shadow
Diocese de Dili > NOTÍCIAS > REFLEXÃO > KETA TAUK! HUSU O FIAR

KETA TAUK! HUSU O FIAR

REFLEXÃO & LEITURAS DOMINGO COMUM XIII/Ano B/2018

Sab 1,13-15; 2,23-24   2Cor 8,7.9.13-15  Mc 5,21-4

 

Primeira Leitura                                                                             Sab. 1, 13-15; 2, 23-25

Lia Husi Livro Sabedoria:

Laós Maromak mak haki’ak mate. Maromak la haksolok hodi haré mate, tan Maromak haki’ak buat hotu atu moris. Maromak haki’ak buat hotu ba di’ak. Buat hirak Maromak haki’ak, la fo mate. Mate nia kbiit la ukun rai, basá, justiça la mate. Maromak haki’ak ema atu la bele mate. Maromak haki’ak ema tuir Nia ilas rasik. Mate tama rai klaran, tan diabo laran moras, diabo nia emar sira de’it mak hetan terus ne’e.

Maromak Futar Lia.

 

Salmo Resposorial                                                                                                                                                          Sal. 29 (30), 2. 4. 5-6. 11-12ª. 13b

Refrão :  Na’i Maromak, ha’u liban Ita Boot,

                  Tan Ita Boot soy ha’u atan!!! Repete-se

 

Na’i Maromak, ha’u atan hakarak haliban Ita Boot,

Tan Ita Boot mak haraik liberdade mai ha’u atan;

Ita la husik ha’u funu baluk sira hamnasa ha’u

Ita hasai ha’u klamar housi mate;

Ita halo ha’u moris housi mate sira leet. Refrão

 

Imi sira hotu be hadomi Maromak,

Fo agradece ba Nia naran Santo.

Maromak hirus la kleur de’it;

Nia hatudu laran luak iha ita moris tomak.

Ita tanis karik loro-kraik,

Dader ita hamnasa hikas. Refrão

 

Maromak rona netik ha’u,

Sadia netik ha’u

Hodi Ita Boot nia graça,

Mai tulun ha’u.

Ha’u nia susar nakfila tiha ba ksolok.

Ha’u sei hawelok Ita Boot ba nafatin. Refrão

 

Segunda Leitura                                                                                                                                                                                      2 Cor. 8, 7-9. 13-15

Lia husi S. Paulo nia surat ba sarani sira iha Corinto:       

Maun-alin sira: Tan imi riku teb-tebes, riku tuir imi nia fiar, riku tuir imi nia lia-fuan, riku tuir imi nia matenek, riku tuir imi nia serviço, riku tuir imi nia laran di’ak nebé imi simu housi ami, tan ne’e, imi sei hatudu mos katak, imi riku iha imi laran luak: Nia ema riku, halo-An ba ema ki’ak, tanba imi, atu hodi nia ki’ak imi sai riku. Ne’e laós katak halo imi moris iha susar laran, atu ema seluk sira bele moris ho skolok; maibé atu halo ema hot-hotu iha hanesan-hanesan. Ohin lorn, hodi imi nia riku, imi fo tulun ba ema seluk, atu aban-bain-rua sira nia riku bele halo di’ak mos ba imi. Nune’e, ema hot-hotu bele moris  ho ksolok hanesan-hanesan, nu’udar Biblia hateten: “La resin liu bas é iha barak, la kuran liu bas é iha wituan de’it”.

Maromak Futar Lia. 

