shadow
Diocese de Dili > NOTÍCIAS > LETURA DIÁRIA > Domingo XVI Tempo Comum

Domingo XVI Tempo Comum

ANO B

 

Primeira Leitura                                                                      Jer. 23, 1-6

Lia housi livro Profeta Jeremias:

Maromak lia tun nune’e: “Susar tebes, imi sira be bibi-atan nebé halakon, halo namkari Ha’u nia bibi sira!” Na’i, Israel nia Maromak, lia tun nune’e kona ba bibi atan sira nebé tau matan ba Ha’u nia povo: Imi mak halo namkari no duni sai ha’u nia bibi sira, imi la tau matan ba Ha’u nia bibi sira. La buat ida! Ha’u sei castigo imi nia hahalok aat – ne’e Maromak futar lia. Ha’u rasik sei halibur hamutuk Ha’u nia bibi sira, nebé sei hela, halibur sira housi rai-rai, lori fila sira ba sira nia du’ut. Sira sei bokur, sira sei sai barak. Ha’u sei fo bibi-atan ba sira, nebé sei lori sira ba du’ut, sira sei la ta’uk tan ona, sira sei la hakfodak tan ona. Sira ida sei la lakon tan – Na’i futar lia. Na’i Maromak dehan teni: “Loron sei to’o, Ha’u sei fo oan mane ida kmanek teb-tebes ba David. Oan ne’e sei sai liurai. Nia sei ukun ho matenek, Nia sei ukun lolós ho justiça iha nia Reino. Iha nia ukun, Reino Judá sei hetan salvação. Iha nia ukun Israel sei hetan hakmatek. Iha tempo ne’e mak ema sei hanaran Nia: JAVÉ ita nia justiça”.

Maromak Futar Lia

 

Salmo Responsorial                                                                                                                                 Sal. 22(23), 1-3ª. 3b-4. 5. 6

Refrão : Na’i hatudu Ita dalan mai ha’u; Ha’u sei la kuran buat ida!!! Repete-se

 

Na’i ha’u mahein, ha’u la kuran buat ida.

Nia halo ha’u hela halimar iha du’ut matak.

Nia lori ha’u ba wé mos liu,

Hodi fo hikas kbiit mai ha’u. Refrão

 

Nia lori ha’u housi dalan di’ak liu

Atu hahí nia naran.

Ha’u sei liu housi rai naruk, maibé la ta’uk:

Ita Boot  hamutuk ho ha’u,

Ha’u laran metin b aita aitonka. Refrão

 

Iha ha’u funu-balu sira oin

Ita tau mesa ho ai-han wa’in.

Ha’u cális naresin;

Mina morin unção suli ha’u ulun. Refrão

 

Ita domin, Ita laran luak la’o ho ha’u

Iha ha’u nia moris.

Ha’u sei horik iha Na’i uman

Loron-loron iha ha’u moris tomak. Refrão

 

Segunda Leitura                                                                                                                                                                    Ef. 2, 13-18

Lia housi São Paulo nia surat ba sarani sira iha Êfeso:

Maun alin sira: Maski uluk imi moris dook housi Maromak, ohin loron, ho Cristo, imi hakbesik ona ba Maromak, tan Cristo futar ran. Tebes duni, Cristo mak ita nia dame. Cristo mak halibur hamutuk Judeu no gentio sira, hodi halo sira sai povo ida de’it. Cristo halakon sira nia hirus malu; Nia saran nia futar isin, hodi halakon Moisés nia ukun no hanourin. Nune’e, Cristo hodi nia-an rasik, halibur hamutuk judeu no gentio sira, hodi halo sira sai ema foun ida de’it. Nune’e, mak Cristo hetan duni dame ba sira. Ema sira hotu nebé hamutuk sai nu’udar isin lolon ida de’it, Cristo, hodi Nia cruz halo sira dame malu ho Maromak. Cristo, ho nia an rasik halakon sira nia hirus. Cristo mai haraik dame ba imi sira nebé uluk moris dook; haraik mos ba sira nebé moris besik nanis Maromak. Hodi cristo mak ita hot-hotu bele hakbesik ba Maromak Aman, tuir Espírito ida de’it.

Maromak Futar Lia

 

Aclamação                                                                                                                                                                                     Jo. 10, 3

Refrão : Aleluia, Aleluia! Repete-se

                  Na’i lia tun: “Ha’u nia bibi sira rona ha’u lian,

                  Ha’u hatene sira, sira la’o tuir Ha’u. Refrão

 

Evangelho                                                                                                                                                                                 Mc. 6, 7-13

Na’i Jesus Cristo nia Evangelho nu’udar São Marcos haktuir:

Iha tempo nebá, Apóstolo sira mai tur hale’u tiha Jesus, hodi haktuir sai ba Nia, buat hotu sira halo no hanourin. Jesus lia tun ba sira, dehan: “imi mai, Ita la’o mesak ba fatin ida, atu tur halimar wituan”. Tan ema sira be ba-mai wa’in tebes, sira la biban atu han. Tan ne’e sira sa’e ró, hodi hadook-an tiha ba fatin mesak ida. Haré sira dada-an, ema barak hatene ona. Nune’e, housi cidade hotu-hotu, ema barak halai housi rai, to’o uluk fatin nebá. Tun housi ró Jesus haré kedas ema lubun boot. Nia hanoin tebes ema sira ne’e, basá, sira hanesan bibi sira nebé-atan laek. Nia hahú hanourin sira kleur.

Lia Maksoyn

Leave a Reply

Your email address will not be published. Required fields are marked *