shadow
Diocese de Dili > NOTÍCIAS > Notícias > Presidente Lu Olo Fo Posse ba Membro VIII Governo Constitucional

Presidente Lu Olo Fo Posse ba Membro VIII Governo Constitucional

DCDD Sexta-feira (22/06/2018) Presidente da República Democrático de Timor-Leste Dr. Francisco Guterres Lu Olo Sexta Semana nee fo posse ba membro VIII Governo Constitucional nian iha Palácio Nobre Lahane Dili oras tuku 4;00 lorokraik too remata. Iha tomada de posse nee marca presença husi representantes corpo Diplomáticos, repreentantes Agência Internacionais, sociadades Civieis, Parte Igrejas, membros V Legislatura, Institução F-FDTL no PNTL no convidados.

Presidente da República hateten, Tomada de posse husi VIII Governo Gonstituicional hatudu katak ita nia instituição sira no democracia lao dadaun hela. Tanba ne’e, ita hot-hotu sente laran haksolok tebes. Hau husu hot-hotu ninia partisipação no husu mos governo atu halo diálogo hodi ita bele hetan unidade nacional ne’ebe ita precisa atu bele hasoru desafios dezenvolvimento nian. Hau apela ba partido maioria sira atu apoia governo nomos ba partido oposição sira. Importante iha oposção ida ho experiência no ativa, tanba crítica construtiva ajuda hadi’a servisu governo nian. Maibe, iha desafio balun ho objetivo claro no interesse nacional, governo no oposição tem que hatan servisu hamutuk atu ita bele hakat ho sucesso.

Presidente afirma tan katak, ita hot-hotu ne’ebe eleito no tem que hatan ba sidadão sira, ita sira ne’e tem que honra ita nia comprimisso no promessa sira ne’ebe ita halo durante campanha eleitoral. Ita tem que promove interesse País nian no rikusoin ne’ebe pertense ba ita hot-hotu. Parlamento Nasional no servisus estado nian hanesan sistema justiça tem que garante rigor, trasparância no prestação contas husi ita ne’ebe halao cargos públicos no sai eleito atu serve Nação.

Presidente declara katak, tuir compromisso ne’ebe hau fo sai nu’udar Presidente da República, durante hau nia mandato, hau sei coopera diak ho governo no orgão soberania sira seluk atu promove unidade nacional no contribui ba processo dezenvolvimento nacional hetan sucesso hodi ita hetan liutan justiça social iha ita nia rai doben Timor-Leste.

Ba S. Exa, Sehor Primeiro Ministro no ba membros VIII Governo Constitucional, hau hato’o hau nia votus atu halao servisu ho diak. VIII Governo bele conta ho Presidente da República atu garante colaboração institucional ne’ebe ita precisa hodi promove valores no prática governação diak liu-liu hodi fo sucesso ba processo dezenvolvimento social no económico ita nia rain nian. Ba partido político hot-hotu, ba instituição governamental no laos governamental sira no sociadade emgeral, hau husu atu fo liman ba malu ho dedicação maka’as ba beibeik hodi dezenvolve lalais rai ida ne’e no hakotu lalais kiak-iha aspeto hot-hotu. (ALIN)

Leave a Reply

Your email address will not be published. Required fields are marked *