shadow
Diocese de Dili > NOTÍCIAS > LETURA DIÁRIA > Segunda-Feira, XIV Semana iha tempo Comum

Segunda-Feira, XIV Semana iha tempo Comum

Ano B

 

Primeira Leitura                                                              Os. 2. 16, 17b-18, 21-22

Lia husi Profecia Oseias nian

Na’i koa’lia nune’e: “Ha’u sei hakait mai ha’u domin, uma Israel nian, Ha’u sei lori nia ba rai fuik maran hodi koa’lia ba nia fuan. Iha neba, nia sei hatan mai ha’u hanesan uluk nia sei klosan wainhira nia sai husi rai Egipto. Iha loron neba, Na’i dehan, ó sei bolu ha’u, ‘ Ha’u sei halo ó sai ha’u nia káben nafatin, ha’u sei hola ó tuir justiça no direito, tan domin no tan laran-luak. Ha’u sei halo ó sai ha’u nia kaben di’ak, ó sei hatene Na’i”.

Maromak Futar Lia.

 

Salmo Responsorial                                                                                                          Sal. 144(145). 2-3, 4-5, 6-7, 8-9 (R. 8ª)

Refrão : Na’i laran sadi’a no laran maus!!! Repete-se

 

Ha’u hakarak hahi ita loron ba loron,

Hahi ita naran ba nafatin.

Na’i boot tebes no so’i simu hahi,

Nia beran la nahas.  Refrão

 

Otas ida fó sai ba ida seluk ita liman nia hahalok,

Hotu haklaken ita biit,

Hateten ita glória biit liurai nian,

No haklaken ita hahalok kmanek. Refrão

 

Hananu biit ita liman nia hahalok nian,

No haklaken ita be boot liu hotu,

Halo-hodi-hanoin ita laran luak be boot tebes;

No haklaken ita justiça. Refrão

 

Na’i laran-luak no laran maus,

Kleur atu hirus, nakonu ho laran di’ak.

Na’i di’ak ba hotu,

Nia laran maus ba criatura tomak. Refrão

 

Aclamação                                                                                                                                                                                 2Tm. 1. 10

Refrão : Aleluia, Aleluia! Repete-se

                  Jesus Cristo, ita maksoyn, halakon mate;

                  Nia halo moris nabilan husi Evangelho. Refrão

 

Evangelho                                                                                                                                                                              Mt. 9. 18-26

Na’i Jesus Cristo nia Evangelho tuir São Mateus

Iha tempo neba, wainhira Jesus ko’alia daudaun hela ba nia escolante sira, na’i ulun ida hakbesik ba nia hodi monu ain iha nia oin dehan: “ Ha’u nia oan feto foin mate; maibe ita boot hi’it an mai tau liman ba nia, nia sei moris.” Jesus hamriik hodi la’o tuir nia hamutuk ho escolante sira.

Ihas oras neba, feto ida nebe ran suli sai tinan sanulu resin rua ona, hakbesik ba nia husi kotuk hodi kona nia hatais ninin, basá nia dehan iha nia laran: “Ha’u kona karik nia hatais, ha’u sei hetan isin di’ak.” Fila tiha ona kotuk, Jesus haré nia hodi dehan: “ Ha’u nia oan, barani ba, o nia fiar soi ona o.” Iha oras neba kedas, feto ne’e hetan fali isin di’ak.

Wainhira nia to’o ba Na’i ulun nia uma hodi haré ema huu flauta no ema barak seluk book an ba book an mai, Nia dehan: “ imi sai tiha, labarik la mate; nia toba de’it.” Sira hamnasa nia. Wainhira ema lubun sai ona, nia tama ba laran, káer labarik feto nia liman, no labarik feto ne’e hamriik. Liafuan kona ba buat ne’e naklekar iha rai tomak neba.

Lia Maksoyn.

Leave a Reply

Your email address will not be published. Required fields are marked *