shadow
Diocese de Dili > NOTÍCIAS > LETURA DIÁRIA > Sábado, XV Semana iha Tempo Comun

Sábado, XV Semana iha Tempo Comun

Ano B

 

Primeira Leitura                                                                     Miq. 2. 1-5

Lia housi Profecia Miqueias nian

Susar tebes ba sira nebe buka dalan áat, no hatudu hahalok áat iha fatin nebe sira hela ba. Uainhira rai – hun mutin mosu, sira hala’o kedas buat áat sira. Sira hamatak ema nia to’os sira hodi hela ba sira; sira hasai ema nia uma hodi hela ba sira. Sira halo un’udar ata, ema nia uma, uma na’in ho nia riku-soi. Tan ne’e, Na’i dehan lolós: “Ha’u hanoin atu haruka castigo ida hasouru imi nebe imi la bele soi imi nia kakorok. Imi sei la foti tan oin uainhira la’o, basá to’o ona tempo susar nian. Iha loron ne’e, sira sei hananu knananuk hasara nian ida ba imi; sira sei hananu nune’e ho laran susar: ‘Ami lakon mohu tiha ona! Ha’u nia povo nia riku-soi fahe tiha ba povo seluk; la iha ema ida atu fó fila-fali’. Ne’e duni, iha imi leet sei la iha ema ida nebe iha sorti ba parte ida iha Na’i nia assembeia.”

Maromak Futar Lia.

 

Salmo Responsorial                                                                                                        Sal. 9B(10). 22-23, 24-25, 28-29 (R. 12)

Refrão : Na’i, keta haluha ema kiak sira. Repete-se

 

Na’i tan sá Ita hela dook tebes,

Hasubar-an iha oras susar nian?

Tan nia foti-an, ema áat hanehan ema kiak sira,

Hodi monu iha hani be ema seluk halo. Refrão

 

Ema fiar laek sira loko-an iha nia hakarak,

Ema kaan ten haksolok iha nia hahalok,

Hakribi Na’i, nia dehan iha nial aran kloot,

“La iha ida be castigo ha’u, Maromak la iha”. Refrão

 

Nia ibun nakonu ho lia áat, bosok no du’u matak,

Iha nia nanal, iha de’it lia áat no bosok;

Nia tau han iba povo sira,

Nia subar-an atu oho ema laran mós sira. Refrão

 

Ita tau matan ba sira nebe kole no terus,

Atu hola sira nia caso iha Ita liman.

Ema kiak sira, laran metin iha ita,

Ita mak hatau oan kiak sira. Refrão

 

Aclamação                                                                                                                                                                                2Cor. 5. 19

Refrão : Aleluia, Aleluia! Repete-se

                  Housi Cristo, Maromak badame malu ho ita;

                  Nai haruka ita hala’o knaar hádame malu nian. Refrão

 

Evangelho                                                                                                                                                                             Mt. 12. 14-21

Na’i Jesus Cristo nia Evangelho tuir São Mateus

Iha tempo neba, fariseu sira halibur malu hodi futu lia hasouru Jesus, atu oho Nia.

Maibe, Jesus hatete ona sira nia hanoin, Nia sai tiha housi fatin neba. Ema barak tuir Nia, Nia fó isin di’ak ba sira hotu hodi bandu sira atu keta hateten sai ba ema seluk. Nune’e, atu cumpri lolós buat nebe profeta Isaías fó sai nanis houri uluk, nebe dehan:

“Ne’e Ha’u nia Atan, nebe Ha’u hili, Ha’u ni adoben nebe Ha’u hadomi tebes, ksolok Ha’u klamar nian. Ha’u sei hamahan Nia ho Ha’u nia Espírito, atu Nia haklaken Ha’u nia Justiça ba mundo tomak. Nia sei la istori malu, sei la fera au nebe nakfera ona, sei la hamate lampu nia kábas nebe lakan suar, to’o Nial ori lialós ba vitória. Nação hotu iha mundo rai klaran sei hein ho laran tomak iha Nia naran”.

Lia Maksoyn.

Leave a Reply

Your email address will not be published. Required fields are marked *