shadow
Diocese de Dili > NOTÍCIAS > LETURA DIÁRIA > Sexta-Feira, XVI Semana iha Tempo Comum

Sexta-Feira, XVI Semana iha Tempo Comum

ANO B

 

Primeira Leitura                                                                     Jer. 3. 14-17

Lia housi livro Jeremias nian

Na’i lia tun dehan: “Imi fila mai Ha’u, oan sira be laran áat, basá, Ha’u mak imi nia Na’i; Ha’u sei simu imi ida housi cidade ida, no rua housi família ida, atu lori ba Sião. Ha’u sei haraik bibi-atan sira ba imi tuir Ha’u fuan nia hakaran; sira ho matenek sei tau matan didiak ba imi.

Iha loron neba – Na’i dehan – wainhira imi sai barak no wa’in iha rai, imi sei la husu tan: ‘Sá mak halo hodi Na’i nia arca aliança nian?’ Ema ida sei la tau tan neon hodi hanoin hikas fali nia; la sura tan ona ho nia no mós sei la halo foun fali ida. Iha tempo neba, sira sei hanaran Jerusalém, ‘Na’i nia trono’; iha ne’e mak sei halibur povo hot-hotu hodi Na’i nia naran; sira sei la tuir tan sira hakaran áat.

Maromak Futar Lia.

 

Salmo Responsorial                                                                                                                               Jer. 31. 10, 11-12ab, 13 (R. 10d)

Refrão : Hanesan bibi atan bali nia bibi sira,

                  nune’e mós Na’i bali ita!!! Repete-se

 

Nação sira rona Na’i nia liafuan ba,

Haklaken ba nusa sira be dook.

Ida nebé halo namkari Israel sei halibur fali nia,

Sei bali nia hanesan bibi-atan bali nia bibi sira. Refrão

 

Na’i soi Jacob,

Hasai nia housi nia funu baluk sira liman.

Sira sei fila ho ksolok ba foho Sião

Hodi ba simu Na’i nia bensa. Refrão

 

Fetora sei dansa ho ksolok,

Sei haksolok foin sa’e no katuas sira.

Nakfila sira lutu ba ksolok,

Sira laran susar sei nakfila ba neon ksolok. Refrão

 

Aclamação                                                                                                                                                                                             Lc. 8. 15

Refrão : Aleluia, Aleluia! Repete-se

                  Ksolok ba sira nebé rona Maromak Nia liafuan ho neon

                  no laran hodi fo fuan, tan sira laran metin. Refrão

 

Evangelho                                                                                                                                                                                     Mt. 13. 18-23

Na’i Jesus Cristo nia Evangelho nu’udar São Mateus haktuir:

Iha tempo neba, Jesus lia tun ba escolante sira, dehan: “Ne’e duni imi rona didiak aiknanoik kona ba ema nebé kari fini iha to’os. Fini nebé monu iha dalan ninin hanesan ema nebé rona liafuan reino nian maibé la hatene lolos. Ida nebé áat mai, no hasai buat nebé kuda tiha iha ema nia laran, Fini nebé monu iha fatuk laran mak ida nebé rona liafuan hodi simu kedas ho ksolok. Maibé tan abut laiha, nia mate lalais; hetan tiha susar eh terus tanba liafuan, nia monu kedas. Fini nebé monu iha aitarak laran mak ida nebé rona liafuan maibé knaar sira rikusoi mundo ne’e nian hanehan liafuan ne’e; halo nia la fó fuan. Fini nebé monu iha rai di’ak mak ida nebé rona liafuan hodi hanoin didi’ak: ida ne’e fó fuan dala atus ida, ka neen nulu, ka tolu nulu.

Lia Maksoyn.

Leave a Reply

Your email address will not be published. Required fields are marked *