shadow
Diocese de Dili > NOTÍCIAS > LETURA DIÁRIA > Sábado, XIII Semana Tempo Comum

Sábado, XIII Semana Tempo Comum

ANO B

 

Primeira Leitura                                                                     Am. 9. 11-15

Lia housi Profecia Amós nian.

Na’i lia tun nune’e:” iha Loron neba, Ha’u sei fila hikas mai hodi hari David nia uma, nebe atu monu. Ha’u sei taka uma nia fera sira. Ha’u sei hari fila fali uma be monu, hanesan iha loron uluk nian atu sira bele hadau Edom nia resto no nação hotu iha nebe Ha’u naran haklaken tiha ona.”

Na’i dehan nune’e no sei halo tuir lolós nia liafuan Loron hirak be sei mai – Na’i dehan – ema nebe halo natar sei tuir besik ida be ko’a haré; ida nebe sama uvas sei tuir besik ida be kuda. Tua foun sei suli iha foho sira no hoban foho oan sira. Ha’u sei lori hikas fali mai ha’u povo Israel be ema hodi ba dadur iha rai seluk. Sira sei hari hikas fali cidade sira be rahun no hôrik iha neba. Sira kuda ai videira hodi hemu nia tua, halo to’os ai-horis nian atu bele han sira fuan. Ha’u sei tau metin sira iha sira rain.

Ema sei la hasai tan ona sira housi rai nebé Ha’u haraik ona ba sira, Na’i, ó nia Maromak dehan”.

Maromak futar lia.

 

Salmo Responsorial                                                                                                                             Sal. 84(85). 9, 11-14 (R. 9ª)   

Refrão : Na’i fó hatene dame ba Nia povo!!! Repete-se

 

Ha’u rona hela buat nebe Na’i dehan:

Maromak fó hatene dame

Ba Nia povo no ba nia belun sira,

No ba sira be fila laran ba nia belun sira,

No ba sira be fila laran ba Nia ho neon tomak. Refrão

 

Laran di’ak no laran mós sei hasouru malu

Dame no justiça sei hako’ak malu.

Laran mós sei tubun housi rai,

No justiça sei tun housi Lalehan mai. Refrão

 

Na’i sei haraik buat nebe di’ak,

Ita rain sei fó fuan.

Justiça sei la’o iha Nia oin

No dame sama tuir Nia ain fatin. Refrão

 

Aclamação                                                                                                                                                                                   Jo. 10. 27

Refrão : Aleluia, Aleluia! Repete-se

                  Ha’u Nia bibi sira rona ha’u lian, Na’i lia tun;

                  Ha’u hatene sira, sira mai tuir Ha’u. Refrão

 

Evangelho                                                                                                                                                                               Mt. 9. 14-17

Na’i Jesus Cristo nia Evangelho nuda’ar São Mateus haktuir:

Iha tempo neba, João Baptista nia escolante sira hakbesik ba Jesus deehan: “ Tansá mak ami ho fariseu sira hadera an, maibe Ó nia escolante sira lae?” Jesus hatan ba sira: “Noivo nia belun sira be luto uainhira noivo sei hela ho sira? Loron sei to’o mai uanhira ema sei hasai noivo housi sira let; iha loron neba mak sira sei hadera an”/

“ Ema ida la bele taka hena tuan nia kuak ho hena foun, basá hena foun les hena tuan, halo kuak sai boot liu. Ema la tau tua foun iha kusi kulit tuan; lae karik, husi kulit nakfera, tua nakfakar no kusi kulit áat hotu. Tau tua foun iha kusi kulit foun; nune’e buat ruma ne’e  la lakon.”

Lia Maksoyn.

Leave a Reply

Your email address will not be published. Required fields are marked *