shadow
Diocese de Dili > NOTÍCIAS > OPINIÃO > QUEM ÉS TU PARA JULGAR O TEU PRÓXIMO?

QUEM ÉS TU PARA JULGAR O TEU PRÓXIMO?

(Opinião política tuir hanoin bíblia nian)

Por Martinho do Nascimento Obe “Sfunit”

 

Introdução

Hadomi ó Rai Timor! Hakerek nain hahú ho liafuan “hadomi ó rai Timor” atu dehan deit katak Escritor hadomi Timor nune’e ha’u harekek artigo simplês ne’e. Artigo simplês ne’e mós nudar expressão sentimento emocional no hanoin crítico ba nasaun Timor-Leste nia desenvolvimento iha aspecto hotu-hotu. Los duni, escritor la soy atu julga ema sé deit mak iha Timor maibe ho hanoin bíblia nian escritor fo julgamentu ba injustisa social nebe acontece iha política nia laran.

Nai Jesus Cristo lia tun ba nia escolante sira dehan nune’e “keta hanoin aat ema, atu ema la bele hanoin aat imi. Basá imi hanoin aat ema karik, ema mos sei hanoin aat imi, imi sukat ema nune’e, nune’e mós ema sei sukat imi”(Mt 7:1-2). Hosi ne’e ita hetan pontu importante ida kona ba “mandamento atu labele julga ema seluk” alias jangan menghakimi. Tanba sá? Tan ação julga ema ka fo julgamentu ba ema seluk ne’e direito previlégio Maromak nian. Maromak iha direito atu julga ema iha loron julgamentu ka justisa final. Significa ema halo sala Maromak mak sei julga nia iha loron ikus, ka iha tribunal divina nian ‘according to the concept of faith”. Maibe ida ne’e la significa katak atu halakon ka taka dalan ba ita ema atu halo coreção fraternal, coreção política no seluk tan iha relasaun humana nian. Iha dalan atu halo julgamentu mas antes atu corige ka julga ema seluk ba dala uluk haré halo auto-coreção/corrige uluk ita nia an rasik, ba ita nia organização no ba ita nia partido rasik. Signifika bele halo julgamentu ba ema seluk tuir lei ótica lei ka política maibe importane katak julgamentu ne’e iha caracter justo, imparcial hodi promove bem estado no interesse povo nian. atu nune’e Nai Jesus labele hase ita dehan “tansá ó hare du’ut lahan iha ó nia maluk nia matan laran, maibe la haré aikabelak iha ó rasik nia matan laran”?(Mt 7:3)

Nudar haktuir iha passagem bíblica seluk dehan Quem és tu para julga o teu próximo? Ita ne’e se atu julga ita nia maluk? Pergunta ida ne’e han malu kedan ho Nai Jesus Cristo nia liafuan katak “labele julga ema ka jangan menghakimi”. Maibe mundo ohin loron ema ida-idak harí nia tribunal ketak-ketak hodi fo julgamentu ba ema seluk. Relasiona ho ida ne’e tuir escritor nia análise política iha contexto Timor-Leste hatudu katak política nebe acontece iha nasaun foun ida ne’e, dokratikamente la’o hela iha KRISIS DENDAM POLITIK. Tanba ita hare’e realidade nebe acontece Ema boot sira “dendam politik” ba malu no povo ho povo mós halo nune’e hotu. Pergunta mak ne’e, iha nebe cultura democrática no tolerância? Tan princípio democrática signifika ema hotu bele partisipa iha ukun no desenvolvimento nasional. No Crsito dehan“Dendam politik” ne’e diak tuir justisa ema nian. Maibe pergunta mak ne’e será que julgamentu “dendam politik” ne’e justo? Tanba ne’e Nai Jesus Cristo dehan tuir justisa Maromak nian katak ha’u, ó no ita ne’e se mak atu julga ita nia maluk? Tanba sá, tanba Nai Jesus Cristo dehan molok atu fo “dendam politik” ka fo julgamentu polítika ba ema seluk uluk nanain hare uluk aikabelak boot ida iha o nia matan laran rasik. Significa katak bele julga ema seluk enquanto julgamentu ne’e justo, imparcial no liuliu julgamentu ne’e tuir duni princípio justisa social nian. Tan São Tomás de Aquino define justiça consiste na  “vontade perpétua e constante de dar a cada um o que lhe é devido”.  Iha ne’e São Tomás Aquino hatur kedan princípio justiça nian katak  primeiro: ema ida-idak iha direito nebe hanesan ba liberdade fundamental nebe iha coerência katak fo ba nia buat nebe ninian. Tan justiça, contudo, la’os convenção ema nian, tanba buat nebe justo originalmente la’os determina hosi lei maibe determina hosi identidade profunda ema nia ser. Hosi ne’e atu dehan deit katak sei ema ne’e sala em termo halo corupção, abuso de poder então julga nia tuir buat nebe nia halo maibe importante que julgamentu ne’e tenke imparcial no justo. Tanba bainhira julgamentu ne’e falso, foer, la justo maka Nai Jesus sei condena maka as hodi dehan katak “ema laran makerek, hasai uluk knanain aikabelak housi ó nia matan laran, hafoin mak ó sei haré hodi hasai du’ut lahan housi ó nia maluk nia matan laran”(cfr Mt 7: 4-5). Julgamentu política foer ka coreção fraternal injusto ne’e nudar atetude ema laran makerek sira nian, “laran makerek” tanba buat nebe lalos, la justo iha nia an rasik nia nia matan ka nia oin, no la halo auto-coreção maibe nia taka tiha matan hodi ba julga ema seluk. Ou ita bele dehan ho termo seluk katak nia halo justisa ba ema balu deit maibe ninia ema sira la halo justisa ba sira. Ne’eduni Nai Jesus hanaran ema hirak ne’e nudar “ema laran makerek no fingindo”.

