shadow
Diocese de Dili > NOTÍCIAS > LETURA DIÁRIA > Sexta – Feira, XV Semana IhaTempo Comum

Sexta – Feira, XV Semana IhaTempo Comum

Ano B

 

Primeira Leitura                                                             Is. 38. 1-6, 21-22, 7-8

Lia housi libro Isaías nian

Iha loron hirak neba, Ezequias, liurai Judá nian, hetan moras todan. Profeta Isaías, Amós nia oan, ba visita nia hodi dehan: “Na’i lia tun nune’e: ‘Ó hadi’ak ba ó nia uma basá, ó atu mate ona, ó sei la hetan isin di’ak”. Ezequias fils oin ba didin hodi harohan ba Na’i nune’e: “Na’i! ha’u husu ba Itaboot atu ita hanoin hikas fali oinsá ha’u ho laran mós no ho laran metin hala’o ha’u moris iha ita futar matan”. Tuir mai, Ezequias hahu tanis maka’as.

Tan ne’e, Na’i lia tun ba Isaías nune’e: “Ó dehan ba Ezequias: “Na’i, ’o nia bei-ala, David nia Maromak, koa’lia nune’e: “Ha’u rona ó harohan no harohan ho mata uen. Ha’u fó tan tinan sanulu resin lima ba ó nia moris. Ha’u sei soi ó housi liurai Assíria nia liman. Ha’u sei tulun ó no mós hatau cidade ne’e.”

Hafoin, Isaías dehan: “Imi halo bolo ai-fuan figo nian ida lori mai, imi kose nia iha kanek nia leten, liurai sei hetan fali isin di’ak.” Ezequias hasa’e lia hodi husu: “Ha’u sei hetan sinal sá nebe hatudu katak ha’u sa’e hikas ba Na’i nia Templo?” Isaías hatan ba nia: “Sinal housi MAromak be Nia sei halo tuir lolós nia liafuan mak ne’e: “Ha’u halo mahan loro nian fila ba kotuk grau sanulu iha Acaz nia relógio nebe la’o liu tiha ona”. Loro fila ba kotuk grau sanulu iha fatin nebe nia la’o ba.

Maromak Futar Lia

 

Salmo Responsorial                                                                                                                                 Is. 38. 10-12, 16 (R. cf. 17b)

Refrão : Na’i, Ita soi ha’u moris housi mate!!! Repete-se

 

Ha’u dehan: “Ha’u atu mate iha ha’u moris klaran,

Ha’u lakon ona resto ha’u nia moris nian.

Ha’u sei la haré tan Na’i iha ema moris nia rain,

Ha’u sei la haré tan

Ema housi povo mundo nian. Refrão

 

Ha’u hôrik fatin sobu-an tiha,

Hanesan tenda bibi-atan sira nian.

Hanesan ema soru tais ida, Na’i,

Ita hakotu tiha kavas housi doen. Refrão

 

Tan ita, Na’i, ha’u nia espírito sei moris,

No ha’u nia terus nakfila ba hakmatek.

Souri ha’u klamar housi mate nia ukun,

Perdua ha’u salan sira hotu. Refrão

 

Aclamação                                                                                                                                                                                   Jo. 10. 27

Refrão : Aleluia, Aleluia! Repete-se

                 Ha’u nia bibi sira rona ha’u lian, Na’i lia tun;

                  Ha’u hatene sira, sira mai tuir Ha’u. Refrão

 

Evangelho                                                                                                                                                                                  Mt. 12. 1-8

Na’i Jesus Cristo nia Evangelho nu’udar São Mateus haktuir

Iha tempo neba, Jesus liu housi to’os trigo nian iha loron sábado ida. Tan nia escolante sira hamlaha, sira hahu ku’u trigo fulin hodi han daudaun. Fariseu sira haré buat ne’e, sira hatete ba Jesus: “Haré ba, ita Nia escolante sira halo buat nebe bandu atu halo iha sábado”,. Maibe, Jesus hatan ba sira: “Imi la lê buat nebe David halo, uainhira nia sentí hamlaha, ho nia maluk sira seluk? Tama iha Na’i Maromak nia uma, hasai hodi han pão sira iha santuário, nebe lulik be nia la bele han no nia maluk sira mós la bele han selae, na’ilulik sira de’it mak bele han. Imi la lê iha Na’i Nia leu, nebe dehan iha templo, na’ilulik sira bele serbisu iha sábado maibe, sira la sala? Ha’u dehan ba imi katak, iha ne’e iha ida nebe boot liu templo. Imi hatene karik buat ne’e katak sá: ‘Ha’u hakarak laran-luak, lakohi sacrifício’, imi sei la fó sala ba ema nebe la sala. Basá, Mane Maksoi mak sábado nia Na’in.

Lia Maksoyn.

Leave a Reply

Your email address will not be published. Required fields are marked *