 

Aclamação

Refrão : Aleluia. Aleluia! Repete-se

                  Jesus Cristo, ita Maksoyn sobu mate hodi

                  Evangelho halo moris nabilan. Refrão

 

 Evangelho                                                                                                                                                                                                              Mc. 5, 21-43

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus  sa’e ro, liu fali ba tasi sorin. Ema lubun boot hale’u tiha Nia, halo Nia hela iha tasi ibun. Iha oran ne’e, chefe sinagoga nian ida, naran Jairo, to’o daudaun mai. Haré tiha Jesus, nia monu-ain hodi husu nune’e: “Ha’u nia oan feto besik atu mate. Ita hit-an mai tau liman iha nia, atu soy nia, atu nia bele moris”. Jesus ba hamutuk ho nia. Ema lubun boot ba hamutuk ho Nia, habit Nia. Feto ida, liu ona tinan sanulu resin rua mak fakar ran. Nia terus teb-tebes ho douror barak. Nia lakon mohu riku-soin hotu, la hetan di’ak ida; aat liu tan ba daudaun. Tan nia rona ko’alia kona ba Jesus, nia mai housi kotuk iha ema lubun sira leet, hodi kona Jesus nia hena.  Basá, nia dehan ba nia-an rasik: “ Ha’u kona de’it nia hena mos, ha’u sei hetan di’ak ba ha’u moras”.

Iha oras ne’e kedas, nia ran la fakar, nia isin lolon tomak hetan di’ak. Jesus hatene kedas katak: kbiit ida sai housi Nia. Nia fila ba ema lubun boot husu: “Ema sé mak kona Ha’u nia hena?” Escolante sira dehan ba Nia: “ Ema lubun habit daudaun ita, Ita sei husu: sé mak kona daudaun Ha’u hena?” Maibé, Jesus hateke hale’u, hodi haré ema nebé halo buat ne’e. Feto ne’e, nakdedar ho tauk, tan hatene buat sá mosu ba nia; tan ne’e, nia mai hakne’ak iha Jesus ain, hodi dehan sai lialós hotu. Jesus dehan ba nia: “Ha’u oan feto, ó nia fiar mak soy ó! Ó bele ba ona; ó hetan fali isin di’ak”. Nia sei ko’alia hela, ema sira housi chefe sinagoga nia uman mai dehan: “Chefe, ita oan feto mate ona. Haterus tan mestre atu halo sá ida?” maibé, rona liafuan hirak ne’e, Nia dehan ba chefe sinagoga: “ó keta ta’uk, husu katak ó fiar”. Nia la husik ema ida tuir Nia; Nia lori de’it Pedro, Tiago, ho João, Tiago nia alin. Sira to’o iha chefe Sinagoga nia uman. Jesus hetan ema rungu-ranga: balu tanis, balu hakilar. Nia tama hodi husu ba sira: “Tan sá imi tanis hanesan ne’e? Labarik la mate, nia toba!” sira hasara Nia. Jesus haruka sira sai hotu tiha, Nia lori labarik nia aman no inan, ho tan sira nebe mai hamutuk ho Nia, sira tama ba fatin nebé labarik hela ba. Nia kaer labarik nia liman, hodi dehan: “Menina, Ha’u haruka ó, hamriik tiha”,, nia hamriik kedas, hahu la’o, basá, nia iha ona tinan sanulu resin rua. Ema hotu hakfodak. Jesus lia tun ba sira hodi bandu atu ema ida la bele hateten buat ne’e; hafoin Nia haruka fo han labarik. 

Lia Maksoyn.

 

 

Reflexão:

 

KETA TAUK! HUSU O FIAR

            Santa Teresa de Calcuta iha ninia quota fo motivção kmanek mai ita hodi hatudu fiar iha hahalok tenik:”diak liu halo buat kiik ho domin boot, do que halo buat boot ho domin kiik”. Talvés, lia menon nee mos fo hanoin ba ukun nain sira nebe oras nee hetan ona fiar hodi participa iha iha oitavo (VIII) Governo Constitucional hodi ukun Timor ho domin boot no fiar metin iha Maromak atu Timor hetan futuro nabilan. 

            Evangelho Marcos Domingo semana nee, apresenta hikas mai ita figura feto nain rua; ida feto adulto moras fakar ran durante tinan 12, ida seluk feto adolecente ho idade 12 nebe moras hafoin mate. Ema judeu nia tradição iha altura nebá, considera katak; ema ruma nebe liman kaer kona ema nia ran eh kona mate isin, ema wain sei exclui sira tan sira impuro, foer no ema hakribi. Ema judeu nia consideração katak; Ran foer ho mate isin nudar factor delimitação eh factor separação entre ema iha sociedade altura neba. Tanba nee mak ita rona iha relato Evangelho katak; feto nain rua nee excluído husi ema wain nia leet. Celebração Eucarística Domingo semana nee convida ita nobun hodi entende didiak mensagem Evangélica basea ba Cristo nia lia fuan nebe tenik katak; ita sei hetan salva tan ita nia fiar.

