

Povo sira be dook iha tasi sorin balu ba, ho neon moris, rona ha’u ba! Na’i bolu nanis ha’u housi ha’u inan nia knotak, hadia ha’u naran housi ha’u inan nia laran. Nia halo ha’u ibun sai surik kroat ida, ho Nia limam hanehan tiha ha’u. halo ha’u sai tiha nu’udar besi kroat ida, rai tiha ha’u iha Nia fatin.

Nia dehan mai ha’u: “Ó, ha’u atan Israel, housi ó, ha’u sei hatudu Ha’u nia biit”. Ha’u dehan: “ HA’u kole leet de’it, la iha folin no ha’u biit la hetan buat idas!” maibe ha’u riku-soi hamutuk iha Na’i, no ha’u kolen, iha Maromak futar liman.

Oras ne’e, Na’i hateten mai ha’u, Nia be halo ha’u iha ha’u inan nia knotak, atu halo ha’u sai nia atan, hodi halibur Jacob, hodi halibur Israel besik ba nia. Tan ha’u hetan kmanek iha Na’i nia oin, Maromak mak ha’u nia biit. Ne’e duni, Na’i dehan mai ha’u: “La to’o sai de’it ha’u atan, atu hari Jacob nia knua, atu halibur Israel oan sira be sei moris; Ha’u sei halo ó hanesan naroman ba nação hot-hotu atu ha’u nia maksoin to’o ba rai hotu-hotu”.

Maromak Futar Lia.

 

Salmo Resposorial                                                                                                                                      Sal. 138(139). 1-3, 13-14ab, 14c-15 (R. 14a)

Refrão :  Na’i, ha’u agradece Itaboot, Tan ho kmanek ua’in, Ita halo moris ha’u!!! Repete-se

 

Na’i, ita hatene ha’u laran tomak;

Ita hatene uainhira ha’u tur no uainhira ha’u hamrik;

Hous dook, Ita hatene ha’u hanoin,

Ita haré ha’u uainhira ha’u la’o no ha’u descansa;

Ita hamatan ha’u nia hakat hotu. Refrão

 

Ita mak halo ha’u an tomak

Ita mak halo moris ha’u iha ha’u inan nia knotak.

Ha’u agradece Itaboot, tan ita haloha’u kmanek tebes

Ita hahalok sira kmanek tebes duni. Refrão

 

Ita hatene nanins ha’u klamar,

Ha’u isin baluk ida la subar ba ita,

Uainhira halo ha’u moris iha segredo,

Halo iha kle’an tebes rai nian. Refrão

 

Segunda Leitura                                                                                                                                                                                                Act. 13. 22-26

Lia husi livro haktuir apóstolo sira nia hahalok:     

Iha loron hirak neba, Paulo lia tun nune’e; “Maromak haraik David ba Israel oan sira nu’udar liurai no Na’i fó sasin nune’e: “Ha’u hetan David, Jesse nia oan, ema ida nebé  tuir Ha’u nia hakaran, nebé halo tuir nafatin Ha’u nia liafuan”. Housi nia bei-oan ida, nu’udar Na’i Maromak hakotu ona, sei halo mosu ba Israel Salvador ida eh Jesus. Wainhira Jesus seida’uk mosu mai, João haklaken ona baptismo ida hadera-an nian ba povo Israel. Besik atu remata knaar nebé nia hala’o, João dehan. “Ha’u la’os Ida nebé imi hanoin. Maibé, liu tiha ha’u, sei mai Ida nebé ha’u la so’i atu kore Nia sandalis talin.

Ha’u maun-alin sira, Abraão nia oan sira no imi hotu nebé hamtauk Maromak, ba ita tomak mak Maromak hato’o lia maksoyn ne’e.

Maromak Futar Lia. 

 

Aclamação                                                                                                                                                                                                                      Lc. 1. 76

Refrão : Aleluia. Aleluia! Repete-se

                  Ó, kosok oan, ema sei hanaran ó Na’i áas liu hotu nia profeta,

                   Basá ó sei ba uluk Na’i atu hadia dalan ba Nia. Refrão

 

 Evangelho                                                                                                                                                                                                       Lc. 1. 57-60, 80

Na’i Jesus Cristo nia Evangelho nu’udar São Lucas haktuir:

Wainhira tempo to’o ona ba Isabel atu tur ahi, nia tur ahi oan mane ida. Rona tiha katak Na’i hatudu laran-luak boot ba nia, nia maluk no parenti sira ba haksolok ho nia.

Liu tiha loron ualu, sira mai atu halo circuncisão ba kosok oan. Sira hakarak hanaran nia Zacarias, tuir nia aman nia naran; maibé nia inan dehan: “Lae, nia naran João”. Sira dehan fali ba nia: “Iha imi nia parenti sira leet, la iha ema ida ho naran ne’e”. Tan ne’e, ho sinal oi-oin, sira husu ba nia aman: nia hakarak fó naran sá ba nia oan. Nia husu aikabelak pedasuk ida hodi hakerek: “Nia naran João”. Sira hotu hakfodak. Zakarias nia ibun nakloke kedas, nia nanal mamar fali hodi koalia no hawélok Maromak. Sira hotu nebé hela besik neba ta’uk teb-tebes. Lia hirak ne’e hotu naklekar iha foho rai Judeia tomak. Sira hotu nebé rona buat hirak ne’e rai hela iha sira nia laran hodi dehan ba sira-an rasik: “Labarik ne’e sei sai sá lós?” Basá, tebes duni, Na’i nia liman hela ho nia. Labarik sai boot, nia laran metin liu tan. Nia hôrik iha rai fuik maran to’o loron nebé nia hatudu-an ba Israel

Lia Maksoyn.

Leave a Reply

Your email address will not be published. Required fields are marked *