shadow
Diocese de Dili > NOTÍCIAS > LETURA DIÁRIA > Quarta-Feira, XII Semana Tempo Comum

Quarta-Feira, XII Semana Tempo Comum

ANO B

 

Primeira Leitura                                                                             2Rs. 22. 8-13, 23. 1-3

Lia housi segundo livro liurai sira nian.

Iha loron hirak neba, sacerdote sira ulun Hilquias dehan ba secretário safã: “Ha’u hetan livro Lei nian iha Na’i nia Templo’.Hilquias fó ne’e ba Safã hodi hodi lê. Decretário Safã ba hasouru liurai Josias hodi haktuir ba nia knaar nebe nia simu: “Ó nia atan sira hasai osan nebe iha hela templo hodi fó ba ema sira be halo konta serbisu, iha Na’i nia templo”. Hafoin, secretário fó hatene ba liurai nune’e:” Sacerdote Hilquias fó mai ha’u livro ida”. Safã lê livro ne’e iha liurai nia oin.

Uainhira rona liafuan sira housi livro Lei nian, liurai Josias les tiha nia hatais, hodi fó orden ba sacerdote Hilquias; ba Aicam, Safã nia oan mane; ba Acbor, Miqueias nia oan mane; ba secretário Safã no ba Asaías, ministro liurai nian nune’e: “hodi ha’u naran, hodi povo nia naran no hodi reino tomak Judá nia naran, imi ba husu lós ba Na’i, kona ba liafuan hirak livro ne’e nian, nebe nakali hasouru ita, tan ita bei-ala sira la halo tuir liafuan hirak nebe hakerek iha livro ne’e nia laran”.

Nune’e, liurai haruka bolu katuas sira hotu housi Judá no Jerusalém nian mai iha nia oin. Nia sa’e ba Na’i nia templo hamutuk ho povo tomak Judá no Jerusalém nian, ho na’ilulik no profeta sira, no povo hotu, housi ki’ik to’o boot. Nia hahu lê iha sira hotu nia oin, liafuan hirak hakerek iha Livro aliança nian nebe hetan iha Na’i nia templo. Liurai hamriik iha fatin áas, halo foun hikas moruk iha Na’i nia futar oin. Hakotu lia atu tuir Na’i, hodi moris tuir lolós nia ukun fuan sira, nia lei no nia Moruk nian be hakerek iha livro. Povo tomak ho laran simu lia moruk ne’e.

Maromak futar lia.

 

Salmo Responsorial                                                                                                                                  Sal. 118(119). 33-34, 35-36, 37, 40 (R. 33ª)

Refrão : Hatudu mai ha’u dalan Ita lei nian!!! Repete-se

                  

Na’i, hanourin ha’u dalan Ita lei nian,

Atu ha’u bele halo tuir to’o rohan.

Haraik mai ha’u matenek atu hatau Ita lei,

No moris tuir ho fuan tomak. Refrão

 

Dada ha’u tuir dalan Ita ukunfuan nian,

Tanba iha neba ha’u sei hetan neon ksolok;

Halo ha’u fuan kliis ba ita nia hanourin,

La’os ba buat be ha’u hakarak. Refrão

 

Hado’ok ha’u matan housi buat folin laek,

Halo ha’u moris iha ita dalan.

Haré ba! Oinsá ha’u hadomi Ita lei,

No halo ha’u moris tuir Ita justiça. Refrão

 

Aclamação                                                                                                                                                                                                            Jo. 15. 4ª, 5b

Refrão : Aleluia, Aleluia! Repete-se

                  Imi hela iha Ha’u, Ha’u hela iha imi, Na’i lia tun;

                  ema nebe hela iha Ha’u, nia sei fó fuan barak.  Refrão

 

Evangelho                                                                                                                                                                                                               Mt. 7. 15-20

Na’i Jesus Cristo nia Evangelho tuir São Mateus:

Iha tempo neba, Jesus hateten ba escolante sira: “Imi matan moris ba kona ba profeta falso sira nebe mosu ba imi hodi hatais bibi kulit, maibe iha laran, sira mesak asu fuik nebe kaanten. Imi sei hatene sira housi sira nia fuan. Ema bele ku’u uvas housi aitarak, ka figueira housi du’ut áat? Lolos, ai hotu nebe di’ak fó fuan di’ak, no ai nebe áat fó fuan áat. Ai di’ak la bele fó fuan áat, no ai áat la bele fó fuan di’ak. Ema sei tesi tiha ai sira nebe la fó fuan di’ak hodi soe sira ba ahi. Ne’e duni, housi sira nia fuan mak imi sei hatene sira”.

Lia Maksoyn.

Leave a Reply

Your email address will not be published. Required fields are marked *