             Padre Martinho Gusmão hakerek iha revista fini dehan: Maromak la hakarak ita mate. Nia hakarak ita nia moris rohan laek, porque a justiça é imortal” (Sab. 1,15)…”Deus criou o homem para incorruptibilidade e o fez de Sua própria natureza (Sab 2,23). Maibé, wainhira demónio mak babeur ita ho nia laran moras, ita sei corrupto ka mate. Nee duni, mate nee laos deit ona isin (físico), maibé, liu-liu klamar (espírito).

            Ema barak mak tuir Jesus Cristo. Hobur deit ba, tan haksolok ho milagre no buat kmanek nebe Nia halo. “…numerosa multidão o seguia, apertando-o de todos os lados” (Mc 5,24). Maibé, massa ida barak nee la iha fiar. Feto nebe moras atan nee deit bele hetan buat nebe nia hakarak no Jesus hein, “… a tua fé te salvou; vai em paz e estejas curada desse teu mal” (Mc 5,34).

            Sasukat atu bele moris no hetan ksolok mak “fiar” iha Jesus Cristo. Jesus dehan ho simples “talità kum…noi oan, Hau dehan, hader ba”. Ida nee mak character “sublime” husi Evangelho nee; extraordinária maibé, hatoo ho lia fuan simples. Hanesan dehan ona, ita ema laos deit mate “corpo”, maibé, mos “coração” no “anima”. Mate iha “anima” wainhira ita lakohi sai husi pecado nia laran. Mate iha “coração” wainhira ita moris metin iha angustia, desmoralizado, desesperado, no tristeza crónica.

Jesus Cristo simplesmente dehan “hader ba … hamrik ba”. Se ita “fiar” lia fuan nee, ita hamrik, ita hader, ita hakat; “.  

Haré ba experiência milagrosa nebe acontece ba feto rua, idade la hanesan, saida mak ita bele aprende nudar bukae moris sarani nian?

            Jesus iha kbiit atu salva ema hotu iha nebe no bainhira deit. Maibé, ita sei hetan salva, tanto agora ou iha futuro wainhira ita iha fiar metin ba Jesus Cristo hanesan feto ida nebe kaer kona Jesus nia hena ho chefe sinagoga nebe tau fiar metin iha Jesus hodi kura ninia oan feto. Referência principal  nebe sai hanesan fundamento atu kesi ita nia fiar ba Maromak mak Jesus nia lia fuan rasik be tenik:” o keta tauk, husu katak o fiar”. Iha ponto ida nee, Fiar mak sai sasukat eh chave atu ita hetan salvação iha Maromak. Ho progresso ohin loron nian, fiar deit la too, fiar nee precisa comprova ninia validade iha hahalok sarani nian. São Tiago iha nia carta dehan:”Fiar nebe la hatudu iha hahalok, fiar nee buat maten ida”. 

            Chefe sinagoga Jairo luta makas hodi salva ninia oan feto tan, oan feto nee foin adolecente (tinan 12). Ao passo que feto ida fali nebe terus tinan 12 resin rua nia laran, tau confiança ikus iha Jesus tan doutor barak la consegue kura nia moras. Acontecimento rua nee, ninia fundamento mak fiar. Jesus mos dehan:”Keta tauk! Naran katak o fiar” buat hotu sei lao tuir nia dalan, saida mak ita deseja husi Maromak, sei mosu duni mai iha momento nebe ita la espera. Lian Idnonésia dehan:”Pertolongan Tuhan selalu datang pada waktunya”. Assim seja e Bem Haja (ignaslopes)

Leave a Reply

Your email address will not be published. Required fields are marked *