shadow
Diocese de Dili > NOTÍCIAS > Notícias > SPEPAL COMPLETA TINAN 18

SPEPAL COMPLETA TINAN 18

DCDD (29/06/2018) Iha Sexta-feira loron 29 fulan Junho tinan 2018, Seminário Maior Inter-Diocesano São Pedro e São Paulo Fatumeta halao comemoração aniversário ba dala sanulu resin ualu.  Comemoração nee inicia ho missa Ação de Graça nebe preside husi Bispo Maliana Dom Norberto do Amaral iha recinto Seminário Maior Fatumeta Dili. Dom Norberto iha nia homilia ba festa aniversário ne’e hateten; São Pedro no São Paulo sai ema rua importante tebes no sai ai-rin rua nebe qualidade tebes iha igreja nia moris. Nemak Creda foti sira nain rua hodi halo festa especial loron ohin. Ohin ita halo celebração ida  nee hodi hahi sira nain rua ho Maromak. Sira nain rua nia fiar be sira hatudu sadik ita hot-hotu nebe ohin loron iha nee, liu-liu sadik frater sira hatais mutin nee. Importante tebes fiar nebe ita hatudu ba Jesus Cristo katak tebes ita fiar ho qualidade kalae? Se laiha qualidade ha’u hanoin katak iha fraqueza oin-oin. Pedro no Paulo hamriik iha ita nia oin hodi bolu ita nia atenção katak, wainhira ita sei moris sei iha tempo atu converte ita nia-an. Converção nee tem que 100% neon ho laran hanesan São Pedro no São Paulo hatudu. Converção katak tuir regra nee los, wainhira ha’u tama iha nee lolos mak ida nee atu luta hasouru to ba iha ha’u nia ideal nee duni. Ida nee tem que funu makaas ida. Nee sai hanesan desafio makaas nee duni, ita nia desejo, ita nia compromisso nebe hakarak sai amu lulik nee tem que lolos nian no pronto atu sai nailulik nee tem que basea ba fiar nebe metin ho 100% neon ho laran atu uma oração ida nee deut ita nia laran, ita nia mehi nee didiak to’o ba aban bain rua.

Remata tiha missa agradecimento nee, Reitor Seminário Maior Inter-Diocesano Pe. Eduardo de Almeida iha nia discurso hateten; tinan sanulu resin ualu ona Seminário ida ne’e moris no lao halo ninia história iha Creda no iha nação Timor-Leste. Seminário hanesan comunidadde educativo ida nebe assume ninia responsabilidade hodi organiza programa formativos ba futuro Sacerdotes iha casa formação ida ne’e. Ohin completa tinan sanulu-resin-ualu, caminhada longa ida hasouru tempestades, turbulências oin-oin wainhira nia lao no halo ninia dalan. Ninia história hatudu katak Seminário ida ne’e moris tanba consequência hosi tempestades, turbulências política ne’e rasik. Masque nune’e ida ne’e laos sai hanesan obstacúlo boot mai ita, maibe desafia ita atu hatene no reconheçe ita nia fraqueza no limitação sira. Ain sama rai metin, lao nafatin ba oin, halo nia dalan, hakerek ninia história. Los duni Seminário emfrenta dificuldades oin-oin iha caminhada formativa ida ne’e, maibe ho força no kbiit oituan nebe iha, hodi Maromak nia providência, ho ema laran diak sira nia tulun no ho Santo patrono sira Pedro ho Paulo ninia interseção Seminário bele lao to ohin halo tinan sanulu resin ualu ona. (Fidy)

Leave a Reply

Your email address will not be published. Required fields are marked *