Ema hirak nebe laran makerek, mak ema hirak nebe la iha lealdade ba Maromak nia ukun fuan katak “labele julga ema seluk ka jangan menghakimi”. Tanba sei ita la obedece, la iha lealdade ba Maromak significa ita halo sala hasoru Nai Maromak ho ita nia julgamentu la equilibrio. Hahalok ne’e mós acontece iha Israel oan sira nebe desobedece ho halo sala hasoru Nai Maromak. Povo Israel haluha tiha Maromak nia misericordia nebe soy sira housi egipto, housi farão nia ukun kbiit be halo sira sai atan. No extra-ordinário katak bainhira sira la fiel ona ba Nai Maromak maibe Maromak fiel hodi haruka nafatin profeta sira mai hodi fo hanoin nafatin povo ne’e maibe povo continua la fiel nune’e ikus mai Nai Maromak hirus tebe-tebes hasoru Israel hodi so’e tiha sira dook hosi nia oin.

Por fim, atu conclui deit katak Timor-Leste presija tebes ema nia crítica los, hanoin los atu hadia nafatin desenvolvimento iha aspeto política, econômica, educação, social no cultura. Tan bainhira ita halo julgamentu foer ka la justo significa ita la fiel ba lialos nune’e Maromak sei hirus hasoru ita hodi so’e dook ita housi nia oin. Tanba ne’e ohin Maromak bolu atensaun ita ho nia doutrina katak Labele julga ema seluk antes halo auto-coreção ba ita nia an rasik, tan ita la soy atu julga ita nia maluk ho injustisa. No hanoin katak ação julgamentu ba ema seluk ne’e direito prerogativo ka direito previlégio deit ba Maromak. Ita bele hetan direito previlégio ne’e enquanto ita nia julgamentu ne’e justo, no tuir duni princípio justisa social nian. Tanba ne’e harohan ba Nai Maromak atu haroman ita nia hanoin hodi labele julga ema seluk tuir ita nia interese privado ka grupo nian maibe julga ema tuir princípio justisa social no bem comum ema hotu nian. (Martinho do Nascimento Obe, estudante ISFIT Fatumeta, Faculdade de Filosofia(2013-2016), actualmente reporter no announcer iha RTK Malo’a Dili, Timor Leste), Opinião Pessoal.Iha sujestaun bele haruka mai iha address email:cono.mutis@gmail.com, ou bele contacto:+67077749662/75253302).

Bibliografia:

  • Sagrada Escritura
  • Suma Teologia, Tomás de Aquino

 

 

Leave a Reply

Your email address will not be published. Required fields are marked *