shadow
Diocese de Dili > NOTÍCIAS > LETURA DIÁRIA > Quarta-Feira, XV Semana iha Tempo Comum

Quarta-Feira, XV Semana iha Tempo Comum

ANO B

 

Primeira Leitura                                                               Is. 10. 5 – 7, 13 – 16

Lia housi livro Isaías nian

Na’i lia tun dehan: “Susar tebes ba Assíria, tan halo ha’u laran nakali no tahan ha’u hirus nia oé. Ha’u haruka nia ba hasouru povo ida nebe halo Ha’u laran hirus, atu kair ribit nia hodi hasai nia riku-soi tomak, atu sama nia hanesan sama tahu iha luron. Maibe, Assíria la hanoin nune’e, la senti hanesan ne’e iha fuan. Buat nebe nia hanoin mak harahun, hamohu povo ua’in.”

Basá, nia dehan: “Ha’u hala’o ho ha’u liman nia biit ho ha’u nia matenek, tan ha’u ulun mamar. Ha’u halo hakiduk rai-ketan povo nian, ha’u haruka hasai sira riku-soi, no un’udar ema asua’in ida, ha’u hamonu ba rai, ulun sira funu nian. Ha’u liman kaer ribit nação sira nia riku-soi, hanesan kaer iha manu knu’uk ida; hanesan hili manu tolun be soe lerek, ha’u hili rai tomak la iha ida baku liras, la iha ida loke ibun eh la iha lian ida’.

Baliu bele ka foti an hasouru ida be káer baliu? Eh kado bele foti an hasouru ida be dada kado? Ne’e hanesan óe bele ukun ema nebe káer, no ai-tonka foti ba áas ema  nebe la’os sai hanesan nia! Ne’e duni, Na’i Maromak Lalehan no Rai nian sei hatun biit laek ba biit na’in sira Assíria nian; iha riku-soi nia okos sei sunu ahí klaak ida hanesan ahí lakan boot nian ida”.

Na’i nia futar lia.

 

Salmo responsorial                                                                                                     Sal. 93 (94). 5-6, 7-8, 9-10, 14-15 (R. 14ª)

Refrão : Na’i sei la husik hela Nia povo!!!. Repete-se

 

Na’i, sira sama ita povo,

Sira hanehan Ita liman-rohan;

Sira oho feto faluk no ema la’o rai,

No fokit oan kiak nia moris. Refrão

 

Sira dehan: ‘Na’i sei la haré,

Jacob nia Maromak sei la hatene.’

Ema beik sira, hanoin ba,

Ema laran laek sira,

Uainhira mak imi sai matenek? Refrão

 

Ida be halo tilun sei la rona ka?

Ida be halo matan sei la haré ka?

Nia be hatudu dalan ba povo sei la fó castigoka,

Nia be hanourin povo, la hatene ka? Refrão

 

Na’i sei la hakribi nia povo,

Sei la husik Nia liman rohan.

Maibe sei tesi lia ho justiça,

Ema fuan mós sira sei moris tuir. Refrão

 

Aclamação                                                                                                                                                                                   Mt. 11. 25

Refrão : Aleluia, Aleluia!!! Repete-se

                  Rahun di’ak ba Ita, Aman, Na’i lalehan no rai nian,

                  tan Ita hatudu mistério reino lalehan nian ba ki’ik sira. Refrão

 

Evangelho                                                                                                                                                                          Mt. 11. 25 – 27

Na’i Jesus Cristo nia Evangelho nuda’ar São Mateus haktuir:

Iha tempo neba, Jesus dehan nune’e: “Aman, Na’i lalehan no rain nian, Ha’u hahi ita tan ita subar tiha  buat hirak ne’e ba matenek no neon na’in sira hodi hatudu ba ki’ik oan sira. Los duni, Aman, tan Ita hakarak duni nune’e. ha’u Aman tau tiha buat hot-hotu iha Ha’u liman; ema ida la hatene Oan, Aman de’it mak hatene; nune’e mós ema ida la hatene Aman, Oan de’it mak hatene, no mós ema nebe Oan hakarak hatudu ba nia.”

Lia maksoyn

Leave a Reply

Your email address will not be published. Required fields are marked *