shadow
Diocese de Dili > NOTÍCIAS > LETURA DIÁRIA > Quinta – Feira, XV Semana iha Tempo Comum

Quinta – Feira, XV Semana iha Tempo Comum

Ano B

 

Primeira Leitura                                                             Is. 26. 7-9, 12, 16 – 19

Lia housi livro Isaías nian

Ema di’ak nia dalan mak lós, dalan nebe ita hadi’a ba nia mak tetuk. Nune’e, ami hein Itaboot iha dalan Ita ukunfuan nian; ami nia klamar hakarak tebes ita naran no ita hanoin.

Ha’u klamar buka ita boot iha kalan, no ha’u nia esprito ho neon no laran tomak buka Itaboot housi rai hun mutin, basá, uainhira ita ukunfuan mosu iha ain e’e, povo tomak mundo ne’e nian hatené sá mak justiça.

Na’i ita sei haraik duni dame mai ami, basá, Ita mak hala’o buat hotu nebe ami halo.

Na’i, iha susar laran ami husu ita tulun, tan ta’uk Ita Nia castigo nia todan. Hanesan feto atu sai inan uainhira atu tur ahí, nia sentí knotak moras hodi hakilar maka’as; nune’e mós, ami iha Ita futar oin, Na’i. Ami tur ahí, sentí terus un’udar inan, maibe ami tur ahí liu tiha hanesan anin. Ami la lori salvação mai rai, no mós la haharis povo foun iha mundo.,

Maibe ó nia matebian sira sei fila fali ba moris; sira isin maten sei moris hi’as. Sira be hôrik iha rai rahun sei hamriik hodi hananu ho ksolok! Basá, ó nia maha- uen mak maha-uen roman nabilan, no rai sei fó moris ba sira nebe toba hela mahan mate nian.

Maromak Futar Lia

 

Salmo responsorial                                                                                                                               Sal. 101(102). 13-21 (R. 20b)

Refrão : Housi leten áas lalehan nian, Na’i lidu matan ba rai!!! Repete-se

 

Na’i, Itaboot ba nafatin,

Ita naran hela nafatin housi otas ba otas.

Ita hamriik ba hodi hanourin netik Sião,

To’o ona oras sadi’a nian, no perdua nian.

Ita atan sira hadomi nia fatuk sira,

no laran nakraik tan krebek sira. Refrão

 

Na’i, nação hotu hamta’uk Ita naran,

Liurai sira rai hotu nian, Itaboot nia glória.

Uainhira Na’i hari fali Sião,

Hodi hatudu Nia  glória;

Sei simu kiak sira nia harohan,

No sei la heuuai sira nia harohan. Refrão

 

Sei hakerek hirak ne’e hotu ba otas be atu mai,

Povo foun be sei mai, sei hahi Na’i.

Na’i hakruuk housi Nia kadunan iha leten áas,

Housi Lalehan Na’i lidu matan ba rai,

Atu rona dadur sira nia halerik;

Atu soi sira housi mate. Refrão

 

Aclamação

Refrão : Aleluia, Aleluia!! Repete–se

                  Na’i dehan: mai hamutuk ho ha’u imi hotu nebe kole no moris susar,

                  tan Ha’u sei halo kmaan imi nia kole. Refrão

 

Evangelho                                                                                                                                                                            Mt. 11. 28-30

Na’i Jesus Cristo nia Evangelho  un’udar São Mateus haktuir

Iha tempo neba, Jesus lia tun nune’e: “Mai hamutuk ho Ha’u imi hotu nebe kole no moris susar, tan Ha’u sei halo kmaan imi nia kole. Imi tau Ha’u nia todan iha imi nia kbás hodi halo tuir Ha’u, tan Ha’u laran maus, Ha’u haraik – an. Imi sei hetan ksolok ba imi nia klamar, tan Ha’u nia todan mamar, Ha’u nia naha kmaan”.

Lia maksyon.

Leave a Reply

Your email address will not be published. Required fields are marked *