shadow
Diocese de Dili > NOTÍCIAS > LETURA DIÁRIA > Terça-Feira, XIII Semana Tempo Comum

Terça-Feira, XIII Semana Tempo Comum

ANO B

 

Primeira Leitura                                                                               Am. 3. 1-8, 4. 11-12

Lia housi Profecia Amós nian

Israel oan sira: imi rona liafuan hirak ne’e ba, nebe ha’u, be Na’i, hateten hasouru imi, hasouru povo tomak nebe HA’u hasai housi rai Egipto.

Iha povo rai klaran tomak nia leet, Ha’u hatene de’’it mak imi. Tan ne’e, Ha’u hatene de’it mak imi. Tan ne’e, ha’u sei husu tuir kona ba imi nia hahalok áat. Ema na’in rua bele ka la’o hamutuk uainhira sira lia la dauk tuir malu? Leão hakilar ka lae iha ai laran boot, uainhira nia seidauk hetan buat ida atu han? Leão oan la hakilar ka iha nia ku’ak uainhira nia la dauk káer buat ida? Manu ida, tan hani, bele ka monu ba rai uainhira ema la tau iska ka umpa iha hani? Hani ne’e ka bele hamriik lós housi rai uainhira la dauk káer  buat ida? Trombeta nia lian tarutu karik iha cidade, la halo ka povo hakfodak? Cidade ida bele hetan ka susar, uainhira Na’i la dauk haruka mai? Na’i Maromak la halo buat ida  uainhira la dauk hatudu nia hanoin housi profeta sira be serbi nia. Uainhira leão hakilar, ema sé mak la ta’uk? uainhira Na’i Maromak ko’alia, ema sé mak lakohi haklaken?

Ha’u hanoin imi, hanesan Sodoma no Gomorra, imi hela tiha hanesan ahi lutan be hasai housi ahi mai, maibe imi la fila kedas mai ha’u-Na’i ko’alia nune’e – Tan ne’e, Ha’u hatene sáida ha’u sei halo ba ó, Israel basá uainhira ha’u halo ba ó hanesan ne’e, ó hadi’a-an ba Israel, atu ó bele ba hasouru malu  ho ó nia Maromak”.

Maromak Futar Lia.  

      

Salmo Responsorial                                                                                                                                                                           Sal. 5. 5-6, 7, 8 (R. 9ª)

Refrão : Na’i, dada dalan mai ha’u tuir Ita justiça!!! Repete-se

 

Ita la’os Maromak ida be hadomi buat áat,

Ema laran áat la hetan hasouru malu ho ita;

Ita la hamatan ba ema fiar laek sira. Refrão

 

Ita hakribi ema áat sira

Ita halakon sira be bosok.

Na’i heuuai sira be liman mean no lohidor. Refrão

 

Maibe, ha’u tau neon ha Ita laran di’ak,

Ha’u sei tama iha Ita uman.

Ho respeito, ha’u takrabat ba rai

Iha Ita templo santo. Refrão 

 

Aclamação                                                                                                                                                                                                       Sal. 129(130). 5

Refrão : Aleluia, Aleluia! Repete-se

                  Ha’u laran metin iha Na’i,

                  Ha’u klamar fiar iha Nia liafuan. Refrão

 

Evangelho                                                                                                                                                                                                               Mt. 8. 23-27

Na’i Jesus Cristo nia Evangelho tuir São Mateus:

Iha tempo neba, Jesus sa’e ba ró, hamutuk ho Nia escolante sira. Teki-tekir, tasi hahu si’ak maka’as, laloran tama maka’as iha ro laran, maibé Nia toba dukur hela. Escolante sira hakbesik hodi fanun Nia dehan: “Na’i soi ami, ami atu mate.” Jesus dehan ba sira: “Tansá imi ta’uk, imi sira fiar kiik?” Hafoin Nia hamriik hodi siak anin ho tasi, no buat hotu sai hakmatek. Sira hakfodak hodi dehan: “Ema ne’e sé lós, nebé anin ho tasi mós halo tuir de’it.”

Lia maksoyn

Leave a Reply

Your email address will not be published. Required fields are marked *