shadow
Diocese de Dili > NOTÍCIAS > LETURA DIÁRIA > Segunda-Feira, XV Semana iha Tempo Comum

Segunda-Feira, XV Semana iha Tempo Comum

ANO B

 

Primeira Leitura                                                                       Is. 1. 10-17

Lia housi libro Isaías nian

Rona Maromak futar liafuan, imi, na’iulun sira Sodoma nian, sée tilun b aita nia Maromak nian, povo Gomorra: ‘Sá di’ak mai ha’u, imi nia sacrificio be wa’in tebes? – Na’i lia tun dehan – Ha’u bosan tiha ona ho sacrificio bibi sira nia bokur no karau baka oan sira nian; karau baka, bibi malae no bibi timur sira ran, la haksolok liu Ha’u! Wainhira imi mai Ha’u oin, sé mak bolu imi atu sama Ha’u odan kne’in? Imi la lika lori mai Ha’u, presente sira folin laek; incensó nia suar halo Ha’u laran sa’e. Fulan foun, loron sábado no halibur malu harohan, Ha’u la tahan tan ona! Ha’u hakribi imi nia festa no imi nia festa boot ksolok nian. Imi nia fulan foun no imi nia festa boot ksolok nian Ha’u hakribi ho laran tomak. Sira sai nu’udar buat todan ida mai Ha’u: Ha’u kole ona atu tahan sira.

Wainhira imi halolo imi liman ba áas, Ha’u sei la lidu Ha’u matan ba imi. Imi bele hewa’in liu tan imi nia harohan, maibé, Ha’u sei la sée tilun. Imi nia liman mesak ran nakonu! Imi fase imi an, hamos didiak imi an.

Hado’ok housi Ha’u oin imi nia hahalok áat sira, imi husik ba imi nia moris áat. Imi buka halo buat nebé di’ak; buka, tuir justiça; tulun sira nebé ema hanehan, fó han ema kiak sira no hatau feto faluk sirak”

Maromak Futar Lia

 

Salmo Responsorial                                                                                                       Sal. 49(59). 8-9, 16bc-17, 21-23 (R. 23b)

Refrão : Ba ida nebé moris tuir lialós, ha’u sei fó maksoyn Maromak nian!!! Repete-se

 

Ha’u sei la si’ak ó, tan ó nia sacrificio,

Basá balada sira be ó oho iha nafatin Ha’u oin.

Ha’u sei la simu karau baka housi ó uman,

No mós bibi sira housi ó nia bibi-luhan. Refrão

 

“Tan sá ó ko’alia resinkona ba Ha’u ukun fuan,

No lori ha’u Nia aliança iha ó ibun;

Ó nebe la simu Ha’u nia lia hanourin

No heuuai Ha’u nia liafuan sira? Refrão

 

Ó halo tiha buat hirak ne’e, Ha’u nonokm lerek;

Ó hanoin katak Ha’u hanesan ó.

Hahi Ha’u, ema nebe hasa’e sacrificio hahi nian,

No ba ema nebe tuir dalan lós,

Ha’u sei fó Maromak nia maksoin. Refrão

 

Aclamação                                                                                                                                                                                    Mt. 5. 10

Refrão : Aleluia, Aleluia! Repete-se

                  Ksolok ba ema sira nebe ema duni tan hadomi justiça,

                  basá reino lalehan sira nian. Refrão!!

 

Evangelho                                                                                                                                                                  Mt. 10. 34-42-11. 1

Na’i jesus Cristo nia Evangelho tuir São Mateus :

Iha tempo neba, Jesus hateten ba nia Apóstolo sira: “imi keta hanoin katak Ha’u lori dame mai iha rai. Ha’u mai la lori dame, maibe, surik. Basá, ha’u mai atu hakfahek imi: oan mane hasouru aman, oan feto hasouru inan, feto foun hasouru banin feto; ema nia familia rasik sai nia funu baluk sira.

Ema nebe hadomi nia aman eh nia inan liu fali Ha’u, nia la’os ha’u nian. Ema nebe hadomi nia oan mane eh nia oan feto liu fali Ha’u, nia la’os Ha’u nian. Ida nebe la simu nia cruz hodi la’o tuir Ha’u, nia la’os Ha’u nian. Ida nebe buka nia moris, nia sei lakon moris ne’e; ida nebe lakon nia moris tan Ha’u, nia sei hetan moris ne’e.

Ema nebe simu imi, simu ida nebe haruka Ha’u mai. Ida nebe simu profeta ida tan nia profeta, nia sei simu kolen profeta nian; ema nebe simu ema di’ak ida, tan nia ema di’ak, nia sei simu kolen ema di’ak nian.

Ida nebe fó hemu maski ué malirin copo ida ba kiik oan sira ne’e ida, tan nia Ha’u nia escolante, Ha’u dehan tebes ba imi: nia sei la lakon nia kolen’. Hanourin tiha nia escolante na’in sanulu resin rua, Jesus sai housi neba, hodi ba hanourin no haklaken iha ema sira neba nia cidade.

Lia maksoyn

Leave a Reply

Your email address will not be published. Required fields are marked *