shadow
Diocese de Dili > NOTÍCIAS > LETURA DIÁRIA > Quarta-Feira, XIV Semana iha Tempo Comum

Quarta-Feira, XIV Semana iha Tempo Comum

Ano B

 

Primeira Leitura                                                                   Os. 8. 4-7, 11-13

Lia husi Profecia Oseias nian

Israel mak to’os uvas ida be buras, nebe fó fuan wain tebes. Wainhira nia fuan sai wa’in liu tan, nia altar sira mós sai barak ba beibeik. Wainhira nia rain sai riku ba daudaun, nia monumento fiar laek sira mós hafutar-an liu tan. Israel nia fuan mesak nakfahe-an, maibe, oras ne’e nia tenki selu. Nia rasik sei halakon nia altar sira. Sei harahun nia monumento sira. Oras ne’e sira dehan: “Ami la iha liurai, basá, ami la hamta’uk Na’i. Sá mak liurai bele halo mai ita?”

Samaria lakon tiha ona hamutuk ho nia liurai; nia hanesan haré kain ida iha ué leten. Fatin áas sira be halo ba ilas sei sobu hotu; ne’e mak Israel nia salan. Ai tarak sei moris iha sira nia altar fohon. Sira sei dehan ba foho sira: “imi taka ami ba!” dehan mós ba foho oan sira: “imi monu iha ami leten ba!” imi kuda tuir justiça, imi sei ku’u fuan laran di’ak nian; imi fera rai foun sira ba tamba besik ona oras atu buka Na’i to’o nia mai hatun udan justiça nian iiha imi leten.

Maromak Futar Lia.

 

Salmo Responsorial                                                                                                             Sal. 104(105). 2-e, 4-5, 6-7 (R. cf. 4ª)

Refrão : Buka nafatin Na’i nia futar oin!!! Repete-se

 

Hananu salmo no hino ba Na’i,

Haklaken nia hahalok kmanek wa’in.

Hahi-an iha nia naran santo,

Fuan be buka Na’i, haksolok ba. Refrão

 

Hakbadak Na’i no Nia biit,

Buka nafatin nia futar oin:

Hanoin hetan kmanek be nia halo,

Hahalok kmanek no hanourin husi nia ibun. Refrão

 

Bei-oan sira husi Abraão, Na’i nia atan,

Oan sira husi Jacob be Na’i hili nanis,

Nia mak Na’i, ita nia Maromak,

Ninia tesi lia mak lei iha rai tomak. Refrão

 

Aclamação                                                                                                                                                                                    Mc. 1. 15

Refrão : Aleluia, Aleluia! Repete-se

                   Maromak nia reino besik ona;

                   imi hakribi salan no fiar iha evangelho. Refrão

 

Evangelho                                                                                                                                                                                  Mt. 10. 1-7

Na’i Jesus Cristo nia Evangelho nu’udar São Mateus haktuir:

Iha tempo neba, Jesus bolu nia escolante sira na’in sanulu resin rua hodi fó biit ba sira atu duni sai espírito fo’er sira, no mós atu fó isin di’ak ba sira hotu nebe terus moras oin-oin. Apóstolo sira nia naran mak ne’e; Tiago, Zebedeu nia oan, ho nia alin João; Filipe ho Bartolomeu, Tome ho Mateus publicano, Tiago, Alfeu nia oan, ho Tadeu, Simão Cananeu ho Jodas Iscariotes, nebe sei saran Nia.

Jesus haruka sira na’in sanulu resin rua ne’e la’o ba no hanourin hodi dehan: “ Keta tuir gentio sira nia dalan, keta tama iha samaritano sira nia cidade, maibe buka uluk bibi sira nebe lakon housi uma Israel nian. Tuir dalan, haklaken ba katak reino lalehan besik ona”.

Lia Maksoyn

Leave a Reply

Your email address will not be published. Required fields are marked *