shadow
Diocese de Dili > NOTÍCIAS > LETURA DIÁRIA > Quinta-Feira, XVI Semana iha Tempo Comum

Quinta-Feira, XVI Semana iha Tempo Comum

ANO B

 

Primeira Leitura                                                           Jer. 2. 1-3,7-8, 12-13

Lia housi livro Jeremias nian

Na’i lia tun mai ha’u nune’e: “Ó ba dehan ho lia maka’as atu Jerusalém bele rona: Na’i ko’alia nune’e: Ha’u hanoin hikas fali ó nia domin uainhira ó sei foin sa’e, ó nia domin uainhira ó sei hela un’udar noiva, iha tempo nebe ó tuir Ha’u iha rai fuik maran be ema la hadi’an rai. Israel mak Na’i Nia lima-rohan santo, ai fuan sira nebe Nia ku’u ba dala uluk. Sira hotu nebe han, selu,; derak monu lós ba sira leten – Na’i Nia liafuan – “Ha’u lori imi ba rai nebe iha ai fuan barak atu imi bele han sira fuan no sira riku – soi. Maibe, iha loron nebe imi tama iha neba, imi halo fo’er tiha kedas Ha’u rain  no halo halo Ha’u lima-rohan un’udar fatin hakribi nian. Na’ilulik sira mós la husu: “Na’i iha nebe?”  Mestre sira lei nian la hatene Ha’u, no povo sira nia mata – dalan hafunu hasouru Ha’u; profeta sira siik hodi Baal nial aran; sira tuir maromak falso sira.

Na’i dehan: “Buat hotu ne’e halo ó, Lalehan, hakfodak, halo nakdedar no hata’uk. Basá, Ha’u Nia povo halo sala rua: Nia husik tiha Ha’u ba ué matan moris nian; ba tiha fali kee ué matan be nakfera, nebe la tahan ué.’

Maromak Futar Lia.

 

Salmo Responsorial                                                                                                            Sal. 35 (36). 6-7ab, 8-9, 10-11 (R.10ª)

Refrão : Na’i, Ita mak iha ué matan moris nian!!! Repete-se

 

Na’i, Ita laran di’ak sa’e to’o lalehan,

Ita neon lós ba to’o kalohan;

Ita justiça hanesan foho áas liu hotu,

Ita nia tesi lia kle’an liu fali tasi nia kle’an. Refrão

 

Na’i, Ita laran di’ak kmanek ua’in tebes!

Ema hotu heli-an iha Ita liras mahan,

Habosu-an tiha ho aihan housi Ita uma,

No ué housi Ita rahun di’ak. Refrão

 

Iha Itaboot mak ué matan moris nian,

Ho ita roman mak ami bele haré roman.

Haraik Ita laran – luak ba sira nebe hatene Ita,

No Ita justiça ba sira be fuan mós. Refrão

 

Aclamação                                                                                                                                                                                   Mt. 11. 25

Refrão : Aleluia, Aleluia! Repete-se

                  Rahun di’ak ba Ita, Aman, Na’i lalehan no rai nian,

                  tan Ita hatudu mistério reino lalehan nian ba kiik sira. Refrão

 

Evangelho                                                                                                                                                                             Mt. 13. 10-17

Na’i Jesus Cristo nia Evangelho nu’udar São Mateus haktuir

Iha tempo neba, Jesus nia escolante sira hakbesik ba Nia dehan: “Tansá Ita koa’lia ba sira ho aiknanoik? Nia hatan ba sira: “Ba imi, Maromak fó hatene tiha mistério sira reino lalehan nian, maibé ba sira lae. Basá ba ida nebé iha ona, sei fó tan atu nia iha liu tan; maibé ida nebé la iha, buat uituan mós nebé nia iha sei hasai tan housi nia. Tan ne’e mak Ha’u ko’alia ba sira ho aiknanoik, basá sira hateke daudaun, maibé la haré; sira sée tilun daudaun maibé la rona, ka hatene lós. Nune’e sei sai duni tuir Profeta Isaias nia lia nebé dehan: Imi rona ho tilun, maibé la hatene lós; imi haré ho matan, maibé la haré mós. Basá povo ne’e nial aran tós; sira nia tilun diuk no la bele rona; sira fuan la bele hatene lós keta sira hakribi sira nia sala hafoin Ha’u halo sira fila ba di’ak.’ Maibé ksolok ba imi nia matan basá sira haré; no ba imi nia tilun basá sira rona. Tebes, Ha’u dehan ba imi katak profeta no ema di’ak barak hakarak tebtebes haré buat nebé imi haré daudaun, maibé la haré; no rona buat nebé imi rona, maibé la rona”.

Lia Maksoyn.

Leave a Reply

Your email address will not be published. Required fields are marked *